Berrikuntza Proiektua BOT BAT
- 1. Berrikuntza Proiektua BOT BAT 2015eko apirilaren 14ko 70. NAOan argitaratutako 8E/2015 EBAZPENAri jarraikiz
- 2. III. eranskina BOT BAT 2015eko apirilaren 14ko 70. NAOan argitaratutako 8E/2015 EBAZPENAri jarraikiz Gako-Hitzak Robotika Robotic Programazio Lengoaia Programming Language Haur Hezkuntza School Readiness Proiektua Garatuko duten ikastetxeak Amaiurko Haur eta Lehen Hezkuntzako Ikastetxe Publikoa Mertxede, 2 31700, Amaiur 948453319 cpamaiur@educacion.navarra.es Oronozko Haur eta Lehen Hezkuntzako Ikastetxe Publikoa Martin Urrutia z/g 31720, Oronoz-Mugairi 948592225 cporonoz@educacion.navarra.es Iruritako Haur eta Lehen Hezkuntzako Ikastexe Publikoa Nagusia, 1 31730, Irurita 948452461 cpirurit@educacion.navarra.es Koordinatzailearen izen-deiturak: Nora Salbotx Alegria nsalbotx@educacion.navarra.es Proiektuaren deskripzio laburra abstract Landa Eremuko hiru ikastetxeko Haur Hezkuntzako mailarteko geletan, Hizkuntza Gaitasuna, Gaitasun Digitala eta Ingurunearen Ezagutzaren arloari dagozkion Gaitasun Matematikoa zein Espazioa eta Fisikari loturiko hainbat eduki landu nahiko genituzke proiektu honen karietara. Horretarako elektronikaren hastapenetan murgilduko gara, gerora, maisu maistrek berek montatutako robot baten bitartez, haren programazioan aritzeko.
- 3. Aurkibidea Justifikazioa Helburuak+Oinarriko Gaitasunak Edukiak eta Jarduerak+Proiektuarekin loturiko irakas arloak Metodologia Parte hartzen duten ikasle taldeak Hezkuntza-komunitatearen eta kanpo eragileen parte-hartzea Baliabide material, funtzional eta pertsonalak Gehituko diren IKTak Justifikazioa Hondar urte hauetan geroz eta entzutetsuagoa zaigun robotikaren, pentsamendu konputazionalaren eta programazioaren eskolan sartzeaz proba pilotu bat egin nahiko genuke Haur Hezkuntzako mailarteko hainbat gelatan. Honela, ikasturteko programazioan luzetarako ainguraketa luken egitasmo hau, bi fase nagusitan banatuko litzateke; batetik, lehen une batean, LittleBits materialaren bitartez, elektronikaren hastapenetan trebatuko genuke ikasleria, bigarrenik, behin irakasleriak -zenbait kanpo aholkulari eta adituren laguntzaz- Escornabot robotaren muntaia prest izandakoan, haren mugimenduen programaketa egin ahal izateko hizkuntza eta beharrezko bertze hainbat komunikazio parametro landuko genituzke ikasleekin batera. Gaineratuko dugu egitasmo honen sortzearen une beretik, merkatuan dauden prototipo komertzial ezagunenak ekidin nahi izan direla, software askeko ekimenen alde eginez. Honek, bistan denez, estereotipo estetikoarengandik aldeduko gaitu, eta, noski, gure ikasleak izanen dira beharrezko material zenbait prestatu beharko dituztenak, beraien sormena kitzikatzeko parada ezin hobea emanen digularik honek guztiak. Gisa honetan, Hizkuntza, Matematika eta Konputazional gaitasunak lantzeaz haratago, sormena eta pentsamendu kritikoari aukera ezin hobeak eskainiko dizkiogu: geronek eraikitako prototipoen itxurari buruzko hausnarketa eta erabakiak, robotaren mugimenduen eskala eta proportzioen arabera eraikitako tapiz eta planoen diseinua...egin beharko baitira halabeharrez aintzinera eginen badugu. Orain aurkezten dugun ekimen hau pedagogia eta didaktikaren ikuspuntuetatik interes haundikotzat jotzen dugu, izan ere, gure bailaraz haratago ere, Haur Hezkuntzan eremu honetan badiren esperientzia urriak osatzera letorke. Egitasmoa beraz, hein batean ausarta izateaz haratago, beharrezkoa ere deritzogu, baldin eta etapa honetan robotika eta pentsamendu konputazionalaren didaktikan trebatzen hasiko bagara.
