Kale Chane ke Fayde: Swasthvardhak Guno Se Bharpur
- 1. HRELATE.COM Jane Kis Tarah Se Sehat Ke Liye Faydemand Hai Kala Chana
- 2. • Kala chana ko garibo ka badam kaha jata hai. Kaha jata hai hai ki yadi aap apne sharir ko furtila aur swasth rakhna chahte hai to rojana chane ka sevan jarur kare. Chana bahut hi poshtik hota hai, ise log kai tariko se khana pasand karte hai jaise ankurit, fula hua, bhuna hua, ubla ya fir tala hua. Ise kisi bhi rup mai khaye yeh sharir ke liye bahut hi faydemand hota hai to aaiye padhe Kale Chane ke Fayde. • Kale chane mai carbohydrate, protein, name, chiknai, reshe, calcium, iron aur kai prakar ke vitamins paye jate hai. Yeh poshak tatv aapke sharir ko kabj, khun ki kami, madhumeh, piliya jaise rogo se bachata hai sath hi aapko sundar aur tej dimak wala bhi banane mai madad karta hai. Iske alava yeh hamare baalo aur twacha ke liye bhi faydemand hota hai. • Chane mai 27 se 28 fisadi iron ki matra hoti hai jo kin a keval sharir ki rakt koshikao ke nirman mai madad karti hai balki hamare sharir ke hemoglobin ko badha kar kidney ko bhi namak ki adhikta se dur rakhti hai. • Bahut se log kale chane ko ankurit kar khana pasand karte hai kyonki ankurit chane mai chlorophyll, vitamin A, V, C, D aur K ke sath-sath phosphorous, potassium, magnecium, aur kai prakar ke minerals ka accha strot hota hai. hrelate.com
- 3. hrelate.com Kale Chane ke Fayde: Sharir Ko Bimariyo Se Dur Rakhe Black Chickpeas
- 4. hrelate.com • Piliya Rog Mai Faydemand • Piliya rog ko dur karne ke liye kala chana bahut hi faydemand hota hai. Iske kai tarike se ham kha sakte hai. • 100 gram chane ki daal mai 2 glass pani dalkar kuch ghanto tak bhigoye. Ab daal se pani ko alag kar le aur rogi ko daal ke sath gud rojana 4 se 6 dino tak de. Isse piliya mai aaram milta hai. • Iske alava kale chane ka sattu bhi piliya rog se grasit rogi ko dene se piliya mai aaram milta hai. • Pathari Ki Samasya Dur Kare • Aajkal ke dushit pani aur khanpan ki wajeh se hamari kidney aur pet mai pathri ki samasya hona aam bat ho gayi hai. Iske dur karne ke liye chane ka sevan bahut hi faydemand hota hai. Iska sevan karne ke liye ratbhar chane ko bhigokar rakhe aur dusare din subah khali pet bhige huye chane mai shahad milakar khaye. Rojana aesa karne se pathri hone ki samasya kam ho jati hai. Aur yadi sharir mai pathri hai to use aasani se nikala ja sakta hai. • Iske alava chane ke sattu aura aate se bani roti bhi iss samasya se nijad dilate hai.
- 5. hrelate.com • Madhumeh Mai Faydemand • Madhumeh rog se grasit marij ke liye kala chana bahut adhik faydemand hota hai. Iska sevan karne se sharir aur rakt se glucose ki matra kam hoti hai jisse madhumeh rogiyo ko aaram milta hai. Iska sevan karne ke liye kale chane ko rat bhar bhigokar rakhe aur rojana subah khali pet inn chano ka sevan kare. • Nimn Raktchap Ko Niyantrit Rakhe • Jin vyaktiyo ko nimn raktchap ki bimari hai unko kale chane ka sevan ka sevan karna chahoiye. Ise khane ke liye rojana subah khali pet rat mai bhigoye huye 20 gram kale chane aur 25 kishmish ke dane ya fir munakka ka sevan kare. Isse aapko low blood pressure mai aaram milega aur chehre ki chamak bhi badhegi. • Twacha Ke Liye Faydemand • Twacha sambandhi rog jaise khaj khijali, daad aur charm rog aadi rogo ko dur karne ke liye rojana apne aahar mai chane ka sevan prarambh kare. Iske alava aap chane ke aate ki rotiyo ko bhi banakar kha sakte hai. • Dhup aur dhul-mitti ki wajeh se twacha ke kalepan ko dur karne ke liye 12 chammach besan, 3 chammach dahi ya dudh aur thoda sa pani ko milakar ubtan banaye aur apne gale aur chehre par male. 10 minute tak malne ke bad naha le. Aesa rojana karne se twacha ka kalapan dur ho jata hai.
- 6. hrelate.com • Chehre Ki Sundarta Badhaye • Chehre ko sundar banane ke liye rojana chane ke besan ka ubtan banakar apne chehre par lagaye. Isse chehre ki twacha par jhurriya nahi aati hai aur chehra sundar banta hai. • Chehre ki jhaiya dur karne ke liye ratri mai 2 bade chammach chane ki daal ko bhigokar rakhe. Subah daal ko piskar usme dudh, chutki bhar haldi aur 6 bund nimbu ke ras ki milaye. Ab iss mishran ko apne chehre par lagaye aur sukhne tak intjar kare fir halke gungune pani se chehre ko dho le. Iss pack ko 3 hafto tak lagane se chehre ki jhaiya dur ho jati hai. • Kabj Se Rahat De • Chane mai fiber ki acchi matra hoti hai jisse yeh pachne mai bhi aasan hota hai. Isliye rat mai bhigoye huye chane se pani ko alag kar usme namak, adarak, jeera mix kar khane se kabj ki samasya se nijad milti hai. Iske alava iske sevan se bukhar, anemia aadi pareshani dur hoti hai aur sharir ki gandgi bhi saaf hoti hai. • Kale Chane ke Fayde: Aur adhik Fayde Inhe Jarur Padhe • Chane ka rojana sevan karne se bar-bar peshab aane ki samasya dur ho jati hai sath hi urine se judi kisi bhi prakar ki samasya mai aaram milta hai.
- 7. hrelate.com • Mahilao mai yadi garbhpat ki sambhavna ho to mahila ko kale chano ka kadha banakar dena chahiye isse garbh sthir bana rahega. • Iske alava rojana chane ka sevan karne se sar dard, twacha ke safed daag, hichki, jukham aadi rogo mai aaram milta hai. • Rojana kam-kaj ki wajeh sepurusho ko kamjori aa jati hai. Aese mai rojana bhigoye huye ya fir ankurit chane ka sevan karne se kamjori dur hoti hai sath hi purusho ki veerya se sambandhit pareshani aur napunsangta ki bimari bhi dur hoti hai. • Cough aur kisi bhi prakar ki saans ki samasya ko dur karne ke liye rat mai bhune huye chane ko chabakar khaye aur fir bad mai dudh pee le. Isse cough aur saans sambandhit samasyao se rahat milti hai. Iske alava aesa karne se mahilao ki yoni se safed pani aana band ho jata hai. • Upar aapne padha Kale Chane ke Fayde. Yadi aap bhi upar dee gayi bimariyo aur rogo se grasit hai to aaj se hi apne dainik jivan mai Black Chickpeas ka istemal shuru kare aur rahe swasth.