6 „მელია და ცხენი“
- 1. გაკვეთილის თემა „მელია და ცხენი“ მასწავლებლის/მასწავლებლების სახელი/ გვარი სწავლების საფეხური / კლასი I საფეხური/ IV კლასი მოსწავლეთა პროფილი 30 მოსწავლე აქტუალობა დღევანდელი შეხვედრა აქტუალური და მნიშვნელოვანია რამდენიმე ფაქტორის გამო: 1. ვმუშაობთ ლექსიკური მარაგის გამდიდრებაზე; 2. შემოქმედებითი აზროვნების განვითარებაზე; 3. საკუთარი მოსაზრებების კრიტიკულად განხილვაზე. სასწავლო მიზნები და მოსალოდნელი შედეგები მოსწავლეები გაიხსენებენ, ახსნიან უკვე შესწავლილ სიტყვებს. ილუსტრაციების საშუალებით გამოთქვამენ ვარაუდებს რის შესახებ შეიძლება იყოს შესასწავლი ზღაპარი, ხოლო ზღაპრის წაკითხვის, ანალიზის შემდეგ თავად შეამოწმებენ და შეაფასებენ საკუთარი ვარაუდების სისწორეს. მოსწავლეთა წინარე ცოდნა ---------------------------------------------- გაკვეთილის მსვლელობა/საკლასო მენეჯმენტი I ფაზა- ფასილიტატორები „ჯადოსნურ ყუთში“ მოათავსებენ უკვე შესწავლილ სიტყვებს. რამდენიმე ბავშვს თხოვენ ყუთიდან ამოიღონ სიტყვები და თავიანთ მეგობრებს აუხსნან რა სიტყვა იყო მოთავსებული ყუთში. შეუძლიათ სინონიმების, მოძრაობის საშუალებით აუხსნან აუდიტორიას სიტყვა. ( 10 წთ) II ფაზა- თოკებზე ფასილიტატორები თითოეული გუნდისთვის ჩამოკიდებენ სურათებს. სურათები ასახავს გასაცნობი ზღაპრის (მელა და ცხენი) სტრუქტურას. მაგ: სათაური- სურათი: გამოსახულია მელა და ცხენი, მეპატრონემ ცხენი გააგდო საჯინიბოდან და ა.შ. მოსწავლეებს მოუწევთ ამოიცნონ და ივარაუდონ IV კვირა - 26 თებერვალი ქეთევან კოსტავა, მარიტა ბიბლაია, ნინო მანია, სალომე ქუტიძე
- 2. თითოეული სურათი რა ამბავს გადმოცემს, დააწყონ თანმიმდევრულად და შექმნან ამბავი. მას შემდეგ, რაც ოთხივე გუნდი წარმოადგენს საკუთარ ვარიანტს, გაეცნობიან ერთმანეთის ვარაუდებს, გადაინაცვლებენ თავიანთ ფასილიტატორებთან ერთად წრიულად განლაგებულ მერხებთან და დაიწყებენ ზღაპრის წაკითხვას. ( 10 წთ) III ფაზა- ტექსტს ვკითხულობთ პაუზებით, განვმარტავთ უცნობ სიტყვებს, ვპასუხობთ შეკითხვებს.(15წთ) მას შემდეგ, რაც დავასრულებთ ზღაპრის წაკითხვასა და ანალიზს, ვუბრუნდებით თოკებს. ბავშვები ამოწმებენ, რამდენად გამართლდა მათი ვარაუდები, თუ ვერ გამოიცნეს კონკრეტული ეპიზოდი, ასწორებენ და საბოლოო ვარიანტს წარმოადგენენ. (მათ მოუწევთ ამოცნობა იმ სურათისა, რომელიც შეცდომით, წინასწარგანზრახვით მიუტანეს ფასილიტატორებმა) (5 წთ) საბოლოო ვარიანტის ჩამოყალიბების შემდეგ თითოეული გუნდი აკეთებს პრეზენტაციას. ილუსტრაციების საშუალებით საუბრობენ ზღაპრის შესახებ. ( 15 წთ) სასწავლო რესურსები ფერად ფურცლებზე მოცემული სიტყვები, ლამაზად გაფორმებული ყუთი, სურათები, რომლებიც ზღაპრის სიუჟეტს გამოსახავენ, თოკები, ფერადი სამაგრები, ზღაპრის ტექსტის ქსეროასლები თითოეული მოსწავლისთვის, კალამი.