�ݺ�ߣ

2
Farmān-e-Ilāhi hai:-
Ham zaroor tūmhāri
āzmāish kareińge yahāń
tak’ke ham ye ma’loom
kar’leiń ke kaun
mūjā’hid aur kaun sābit
qadam rahne vāle haiń
aur ham tūmhāre hālāt
kā imtehān zaroor lete
raheińge. (Muhammad:
31)
Wa lanab’luwan’nakum
hattaa na’lamal
mujahideena minkum was
saabireen wa nablu wa
akhbaarakum
(Muhammed:31)
Ai imān vāloń Allah ta’ā’lā hameiń mūkhtalif hālāt
meń mūb'tilā kar ke zaroor āz’māye’ga. Phir us
āzmāish meń jin logoń ne kāmiyāb ho’ne ki jiddo-
jihad (struggle) ki aur apne īmān par sābit qadam
the vahi log dūnyā va ākhirat meń kām-yāb
hońge.
Jin chīzoń se Allah ta’ālā īmān vāloń ko āzmāyega un
meń se ek ke muta’alūq farmān-e-Ilāhi hai:-
Ham tūm logoń ko khair
va shar ke fit’nah
Wa nabluu kum bishsharri
wal khairi fitnatan wa

3
(temptation, mischief)
meń mubtila kar ke
tumhāri āzmāish karte
rahte haiń. (anbiyaa:35)
ilainaa turja’uun
(Anbiya:35)
Mūńda’raja-e-bā’lā ā’yat Mūbā’rak meń Rab-e-
kā’ināt ne īmān vāloń ko āzmāne ke liye lafz
“fitnatan” istemāl farmāyā hai aur lū’ghat
(dictionary) meń fun ke ma’nī hai sone ko āg meń
tapā kar kharā khotā jānch’nā. Ai īmān vāloń
sochne ka mūqām hai ke sonā kitnā qīmti aur
mahboob chīz hai le’kin jab us qīmti aur mahboob
chīz ke kha’rā kho’tā (genuine or spurious) jānch’ne
ka vaqt ātā hai to u’se fau’ran āg me dāl diyā
jātā hai phir us vaqt ko’ī bhi shakhs ye na’hīń
kehta ke it’ni qīmti aur mahboob chīz ko āg meń
kyooń dāl rahe ho. Kyooń ke ūn’heiń ma’loom
hota hai ke u’se āg me dāle jāne kā maqsad kyā
hai is liye us sone kā mālik sone ko āg meń
dālte vaqt kisi qism kā vāvilā na’hīń karta balke
khāmōshi se bade sabr ke sāth us manzar ko
apne āń’khoń se dekhtā rehtā hai. Balke u’sī
tarah īmān vāle insān bhi Allah ta’ā’lā ko bahot
mehboob hai is’ī liye apne un mahboob insānoń
ko īmān meń kha’rā kho’tā jānch’ne ke liye
muqtalif tarīqon se āzmāish meń mūb’tilā kar ke
kha’rā kho’tā jānchtā rehta hai aur jis shakhs se
Allah ta’ā’lā ki jitni ziyāda mūhab’bat hoti hai us ko

4
utni hi ziyāda āzmāish meń mūbtila kar ke jānchtā
hai.
Kyooń ke Allah ta’ā’lā ko insānoń meń sab se
ziyāda mahboob nabi hote hai is liye sab se pehle
Allah ta’ā’lā ne nabiyoń ko āzmāyā aur phir
nabiyoń ke ba’ad jis shakhs se Allah ta’ā’lā ki jitni
mūhab’bat thi Allah ta’ā’lā ne u’si qadar us ko
āzmāish meń mūbtilā kiyā. Isi liye Rab kā’ināt
ne:-
1. Hazrat Ādam (as) ko pehle jan’nat dekar
phir jan’nat se nikāl kar āzmāyā.
2. Hazrat Nooh (as) ko apni ānkhoń ke
sāmne un ka beta pāni meń dūbo kar
āzmāyā.
3. Hazrat Ibrahim (as) ko dehakti huī āg meń
dalvā kar āzmāyā.
4. Hazrat Ismail (as) ko churi ke niche de kar
āzmāyā.
5. Hazrat Sārah (as) ko zālim badsha ke mahal
meń bhijvākar āzmāyā.
6. Hazrat Hājirah (as) ko sher khār bete ke
sāth tan tanhā jangal meń chod kar
āzmāya.