- 4. Helburuak+Oinarriko Gaitasunak Helburuak bi eremutan banatuko ditugu Irakasleriari dagozkionak Haur Hezkuntzako geletan robotika, programazio lengoaia eta konputazio edukiak ezartzen hastea. Ekintzan Oinarritutako Ikerketa Partizipatiboaren1 metodoa erabilita gure jarduera eta eskuhartze pedagogikoari buruzko hausnarketa berri bat abiatzea, Gaitasun Digitalaren garapena baliatuko duten Didaktika berriak praktikan esperimentatuz. Inplikatutako irakasleria, praktika berri hauen karietara, hausnarketa eta esperientzia trukaketak burutzea, gisa honetara, formakuntza beharrak bai eta alderdi metodologikoari dagozkion aspektuak finkatzen joateko. Oinarrizko Gaitasunen garapena metodologi aktiboen bitartez jorratzea, gisa honetara edukien kontestualizatzea eta ikaskuntzaren esanguratsutasuna baliatuko baitugu. Gure eskolei eta bertan egiten den lanari, bai eta landa eremuari orohar, ikusgaitasuna ematea. Ikasleriari dagozkionak Proiektu bidezko lanak eskaintzen dituen aukerak baliatuz, ikasleek, bere izate aktiboa, ikerkuntzarako griña eta jakinmina erabiliz, ingurunearekiko eta inguruan dituztenekiko elkarrekintzan, ezagutza eraiki dezaten. Hizkuntza, Matematika, Ingurunearen Ezagutza eta Digital alorretako gaitasunak lantzea, bai eta Ekintzailetasun eta Autonomia Pertsonala eta Jendarte eta Hiritartasunari dagozkion horiek ere. Teknologia pertsonen neurrira eta heuren mesedean sortutako lanabes modura ikusia izan dadin pausuak ematen joatea, eskuragarria eta egingarria zaigun zerbaiten modura, teknologiari buruzko ikuspegi teknokratiko, mitologiko edota akritikoak gaindituz, jite soziokritiko baten araberako diskurtso baten gainean landuak beraz. Robotika eta programazio hizkuntzaren alderdi ludikoa ezagutu eta hartaz gozatzea, jolasa ikaskuntza iturri bilakatuz bertze behin ere. 1 Investigación en la Acción Participativa
- 5. Edukiak eta Jarduerak+Proiektuarekin loturiko irakas arloak I. NORK BERE BURUA EZAGUTZEA ETA AUTONOMIA PERTSONALA JARDUERAK Helburuak Edukiak Bere sentimenduak, emozioak, beharrak edo lehentasunak identifikatzeko gaitasuna izatea, hala nola haiek besteei azaldu eta komunikatzekoa, besteenak ere identifikatuz eta errespetatuz. Eguneroko bizitzako arazoak konpontzeko ohiko jarduerak eta eginkizun errazak modu autonomoan egiteko gaitasuna izatea; horrela, autokonfiantzako sentimendua eta ekimenerako gaitasuna handitu eta bere oinarrizko beharrak asetzeko estrategiak garatuko ditu. Bere jokabidea besteen beharretara eta eskakizunetara egokitzeko gaitasuna, errespetuko, laguntzako eta lankidetzako jarrerak eta ohiturak garatu eta mendetasuneko nahiz nagusitasuneko jokabideak baztertzeko. Nor bere aldaketa fisikoaz eta denbora igarotzearekin duten loturaz ohartzea. Erreferentzia espazialak norberaren gorputzarekiko. Bere eta besteen sentimenduak, emozioak, bizipenak, lehentasunak eta interesak identifikatu eta azaltzea. Nork bere sentimenduak eta emozioak