際際滷

際際滷Share a Scribd company logo

Akei bible genesis 1

E
EternalWord
1 of 6
Download to read offline
JENESES ZARA VITINANA I 1. Na muri God te veia tuka, tano. 2 Tano tele'e ozo tanopilo ; pon tumbumalate te le'e na bua'a : talumen God te Vovi na ului ai. 3 Talena God, I pai mamara : te mamara. 4 God te lesia mamara, inia mo vure'a : God te sinkalai mamara, koko'a. 5 Mamara God te tia 'esana rani, koko'a te tia 'esana poni. Mataravi uluirani, pon mo 'ese. 6 Talena God, Zara vitinana i pai le'e na valibu'ira ai, i pai sinkalara ai. 7 God te veia zara vitinana, te sinkalara ai ram le'e atano 'inia zara vitinana, ram le 'e na uluna : inia se'ena. 8 Zara vitinana God te tia 'esana tuka. Mataravi uluirani, pon ruana. 9 Talena God, Inira ai atano 'inia tuka ra pai mai kokona'i na zara mo 'ese, one i pai sui : inia se'ena. 10 One God te tia 'esana tano ; ai ra te mai kokona'i te tia 'esara tasi : God te lesia mo vure'a. 11 Talena God, Kuvu i pai le'e na tano, ma'atua 'ase'asei virana mo le'e 'inia, la'o'iau 'ase'asei mo vae virana mo le'e na vaena : inia se'ena. 12 Kuvu te tuvu na tano, ma'atua 'ase'asei mo vira, la'o'iau 'ase'asei mo vae virana mo le'e na vaena : God te lesia mo vure'a. 13 Mataravi uluirani, pon toluna. 14 Talena God, Kameluai ra pai le'e na zara viti- 3
4 JENESES 1. nana na tuka ra pai sinkalara rani poni ; ra pai se'ena matamata'ina, matana vula, matana poni, matana tauni : 15 ra pai kameluai na zara vitinana na tuka ra pai mamara na tano : inia se'ena. 16 God te veira kameluai vitinana mo rua ; mo 'ese, mo vitinana, mo le'e na rani, 'aruana, mo ri'iri'i %ia, mo le'e na poni : te veira mazoe se'ena. 17 God te tira na zara viti- nana na tuka ra pai mamara na tano, 18 ra pai le'e na rani na poni, ra pai sinkalara rani poni : God te lesia mo vure'a. 19 Mataravi uluirani, pon vatina. 20 Talena God, Mazi povi ram mauri ra pai kali- kali'ira na ai na tasi, manu ra pai sale na ului tano na zara vitinana na tuka, 21 God te veira mazi vitinana nasa na tasi, mazi mauri povi ram kali ram 'ase'asei le'e alulusi na ai na tasi, manu povi se'ena ram sale : God te lesia mo vure'a. 22 God te lulusi vure'a 'inira, talena, Komin natu'a, komi pai alu- lusi, ai tasi ra pai vovosi, manu ra pai alulusi na tano, 23 Mataravi uluirani, pon limana. 24 Talena God, Mazi mauri povi 'ase'asei ra pai le'e na tano, bulumakau, mazi zazanoro, mazi povi na tano : inia se'ena : 25 God te veira mazi mauri povi na tano, bulumakau, mazi ram zazanoro, mazi 'ase'asei na tano : God te lesia mo vure'a. 26 Talena God, Kam veia takuni se'eka, se'ena nunuaka : inira ra pai pota'ira mazi t^si, manu na tuka, bulumakau, tano povi, mazi povi ram zazanoro na tano. 27 God te veia takuni se'ena, te veia se'ena nunuani God ; te veira takuni pita. 28 God te lulusi vure'a 'inira : God te koria isira, Komim natu'a, komim alulusi, tano i pai vovosi, komi pai kokona'ia povi ; komi pai pota'ira mazi tasi, manu na tuka, mazi povi ram mauri ram zazanoro na tano. 29 Talena God, Nam