5
7. Hazrat Yaqoob (as) ko un se un ka pyārā
beta judā kar ke āzmāyā.
8. Hazrat Yousuf (as) ko vazir Misr ki bī’vī ke
sāth band kamre meń mūlāqāt karvākar
āzmāyā.
9. Qaum (nation) Samud ko oońt’ni ke zariye
āzmāyā.
10. Hazrat Ay’yub (as) ko shaitān se sakht taklīf
dilvākar atthārah (18) sāl tak sakht bimāri
meń mūb’tilākar ke āzmāyā.
11. Hazrat Dawood (as) ko un ke bête Sūlaimān
(as) se un ke faisle ke khilāf faisle karvāke
āzmāyā.
12, Hazrat Sūlaimān (as) ko dunyā ki har chīz ko
un ke tābe’ kar ke āzmāyā.
13. Hazrat Yoonus (as) ko machali ke pet meń
bhej kar āzmāyā.
14. Hazrat Zakaria (as) ko būdhape meń beta de
kar āzmāyā.
15. Hazrat Mariam (as) ko baghair shau’har ke
beta de kar āzmāyā.

6
16. Hazrat Moosa (as) ko Fir’aun (Pharoah) ke
darbār meń bhej kar āzmāyā.
17. Qaum Moosa (as) ko darya meń kūd jāne ka
hūkm dekar āzmāyā.
18. Hazrat Āsiya (as) ko Fir’aun ki bī’vī banā kar
āzmāyā.
19. Ashābe Kahaf ko tavēl umr tak ghār meń
sulākar āzmāyā.
20. Zūl-qarnaiń ko mashriq se maghrib tak
hūkmrāniī de kar āzmāyā.
21. Teen shakhsoń Ba’ras-zadah, (leucoderma)
Ganjā, Nabīnā ko māl va daulat aur sehat de
kar āzmāyā.
22. Tāloot’ (Saul) ke lashkar ko pānī pīne se
manā’ kar ke āzmāyā.
23. Ek shakhs se ek sav (100) logoń ko qatal
karvā ke āzmāyā.
24. Hazrat Isā (as) ko bina bāp ke paida kar ke
āzmāyā.

7
25. Imām-ul-ambiya va khātemūn Nabi (sas) ko
Taif ke maidān meń lahu lahān karva ke
āzmāyā.
26. Sahaba krām (ra) ko Bad’r ke muqām par us
vaqt ki super tāqat dushmanān Islam ke
sāmne lā khadā kar ke āzmāyā.
Ai īmān vāloń : Rab-e-kā’ināt āinda bhi qayāmat
tak āne vāle īmān vāloń ko kha’rā kho’tā jānchne
ke liye mūkhtalif qism ki āzmāishoń meń mūbtila
karta rahega aur un āne vālī āzmāishoń ki ta’dād
it’ni kasīr hogi ke ūs ki kasrat ka zikr karte hūye
Rasōlullah (sas) ne irshād farmāyā:-
Ūsāma Bin Ziad farmāte haiń ke (ek roz) Nabi
(sas) Madina ke ek būland makān par chadhe (aur
sahaba (ra) ko mūkhātib kar ke) farmāyā tum us chīz
ko dekhte ho jis ko main dekh rahā hoń sahaba (ra) ne
‘arz kiyā na’hīń (ai Allah ke Rasool (sas) jo kuch āp
dekh rahe hain voh hameń nazar na’hīń ārahā) to
Rasoolullah (sas) ne farmāyā main fit’noń ko dekh
rahā hoń jo tūmhare gharoń par is tarah baras
rahe haiń jis tarah barsāth barasti hai. (sahīh
mūslim wa sahīh bukhaari)
Ai īmān vāloń mūńda’raja-e-bā’lā Allah ta’ā’lā aur
Allah ke Rasool (sas) ke irshādāt se ma’loom hūvā
ke Allah ta’ā’lā hamań āzmā ne ke liye ham par