gero eta hobeki kontrolatzea. Jokoan aritzeko arauak ulertu eta onartzea, haien erregulazioan parte hartzea, gozatu eta besteekin harremanetan sartzeko beharrezkoa dela ohartzea. Harremanetan sartu eta lankidetzan aritzeko trebetasunak eta helduekin nahiz adin berekoekin harreman afektiboak ezartzearen aldeko jarrera. Lehenhiruhilekoansarrerazko,garapenezkoetabukaerakojarduera zenbaitproposatukodiraelektronikarenhastapenaklandueta zenbaitprototipoeraikiz.HoriekguztietanLittleBitsmaterialaizanen duguoinarri. Behinirakasleekberaienrobotarenmuntaiaprestizandakoan,gelara eramanendute,hortikaitzinera,harenprogramazioantrebatzeaz gain,huraerabiltzeko,ikasleek,tapizetaplanoakdiseinatubeharko dituztelarik. Bigarrenhiruhilekotikaitzinera,proposamenhaugelako programaziolongitudinalalaluzetarakoarenzatiizaterapasakoda, egunerokoerrutinetantxertatutagelditukodelarikrobotaren programatzeareningurukolanaaitzinerakoan.
- 6. II. INGURUA EZAGUTZEA JARDUERAK Helburuak Edukiak Beren ingurua modu aktiboan aztertu, egoera eta gertaera esanguratsu batzuei buruzko interpretazioak egin eta horiek ezagutzeko interesa izateko gaitasuna. Neurketa beharrezkoa duten egoerak aztertu eta identifikatzea. Neurtzeko tresnekiko interesa eta jakin-mina. Haien erabilerari buruzko hastapenak. Inguruko elementuetan forma planoak eta hiru dimentsiokoak identifikatzea. Oinarrizko gor- putz geometriko batzuk aztertzea. Nork bere burua eta objektuak espazioan kokatzea. Kokaleku erlatiboak. Higitze orientatuak egitea. Idem Abilezia matematikoetan hasteko, elementuak eta bildumak funtzionalki manipulatu, haien ezaugarriak identifikatu eta haien arteko taldekatze, sailkapen, hurrenkera eta kuantifikazio harremanak ezartzekoa.
- 7. III. HIZKUNTZAK: KOMUNIKAZIOA ETA IRUDIKAPENA JARDUERAK Helburuak Edukiak Hizkuntza erabiltzea ikasi, irudikatu,komunikatu, gozatu eta ideiak eta sentimenduak adierazteko; ahozko hizkuntza besteekin harremanetan egon eta bizikidetza erregulatzeko bide gisara baloratzea. Komunikazioko ohiko egoeretan aktiboki parte hartu eta entzutea. Bere enuntziatuak formatu konbentzionaletara gero eta gehiago egokitu eta ikus-entzunezko baliabideen bitartez sortutako ahozko mezuak, testuak eta kontakizunak ulertzen hastea. Hizkuntza bidezko trukaketa erregulatzen duten arauak egoki erabili, hitz egiteko txanda errespetatu eta arretaz eta errespetuz entzutea: – Solasaldi batean parte hartzea, galdetuz eta entzunez. – Ohar egokiak egitea. Hizkuntza idatziari hurbiltzea komunikatu, informatu eta gozatzeko bidea den aldetik. Haren elementu batzuk aztertzeko interesa. Bestelako baliabide teknologikoak erabiltzen hastea. Plastika-hizkuntzaren osagai batzuk esperimentatu eta aztertzea (linea, forma, kolorea, testura, espazioa...). Ideiak adieraztea bai ahozko hizkuntzaren bidez, bai bestelako hizkuntzen bidez, eta beren asmora eta egoerara hobekien egokitzen dena aukeratzea. Irakurri eta idaztearen erabilera sozialak ulertzen hasi, haien funtzionamendua aztertu eta komunikatu, informatu eta gozatzeko tresna gisa baloratzea. idem