JENBSES 2. 5 tovo komim ma'atua povi mo vira, mo le'e na ului tano, la'o'iau povi mo vae virana mo le'e na vaena ; inira 'ani'ani isimim-: 30 isira mazi povi na tano, manu povi na tuka, mazi povi ram zazanoro na tano ram mauri, nam tia ma'atua povi ra pai 'ania : inia se'ena. 31 God te rerenia tu'u povi te veia, te lesia mo vure'a nasa. Mataravi uluirani, pon 'a'esana. 2. Tuka, tano, ra te iso, mazoe se'ena. 2 Na pon ravu'aruana God te vei povisia nona tu'u inia te veia : te mabo na pon mo ravu'aruana matana tu'u povi inia te veia. 3 God te Musi vure'a 'inia pon mo ravu'aruana, te tambu 'inia ; matana te mabo 'inia matana nona tu'u povi God te veiozoira te veira. 4 Inia lulusi nake 'inira tuka tano na poni nake God te veira, na poni nake Iova God te veira tano tuka. 5 Ma'atua na varea na tano mo kei ari'i le'e, la'o'iau na varea mo kei ari'i tuvu : matana Iova God te kei veia mo usa na tano, mo kei te takuni mo le'e i pai vei varea ; 6 'aravu te sa'a na tano, te veimekinia tano. 7 Iova God te veia takuni 'inia mamavui one, te manova'ia na nalusuna 'inia mano- va'ia mauri ; takuni te mauri. 8 Iova God te veia varea na valuna sava'asa Iten ; takuni nake te veia te tia ae. 9 Iova God te veia la'o'iau povi mo tuvu na one, la'o'iau ram lesia mo pani'i, la'o'iau ram 'ania vaena ; la'o'iau matana mauri te tia na valibui varea, te tia la'o'iau 'anilesia tu'u vure'a tu'u tetei. 10 Ai mo 'ese te malue Iten, te veimekinia varea ; te malua te tava, tavana mo vati. 11 Ai turumuri 'esana Paison ; inia mo le'e kalilia zara povi 'Ayila, kolt mo le'e ae ; 12 kolt na zara nake kolt vure'a : teliom, sule onikis, ram le'e ae. 13 'Aruai ai 'esana Kai'on :
6 JENESES 2. inia nake mo le'e kalilia zara povi Kus. 14 'Atolui ai 'esana 'Itekel : Inia nake mo masivo na zinoni Asiria. 'Avati ai 'esana Iupretes. 15 Iova God te vatia takuni, te tia na varea Iten, i pai 'uzoa, i pai lesia. 16 Iova God te tia loena isina takuni, talena, Vae laViau povi ko pai 'anipovisia : 17 laViau 'anilesia tu'u vure'a tu'u tetei ko takai 'ania : ma- tana teponi ko pai 'ania ko pai mate soro vure'a. 18 Talena Iova God, Mo kei vure'a takuni i pai 'asena le'e ; na pai veia tese'ese i pai tuenia. 19 'Inia one Iova God te veira mazi povi na tano, manu povi na tuka ; te vatira mai Adam i pai tira 'esara : se'ena Adam te tovira mazi povi, 'esara nake. 20 Adam te tovora bulumakau povi 'esara, manu na tuka, mazi povi na tano ; tuenini Adam te kei isina. 21 Iova God te veia Adam te kakavuso 'elitumbu : te vatilovo'ia rorona mo 'ese, te vei'oroa visi'ona zenina : 22 rorona nake Iova God te vatilovo'ia isina takuni, te veia pita 'inia, te vatia mai isina takuni. 23 Talena takuni, Inia nake vonai suiku, vonai visi'oku : ra pai tovia pita matana te vatilovo'ia isina takuni. 24 Matana tu'u nake takuni i pai tara'i isira tamana tinana, i pai janilalatia pita isina : ra pai visi'ona mo 'ese nasa. 25 Ra te kei ruru, inia takuni, pita isina, ra te kei ma'anu'anu. 3. Mata mo liliposi mo vitinana 'inira mazi povi na tano Iova God te veira. Te lulusi isina pita, te ka'ia, Io, God te ulenia, komi takai 'ania vae laViau povi povi na varea ? 2 Pita te ulenia isina mata, Komam pinisi 'ania vae laViau na varea : 3 mo 'ese mo le'e na valibui varea, talena God, Komi takai 'ania, komi takai tikelia, komi pai veia komi pai mate matana. 4 Mata te koria isina pita, Soro