8
barsāt ki tarah fitne barsā’yega aur āzmāish ki
bārish meń Allah ta’ā’lā jin chīzon meń se hamāri
āzmāish kare gā ūn meń se chańd chīzoń ka zikr
karte hūye Allah ta’ā’lā ne khūd farmāyā ke:
Aur ai īmān vāloń (ham
zaroor kisi qadar khauf
aur bhook se aur kisi
qadar māl, jān aur
phaloń ke nūqsān se
tumhāri āzmāish
kareińge (aur ai Rasool
(sas)) āp sab’r karne
vāloń ko khush’khabri
sūnā deiń. Yā’ni in
logoń ko ke jab ūnhaiń
ko’ī mūsibat pohnchti
hai to voh is tarah
kahte hai ke ham Allah
hi ke haiń aur ham ū’si
ki taraf laut kar jāne
vāle haiń. Yahī voh log
hai ke in par in ke Rab
ki taraf se rehmat (ki
bārish hoti) hai aur yahi
voh log haiń jo hidāyat
yāb haiń. (baqara:155-
157)
In’nallazina tawallau
minkum yaumal
taqaljam’aani innamaa
astazal-la humusha-
shaitaanu biba’zi maa
kasabuu wa laqad ‘afaa
Allahu ‘anhum, innAllaha
ghafooron haleem. Yaa
ayyuhal-lazina aamanuu
laa takuunuu kal-lazeena
kafaruu wa qaaluu
li’ikhwanihim iza zarabuu
filarzi aw kaanu ghur-
rallaw kaanu ‘indanaa maa
maa tuu wa maa qutiluu
liyaj’ala Allah zaalika
hasratan fi quluubihim, wa
Allahu yuhee wayumeetu
wa Allahu bimaa
ta’maluuna baseer. Wa
lain qutiltum fi sabeeli
Allahi aw muttum
lamaghfiratum-minallahi

9
wa rahmatunn khairum-
mimmaa yajma’uun.
(baqara:155-157)
Ai īmān vāloń ūs ke alāvā Allah ta’ā’lā hamāri
āzmāish ke liye kāfiroń ko bhi dhēl deta rehta
hai aur us ke bāre meń bhi Allah ta’ā’lā ne khūd
farmādiyā hai ke:-
Agar Allah chāhtā to
kāfiroń se (kisi aur tarah)
intekhām le letā lakin
voh to yeh chāhtā hai
ke tūm meń se bāz ki
āzmāish bāz ke zaria’
kare. (Muhammad:4)
Wa lau yashaa u Allahu
lantasara minhum wa
laakil-liyabluwa ba’zakum
biba’zinn wal-lazeena
qutiluu fisabeeli Allahi
falay-yuzilla a’maalahum
(Muhammad:4)
Ai īmān vāloń Allah ta’ā’lā ahl-e-kitāb aur
mūshrikēn ko bhi hamāre liye zaria’ āzmāish
banātā hai. Is ke bāre meń bhi farmān Ilāhi hai
ke:-
Ai īmān vāloń tūmhāre
māloń meń aur tūmhāri
jānoń meń zaroor
tūmhāri āzmāish hogi
aur tūmheiń ahl-e-kitāb
aur mūshrikīn se bahot
kasīr tadād meń dil-āzār
(heart breaking) bāteiń
Latublawunna fi amwa
likum wa anfusikum wa
latasma’unna minal-lazina
uutulkitaaba min qablikum
wa minal-lazina ashrakuu
azann kasirann wa in
tasbiruu wa tattaqu fainna
zaalika min ‘azmil umuur

