Innleiðing inn í daginn theta velferð
- 1. HUGLEIÐSLA Stutt falleg innsetning fyrir daginn www.theta.is
- 2. 1 Byrjaðu á því að ákveða að það sem þú ert að fara að gera, sé framkvæmt af fullri einlægni. Veldu vandlega stund og stað, ef þú ert óvön(vanur) hugleiðslu þá er best að byrja á því að tryggja að verða ekki fyrir truflun af síma eða öðru fólki og utanaðkomandi hljóðum..
- 3. 2 Veldu þann tíma sem þú ætlar að gefa þér fyrir hugleiðslustundina, fyrir óvana mæli ég með 10- 15 mínútum í fyrstu skiptin. Síðan þegar fram líða stundir eru 20 mínútur góður tími til hugleiðslu kvölds og morgna. Gott er að hafa vatnsglas við hendina, komdu þér þægilega fyrir í stól eða góðri sitjandi stöðu þar sem fer vel um þig, ekki láta föt þrengja að þér.
- 4. 3 Þú segir við þig í hljóði eða upphátt: „Ég bið um vernd og blessun fyrir þessa stund.“ Þarna getur verið gott að sjá fyrir sér (með innri sjón og nota ímyndunaraflið) ljóshjúp umvefja þig, rýmið sem þú ert í og allt umhverfið eins vítt og breitt og þér líður vel með.
- 5. 3 frh. Þú getur beðið um vernd, blessun og leiðsögn frá þeim sem þér eru hugleiknir; verndarvættum, englum, andlegum hjálpendum og leiðbeinendum að eigin vali.
- 6. 4 Beindu nú allri athygli þinni að önduninni. Fylgstu með henni án þess að breyta henni á nokkurn hátt, áttaðu þig á því hvernig súrefnið líður um öndunarveginn. Ekkert annað skiptir máli núna nema þessi yndislega lífgefandi öndun, og þú áttar þig á því að rétt áður varst þú varla meðvituð(aður) um öndunina. Þú bara andaðir!
- 7. 5 Núna andar þú fullkomlega meðvitaða öndun og þá er um að gera að njóta þess.
- 8. 6 Núna beinir þú athygli þinni niður á neðra kviðsvæðið við nafla, og niður fyrir hann í átt að lífbeininu og slakar djúpt á þessu svæði. Finndu hvernig hver vöðvi, taug og sin gefur auðveldlega eftir og þú finnur hvað það er auðvelt fyrir öndunina, að fylla upp í rýmið sem myndast við að slaka svona vel á magasvæðinu öllu.
- 9. 7 Hægt og rólega og við hverja djúpa öndun sem þú tekur slakar líkaminn meira og meira á, verður sveigjanlegri og opnari fyrir nýrri orku, lífskrafti og ljósi.
- 10. 8 Núna velur þú að nota innri sjón og ímyndunaraflið og sjá fyrir þér hvítgullin ljósgeisla streyma niður um hvirfilinn. Opnaðu hvirfilinn vel þannig að allt þetta yndislega hvítgullna ljós fái greiðan aðgang að þér. Þú tekur inn með önduninni súrefni og lífskraft og fléttar inn hvítgullinn ljósgeislann.
- 11. 9 Öll þessi yndislega orka flæðir nú auðveldlega um allan líkamann; frjálslega og áreynslulaust og í fullkomnu jafnvægi.
- 12. 10 Hægt og rólega ferð þú að gera þér grein fyrir því að allt sem þú skynjar í þér og með þér; líkami, hugur, tilfinningar, geð, sál og andi er farvegur fyrir alheimsorku, lífskraft, ljós, súrefni og allt það sem lifir og hrærist í lífstilvistinni. Mundu að þú velur og tekur ábyrgð á því hvað flæðir í gegnum þig.
- 13. 11 Þú getur valið að hleypa ekki neikvæðum hugsunum að þér í dag, þú getur valið að beina hugsunum þínum í jákvæða átt. Þú getur valið það í dag, af einlægni og með opnu hjarta, að elska þig skilyrðislaust, að virða þig skilyrðislaust, að viðurkenna þig skilyrðislaust og treysta þér skilyrðislaust.
- 14. 12 Þú segir við þig í hljóði eða upphátt: „Ég á allt það besta skilið.“ „Ég er yndisleg og góð manneskja. Dagurinn í dag verður frábær í alla staði og ég hef þá ró og friðsæld innra með mér sem þarf til að mæta öllu því óvænta sem gerist.“
- 15. 13 Andaðu núna djúpa góða öndun og staðfestu öll þessi fallegu jákvæðu orð og tilfinninguna sem fylgdi með inn í undirmeðvitundina. Þú getur sagt innra með þér: „Ég staðfesti nú allt það sem sagt var inn í undirmeðvitundina og ég veit að það er rétt og verði svo.“
- 16. 14 Leyfðu þér nú að koma hægt og rólega aftur til baka, beindu athyglinni að önduninni og finndu fyrir líkamanum þar sem hann er sitjandi í þægilegri stöðu.
- 17. 15 Þegar þú ert búin(n) að skynja vel umhverfið í kringum þig, staldraðu aðeins við áður en þú opnar augun og styrktu orkuflæðið í gegnum þig og umhverfis þig. Mundu að þú ert ávallt farvegur fyrir þessa yndislegu lífsorku sem kemur úr uppsprettu sem er tímalaus og eilíf og þú hefur alltaf greiðan aðgang að henni.
- 18. 16 Opnaðu augun. Andaðu djúpa góða öndun og teygðu þig í allar áttir … fáðu þér vatnssopa Ljós og kærleikur inn í daginn þinn Viðar Aðalsteinsson www.theta.is