JENESES 3. 7 vure'a komi pai kei mate : 5 matana God mo pinisia, teponi komi pai 'ania vaena, matamim ra pai rere, komi pai se'ena God, komi pai pinisia tu'u vure'a tu'u tetei. 6 Pita te lesia laViau nake inia laViau vure'a matana 'ani'ani, inia laViau ram lesia mo pani'i, inia laViau mo veira ram pinisia, te vatia vaena ; te 'ania, te tovoa tuana supena, inia te 'ania. 7 Inira rua ram rere, ram pinisia ram 'azamala ; ra te viroa nora maremare 'inia ra'ui masapoupou. 8 Ra te ronoa loeni Iova God mo ruru'ui na varea te melu : takuni inia pita isina ra te lo'u na lovu'au na varea matana Iova God. 9 Iova God te tovia takuni, talena, Kom le'e vea ? 10 Talena, Na te ronoa loem na varea, na te matata'u, matana nam 'azamala ; na te lo'u. 11 Talena, Isei te ulenia isim kom 'azamala ? Ko te 'ania vae laViau na te tia loeku 'inia, taleku, ko takai 'ania ? 12 Talena takuni, Pita nake ko to tovoau 'inia, te tovoau vaena, na te 'ania. 13 Iova God te koria isina pita, Savai tu'u nake ko te veia ? Talena pita, Mata te liposiau, na te 'ani'ani. 14 Iova God te koria isina mata, Matana ko te veia tu'u nake, nam tapatamate 'iniko mo vitinana 'inira bulumakau poyi, mazi povi na tano ; ko pai zazalo na panem, ko pai 'ania mavui one mo mai ko pai mate : 15 na pai tivo'ia 'iniko 'inia pita, 'inia vaem 'inia vaena : vaena i pai tipi petenia patum, iniko ko pai naki petenia pevuna. 16 Isina pita te koria, Na pai veia nom komi tetei nom natu'a i pai vitinana nasa : ko pai natu'a komim i pai tetei ; komim i pai ta'uia, mera isim, inia i pai pota'im. 17 Isin Adam te koria, Matana ko te ronoa loeni pita isim, ko te 'ania vae laViau na te tia loeku isim, taleku, Ko takai 'ania, nam tapatamate 'inia one matam; ko pai
8 JENESES 3. vakunu nom poni povi ko pai 'ani'ani ; 18 nakiri'a, vari'ati, ra pai tuvu isim ; ko pai 'ania ma'atua na varea ; 19 ko pai vuluvuluni na 'erem ko pai 'ani'ani sina'a mo mai ko pai le masivo na one ; matana na te vatiko 'inia : matana iniko mamavui one, na mamavui one ko pai le masivo. 20 Takuni te tia 'esani pita isina Iva ; matana inia tinai takuni povi. 21 Iova God te vatira venui mazi te veira rum noni Adam noni pita isina, te lokoni'orora 'inira. 22 Talena Iova God, Komim lesia, takuni mo posi vavono mo se'ena mo 'ese vonaka, mo pinisia tu'u vure'a tu'u tetei ; ka pai 'oroa i pai kei siva'ia limana i pai vatia vao 'au mauri, i pai 'ania i pai mauri leV reki : 23 matana tu'u nake Iova God te tapatapai te tara'i na varea Iten, i pai veia varea na one te tara'i ae. 24 Matana, te titinia takuni ; na valuna sava'asa na varea Iten te tira Jerubim, te tia 'ambu mamara na maza te zezeu kalili'a i pai 'oroa salai 'au mauri. GENESIS AND JONAH, TRANSLATED INTO TASIR1KI, ESPIR1TU SANTO, NEW HEBRIDES.