10
sūni hońgi aur agar
tum ne sab’r kiyā (sabit
qadam rahe) aur taq’va
(fear of Allah) ikhtiyār
kiyā to badi him’mat ke
kām hai. (āl-imrān:186)
(aal-imran:186)
Mūńda’raja-e-bālā irshādāt ki roshni meń ai īmān
vāloń Allah ta’ālā hameiń māl dekar āzmāye yā
ham se māl chīn kar āzmāye ya hameiń logoń se
ai’sī bāteiń sun’na padeiń jin se hameiń zehni
pareshāni ho yā hameiń logoń ki dil-āzār batoń se
āzmāyā jāye yā hameiń jismāni taklēfoń meń
mūbtila kar ke āzmāyā jāye to har qism ki
āzmāish se Allah ki panāh māngte raheiń aur sab’r
se kām leiń haq par sābit qadam raheiń aur
āzmāishoń se bachne ke liye Allah ta’ā’lā kī
ibādat par zor deiń aur ibādat meń jaldi kareiń. Ai
īmān vāloń fitnoń ya’ni āzmāishoń se hi darāte
hūye Rasoolūllah (sas) ne farmāyā thā:-
Abū Hūrairah (ra) kehte haiń ke Rasoolūllah (sas)
ne farmāyā amal (sāleh) meń jaldi karo in fitnoń
ke pesh āne se pehle jo tarīk rāt ke andheroń
ki mānińd hońge (ke us vaqt) ādmi sūbah ko īmān
ki hālat meń ūteh gā aur shām ko kāfir ho jāyega
aur shām ko mo’min hogā aur subah ko kāfir
hojāyega. (aur aise fitnoń kā daur bhi āyega ke

11
ādmi) apne Dīn ko dūnya ki thodi si mūtā’ (stock,
merchandise) par bech dālega. (sahih mūslim)
Ai īmān vāloń fitnoń se bacheiń kaheiń dunya ki
lālūch meń agar apne Dīn ka nūqsān na kar
baithnā agar aisā vaqt ābhi jāye to Allah se
madad mangte hūye dūnya ko āzmāish samajh
kar thūk’rādeiń aur apne qīmti Dīn aur īmān ko
bachā kar ūs āzmāish meń kāmiyāb hojāyeiń. Ai
īmān vālo mazid fitnoń se darāte hūye Rasoolūllah
(sas) ne farmāyā thā:-
Hūzaifa (ra) kehte haiń ke maiń ne Rasoolūllah
(sas) ko ye farmāte hūye sūna ke logoń ke diloń
par is tarah fitne dāleiń jāeinge jis tarha chtāyi ke tinke
hote haiń (ya’ni) barābar aur ziyāda ta’dād meń) pas
jo dil ūn fitnoń ko qūbōl karega ūske (dil) par ek
siyāh nishān dāl diyā jāye ga. Aur jo dil ūn fitnoń
se mūtāsir na hoga ūs par ek safaid nishān dāl diyā
jāyega gharz (ye ke) do qism ke dil hońge ek to
sūfaid mis’l (like) san’g-mar’mar ke jin par ūs vaqt
tak jab tak āsmān va zamīn qāem haiń kisi qism
kā ko’ī bhi fitna a’sar-andāz (influential, effective)
nahoga. Aur doosra dil siyāh rāq ki mānind jaise ūlta
bartan jis meń kūch bhi bāqi na rahe, ye dil na to
amarbil’marōf (nek kāmoń se agāh hoga aur na
būre kāmoń ko būra jāne ga magar sirf us chīz se
vāqif hoga jo ūs ke dil meń pevast hogayi hai. (sahih
mūslim)