More Related Content

Akei bible genesis 1

  • 1. JENESES ZARA VITINANA I 1. Na muri God te veia tuka, tano. 2 Tano tele'e ozo tanopilo ; pon tumbumalate te le'e na bua'a : talumen God te Vovi na ului ai. 3 Talena God, I pai mamara : te mamara. 4 God te lesia mamara, inia mo vure'a : God te sinkalai mamara, koko'a. 5 Mamara God te tia 'esana rani, koko'a te tia 'esana poni. Mataravi uluirani, pon mo 'ese. 6 Talena God, Zara vitinana i pai le'e na valibu'ira ai, i pai sinkalara ai. 7 God te veia zara vitinana, te sinkalara ai ram le'e atano 'inia zara vitinana, ram le 'e na uluna : inia se'ena. 8 Zara vitinana God te tia 'esana tuka. Mataravi uluirani, pon ruana. 9 Talena God, Inira ai atano 'inia tuka ra pai mai kokona'i na zara mo 'ese, one i pai sui : inia se'ena. 10 One God te tia 'esana tano ; ai ra te mai kokona'i te tia 'esara tasi : God te lesia mo vure'a. 11 Talena God, Kuvu i pai le'e na tano, ma'atua 'ase'asei virana mo le'e 'inia, la'o'iau 'ase'asei mo vae virana mo le'e na vaena : inia se'ena. 12 Kuvu te tuvu na tano, ma'atua 'ase'asei mo vira, la'o'iau 'ase'asei mo vae virana mo le'e na vaena : God te lesia mo vure'a. 13 Mataravi uluirani, pon toluna. 14 Talena God, Kameluai ra pai le'e na zara viti- 3
  • 2. 4 JENESES 1. nana na tuka ra pai sinkalara rani poni ; ra pai se'ena matamata'ina, matana vula, matana poni, matana tauni : 15 ra pai kameluai na zara vitinana na tuka ra pai mamara na tano : inia se'ena. 16 God te veira kameluai vitinana mo rua ; mo 'ese, mo vitinana, mo le'e na rani, 'aruana, mo ri'iri'i %ia, mo le'e na poni : te veira mazoe se'ena. 17 God te tira na zara viti- nana na tuka ra pai mamara na tano, 18 ra pai le'e na rani na poni, ra pai sinkalara rani poni : God te lesia mo vure'a. 19 Mataravi uluirani, pon vatina. 20 Talena God, Mazi povi ram mauri ra pai kali- kali'ira na ai na tasi, manu ra pai sale na ului tano na zara vitinana na tuka, 21 God te veira mazi vitinana nasa na tasi, mazi mauri povi ram kali ram 'ase'asei le'e alulusi na ai na tasi, manu povi se'ena ram sale : God te lesia mo vure'a. 22 God te lulusi vure'a 'inira, talena, Komin natu'a, komi pai alu- lusi, ai tasi ra pai vovosi, manu ra pai alulusi na tano, 23 Mataravi uluirani, pon limana. 24 Talena God, Mazi mauri povi 'ase'asei ra pai le'e na tano, bulumakau, mazi zazanoro, mazi povi na tano : inia se'ena : 25 God te veira mazi mauri povi na tano, bulumakau, mazi ram zazanoro, mazi 'ase'asei na tano : God te lesia mo vure'a. 26 Talena God, Kam veia takuni se'eka, se'ena nunuaka : inira ra pai pota'ira mazi t^si, manu na tuka, bulumakau, tano povi, mazi povi ram zazanoro na tano. 27 God te veia takuni se'ena, te veia se'ena nunuani God ; te veira takuni pita. 28 God te lulusi vure'a 'inira : God te koria isira, Komim natu'a, komim alulusi, tano i pai vovosi, komi pai kokona'ia povi ; komi pai pota'ira mazi tasi, manu na tuka, mazi povi ram mauri ram zazanoro na tano. 29 Talena God, Nam