12
Ai īmān vālo jab bhi fitne āyeiń ūnheiń dil meń
jaga na deiń balke ūn ki taraf ānkh ūthākar bhi na
dekheiń is tarah amal kar ke apne dil ko ūlte
bartan ki tarah siyā hone se bachā leiń aur apne
diloń ko sūfaid san’g-mar’mar ki tarah banayeiń
fitnoń ya’ni āzmāish ka zikr karte huye hi ek aur
mūqām par Rasoolūllah (sas) ne farmāyā:-
Ādmi hasbe ma’mōl soyega aur amānat (īmān)
ūs ke dil se nikālli jāyegi aur īmān ka dhūndla
sa asar (ūs ke dil meń bāqi rah jāyega phir jab
voh dobārah soyega to ūs ke dil se amānat
(īmān) ka baqiy’yah (remainder) asar bhi nikāl
liya jāyega aur dil meń ek āblah jaisā nishān
bāqi rah jāyega jaise tavāk ki chingāri ko apne
pā’on par dale aur us se ab’lah (blister) pad jāye
jo bāhar phūla aur ūtha hūva hoga. Lekin an’dar
se khali honga (phir aisa hone ke bād) jab log
sūb’ha ko ūthen’ge to āpas meń has’b-e-ma’mōl
(as usual) kharēd-o-firokh’t (sale) kareńge aur ūn
meń se ek shakhs bhi aisa na hoga jo amānat
ko adā kare (ya’ni huqōq-e-sharia ko adā kare)
Yahāń tak ke ye kahā jāyega (ya’ni amā’nat
(entrusted thing) bāqi na rehne ke sabab)) ke falań
qabile meń ek amīn va diyānatdār shakhs hai aur
ūs zamāne meń ek shakhs ko (jis ko dun’ya-dāri
(worldliness) meń kamāl hasil hoga) kaha jāyega
ke kis qadar aqalmand aur kis qadar hoshiyār
haiń aur kis qadar qūbsōrat hai aur kis qadar

13
chalāk hai hānlānke us ke dil meń rai barābar bhi
īmān na hoga. (sahih mūslim)
Ai īmān vāloń mūńda’raja-e-bālā in farmān
Rasōlullah (sas) ki raūsh’ni meń kyā us vaqt logoń
ki ye hālat to na’hīń hai ke mahaz daū’lat-mand
yā dūnyāvi asro-rūsooq ki būniyad par logoń ko
ek a’la (top most) mūqām diyā jātā ho. Aur Dīn-
dār logoń ko sirf gharib hone ki vaj’h se kisi qism
ki ko’ī ahammiy’yat (importance) na di jāti ho. Ai
īmān vāloń ka’hiń ai’sā to na’hīń hai? Ke bajāye
us ke ke Dīn-dār ko aur Dīn ka ‘ilm rakhne vāloń
ko us ka mūqām diyā jāye aur ūn ki ‘iz’zat aur
martaba badhayā jāye us ke mūqābile meń be-
samajh aur kam ‘ilm-e-Dīn rakhne vāloń ko sirf
daulat mand yā dun’yā-dāri meń badā hone ki
sūrat meń Dīn-dār aur Dīn ka ‘ilm ziadah rakhne
vāloń par iz’zat va martaba aur ‘ilmi mūqām meń
fauqiy’yat (supremacy) di jāti ho?
Ai īmān vāloń ye bhi Allah ki taraf se ek āzmāish
hai ke kon hai ke jo imān’dār va Dīn’dār aur ‘ālim-
e- Dīn ko ūs ki ‘iz’zat (respect, honour) ūs ka
martaba ūs ka mūqām de kar us āzmāish meń
kāmiyāb hotā hai aur kon hai joke sirf dūn’yavi
ki vaj’h (reason) se ya daulatmand hone ki vaj’h se
ū’se īmān-dār va Dīn’dār aur ‘alim Dīn par
fauqiy’yat de kar āzmāish meń nakām hoto hai.