  • 3. JENBSES 2. 5 tovo komim ma'atua povi mo vira, mo le'e na ului tano, la'o'iau povi mo vae virana mo le'e na vaena ; inira 'ani'ani isimim-: 30 isira mazi povi na tano, manu povi na tuka, mazi povi ram zazanoro na tano ram mauri, nam tia ma'atua povi ra pai 'ania : inia se'ena. 31 God te rerenia tu'u povi te veia, te lesia mo vure'a nasa. Mataravi uluirani, pon 'a'esana. 2. Tuka, tano, ra te iso, mazoe se'ena. 2 Na pon ravu'aruana God te vei povisia nona tu'u inia te veia : te mabo na pon mo ravu'aruana matana tu'u povi inia te veia. 3 God te Musi vure'a 'inia pon mo ravu'aruana, te tambu 'inia ; matana te mabo 'inia matana nona tu'u povi God te veiozoira te veira. 4 Inia lulusi nake 'inira tuka tano na poni nake God te veira, na poni nake Iova God te veira tano tuka. 5 Ma'atua na varea na tano mo kei ari'i le'e, la'o'iau na varea mo kei ari'i tuvu : matana Iova God te kei veia mo usa na tano, mo kei te takuni mo le'e i pai vei varea ; 6 'aravu te sa'a na tano, te veimekinia tano. 7 Iova God te veia takuni 'inia mamavui one, te manova'ia na nalusuna 'inia mano- va'ia mauri ; takuni te mauri. 8 Iova God te veia varea na valuna sava'asa Iten ; takuni nake te veia te tia ae. 9 Iova God te veia la'o'iau povi mo tuvu na one, la'o'iau ram lesia mo pani'i, la'o'iau ram 'ania vaena ; la'o'iau matana mauri te tia na valibui varea, te tia la'o'iau 'anilesia tu'u vure'a tu'u tetei. 10 Ai mo 'ese te malue Iten, te veimekinia varea ; te malua te tava, tavana mo vati. 11 Ai turumuri 'esana Paison ; inia mo le'e kalilia zara povi 'Ayila, kolt mo le'e ae ; 12 kolt na zara nake kolt vure'a : teliom, sule onikis, ram le'e ae. 13 'Aruai ai 'esana Kai'on :
  • 4. 6 JENESES 2. inia nake mo le'e kalilia zara povi Kus. 14 'Atolui ai 'esana 'Itekel : Inia nake mo masivo na zinoni Asiria. 'Avati ai 'esana Iupretes. 15 Iova God te vatia takuni, te tia na varea Iten, i pai 'uzoa, i pai lesia. 16 Iova God te tia loena isina takuni, talena, Vae laViau povi ko pai 'anipovisia : 17 laViau 'anilesia tu'u vure'a tu'u tetei ko takai 'ania : ma- tana teponi ko pai 'ania ko pai mate soro vure'a. 18 Talena Iova God, Mo kei vure'a takuni i pai 'asena le'e ; na pai veia tese'ese i pai tuenia. 19 'Inia one Iova God te veira mazi povi na tano, manu povi na tuka ; te vatira mai Adam i pai tira 'esara : se'ena Adam te tovira mazi povi, 'esara nake. 20 Adam te tovora bulumakau povi 'esara, manu na tuka, mazi povi na tano ; tuenini Adam te kei isina. 21 Iova God te veia Adam te kakavuso 'elitumbu : te vatilovo'ia rorona mo 'ese, te vei'oroa visi'ona zenina : 22 rorona nake Iova God te vatilovo'ia isina takuni, te veia pita 'inia, te vatia mai isina takuni. 23 Talena takuni, Inia nake vonai suiku, vonai visi'oku : ra pai tovia pita matana te vatilovo'ia isina takuni. 24 Matana tu'u nake takuni i pai tara'i isira tamana tinana, i pai janilalatia pita isina : ra pai visi'ona mo 'ese nasa. 25 Ra te kei ruru, inia takuni, pita isina, ra te kei ma'anu'anu. 3. Mata mo liliposi mo vitinana 'inira mazi povi na tano Iova God te veira. Te lulusi isina pita, te ka'ia, Io, God te ulenia, komi takai 'ania vae laViau povi povi na varea ? 2 Pita te ulenia isina mata, Komam pinisi 'ania vae laViau na varea : 3 mo 'ese mo le'e na valibui varea, talena God, Komi takai 'ania, komi takai tikelia, komi pai veia komi pai mate matana. 4 Mata te koria isina pita, Soro