14
Dīn’dār aur ‘ilm-e-Dīn logoń ke qa’dar dāni karte
hūye Syed Masood Ahmed (rh) apni tas’nif
(compilation) tafsīr Qur’ān-e-Aziz jild av’val ke
saf’hah nam’bar 202 par tahrīr’ farmāte haiń ke
(algharaz ‘ilm hi ki badaulat iz’zat va sarfarazi milti
hai jis meń ‘ilm na’hīń us ko hūkoomat karne ka bhi
haq ‘ilm ka darja ziyāda hai aur be ‘ilm ‘abid darje meń
kamtar haiń.
Ai īmān vāloń fitnoń ya’ni āz’māish ka zikr karte huye
ek aur mūqām par Rasoolūllah (sas) farmā’te haiń ke:-
Aap (sas) ne farmāyā ke meri mil’lat 73 his’soń meń
taq’sim ho jāyegi (jin meń se) 72 firqe do’zakh meń
jāyeinge aur ek jamā’at hogi jo jan’nat meń jāyegi. (abū
dawōd)
Ai īmān vāloń is farmān Rasoolūllah (sas) se ma’lōm
hūvā ke Allah ta’ālā is mil’lat ko 73 his’soń meń taq’sim
kar ke bhi āz’māyega ke kon hai jo 72 dozakh meń
jāne vāle firqoń se apne āp ko bachā kar ek jan’nat
meń jāne vāli jamā’at meń shāmil karyega aur shāmil
ho kar apne āp ko ūs jamā’at meń hameińsha ke liye
shāmil rakhega.
Ai īmān vāloń isī firqevāriat ke daur ke mūta’al’liq
Hūzaifa (ra) ke savāl karne par Rasoolūllah (sas) ne
khair va shar ka zikar karte hūye farmāyā thā ke aise
khatarnāk fitne hońge ke:

15
(Rasoolūllah (sas) ne farmāyā) aise log hońge jo
dozakh ke darvāzoń par khade ho kar logoń ko
būlāyeinge jo shakhs ūn ki bāt ko qūbool karega vo ūs
ko jah’nam meń dhakel deińge. (sahih mūslim va sahih
būkhāri)
Ai īmān vāloń Hūzaifa (rz) ne jab Rasoolūllah (sas) se
poochā ūn jah’nam ki taraf būlāne vāloń ki ko’ī nishāni
hameiń batāveiń (tā ke voh nishāni dekh’kar ham apne
āp’ko ūn fitne-bāz logoń se bachā sakeiń) ūs ke javāb
meń Rasoolūllah (sas) ne irshād farmāyā:
Voh (fitne-bāz jah’nam ki taraf būlāne vāle log) ham
meń se hi hoń’ge aur hamāri hi zū’bān meń (ya’ni Dīn
Islam ki hi) bāteiń kareińge. (sahih mūslim va sahih
būukhāri)
Ai īmān vāloń Rasoolūllah (sas) ka ye farmān mūbārak
goya ke mūńda’raja bālā aur Abū Dawood vāli hadēs ki
tashrīh (explanation) hai jis meń āp (sas) ne farmāyā
ke 72 firqe jahan’nūm meń jā’yeinge aur ek jamā’at
jan’nat meń jāyegi. Aur is se ye bāt bhi ma’loom hū’ī
hai ke Hūzaifa (ra) sahabi ne Rasoolūllah (sas) se in
72 firqe dozakh meń jāne vāle aur ek jan’nat meń jāne
vāli jamā’at ke mūta’al’liq taf’sīl ma’lōmāt (information)
aur ūs ma’lōmāt ke dauran jab Rasoolūllah (sas) ne
farmāyā ke in 72 dorakh meń jāne vāloń ki zāhari ko’ī
bhi nishāni na’hīń hogi to Hūzaifa (ra) sahābi ne fauran
āp (sas) se savāl kiya ke:-

21
yu vaswisu fi ��ܻ�Ǵǰ��‵��”

28
Cell: 92463 43643 / 93471 39685 /
92463 43676
JAMAAT-UL-MUSLIMEEN [INDIA]
Flat #204, Saleem Masood Complex,
Nizam Colony, Toli chowki,
Hyderabad – 500 008 (A.P.)
Cell: 9246343676 / 7396620946

�ݺ�ߣ

Aazmaishaurjamaat 131031013950-phpapp02

More Related Content

Aazmaishaurjamaat 131031013950-phpapp02