  • 5. JENESES 3. 7 vure'a komi pai kei mate : 5 matana God mo pinisia, teponi komi pai 'ania vaena, matamim ra pai rere, komi pai se'ena God, komi pai pinisia tu'u vure'a tu'u tetei. 6 Pita te lesia laViau nake inia laViau vure'a matana 'ani'ani, inia laViau ram lesia mo pani'i, inia laViau mo veira ram pinisia, te vatia vaena ; te 'ania, te tovoa tuana supena, inia te 'ania. 7 Inira rua ram rere, ram pinisia ram 'azamala ; ra te viroa nora maremare 'inia ra'ui masapoupou. 8 Ra te ronoa loeni Iova God mo ruru'ui na varea te melu : takuni inia pita isina ra te lo'u na lovu'au na varea matana Iova God. 9 Iova God te tovia takuni, talena, Kom le'e vea ? 10 Talena, Na te ronoa loem na varea, na te matata'u, matana nam 'azamala ; na te lo'u. 11 Talena, Isei te ulenia isim kom 'azamala ? Ko te 'ania vae laViau na te tia loeku 'inia, taleku, ko takai 'ania ? 12 Talena takuni, Pita nake ko to tovoau 'inia, te tovoau vaena, na te 'ania. 13 Iova God te koria isina pita, Savai tu'u nake ko te veia ? Talena pita, Mata te liposiau, na te 'ani'ani. 14 Iova God te koria isina mata, Matana ko te veia tu'u nake, nam tapatamate 'iniko mo vitinana 'inira bulumakau poyi, mazi povi na tano ; ko pai zazalo na panem, ko pai 'ania mavui one mo mai ko pai mate : 15 na pai tivo'ia 'iniko 'inia pita, 'inia vaem 'inia vaena : vaena i pai tipi petenia patum, iniko ko pai naki petenia pevuna. 16 Isina pita te koria, Na pai veia nom komi tetei nom natu'a i pai vitinana nasa : ko pai natu'a komim i pai tetei ; komim i pai ta'uia, mera isim, inia i pai pota'im. 17 Isin Adam te koria, Matana ko te ronoa loeni pita isim, ko te 'ania vae laViau na te tia loeku isim, taleku, Ko takai 'ania, nam tapatamate 'inia one matam; ko pai
  • 6. 8 JENESES 3. vakunu nom poni povi ko pai 'ani'ani ; 18 nakiri'a, vari'ati, ra pai tuvu isim ; ko pai 'ania ma'atua na varea ; 19 ko pai vuluvuluni na 'erem ko pai 'ani'ani sina'a mo mai ko pai le masivo na one ; matana na te vatiko 'inia : matana iniko mamavui one, na mamavui one ko pai le masivo. 20 Takuni te tia 'esani pita isina Iva ; matana inia tinai takuni povi. 21 Iova God te vatira venui mazi te veira rum noni Adam noni pita isina, te lokoni'orora 'inira. 22 Talena Iova God, Komim lesia, takuni mo posi vavono mo se'ena mo 'ese vonaka, mo pinisia tu'u vure'a tu'u tetei ; ka pai 'oroa i pai kei siva'ia limana i pai vatia vao 'au mauri, i pai 'ania i pai mauri leV reki : 23 matana tu'u nake Iova God te tapatapai te tara'i na varea Iten, i pai veia varea na one te tara'i ae. 24 Matana, te titinia takuni ; na valuna sava'asa na varea Iten te tira Jerubim, te tia 'ambu mamara na maza te zezeu kalili'a i pai 'oroa salai 'au mauri. GENESIS AND JONAH, TRANSLATED INTO TASIR1KI, ESPIR1TU SANTO, NEW HEBRIDES.