- 8. Metodologia Gure eskoletako ohikoa den lan egiteko metodologian oinarrituko da hona ekartzen dugun proposamen hau ere. Beraz, -Metodologi aktiboetatik proiektu bidezko lana inplementatuko da. -Mailartekotasunak ezaugarritzen duen eskola eredu honetan, haren potentzialtasuna jarduera pedagogikoa eta komunikazio jariotsu eta aberasgarri baten mesedetan paratzen saiatuko gara. -Ezagutza elkarrekintzan, harreman dialogiko, asimetriko eta horizontalen bitartez eraikitzen joanen gara, modu kolaboratiboan. -Aintzinekoetatik ondoriozta daiteken moduan, jite kulturaleko konstruktibismoan oinarrituko dugu gure jardun pedagogikoa. Parte hartzen duen irakasle taldea Parte hartzen duten ikasle taldeak Irurita, Oronoz eta Amaiurko Haur Hezkuntzako hiru gelatan -bat ikastetxe bakoitzeko- burutuko da proiektua. eskola H.H. Ingelera IKTetako aholkularia Informatika sistemetako teknikaria Ingeniari elektronikoa Amaiur 1 Nora Salbotx Irurita 1 Miren Zudaire Oronoz 1 Xabier Ballarena ILZ Lekaroz 1 Joxe Irigoien Kanpo aholkulariak 1 1 orotara 2 1 1 1 1
- 9. Hezkuntza-komunitatearen eta kanpo eragileen parte-hartzea Proiektu hau, jite esperimentalekoa izaki, ez du, lehen fase honetan, kanpo eragileen kolaborazioren beharrikan izanen. Hala eta guztiz ere, arestian aipatu bezala, parte hartuko duen irakaslegoak aditu eta tekniko zenbaiten laguntzaz lan egin beharko du robotaren eraikuntza eta programazioaren lehen unean. Gainera, gure egiteko pedagogikoari eutsiz, lana sozializatzeko modu desberdinak bilatuko dira; ikastetxeetako blogak, gurasoei bilerak eta erakustaldiak, jardunaldiak, tokiko komunikabideak, gaia jorratzen duten foro eta gune espezializatuetan ekarpenak, artikuluak... Baliabide material, funtzional eta pertsonalak Baliabide materialei dagokionez, aurrekontuan adierazitakoetaz haratago, ikastetxeetako ordenagailu, sare konexio eta erreminta zenbait erabiliko dira, bai eta, noski, erreferentziazko ILZ-koak ere. Beharrezkoa litzatekeenean, bai irakasleek bai eta aholkularitza lanetan dihardungo duten adituek ere, beraien gailu elektroniko eta material pertsonalak utziko lituzkete. Baliabide funtzional modura irakasleon esklusiba orduak erabiliko ditugu, bai eta zonaldeko landa eremuko eskolen topagune den Irutitako egoitza ere, gisa honetan, lehenagotik baden koordinazio egitura baliatuko dugu lantaldearen bilerak2 egiteko. Koordinazio lan hau, bistan da, Google Groups edo komunikazio sinkroniko eta asinkronikoa ahalbidetzen duen gisako bertze baliabide digital baten batekin osatuko litzateke. Giza baliabideak arestian aipatuta gelditu dira. Gehituko diren IKTak Proiektu honen muin eta izateko arrazoi dira IKTak, lan osoan zehar azaltzen da zeintzuk inplementatzera goazen. 2 Aurreikuspena honakoa litzateke: hamabostean behineko maiztasunez hasiera batean eta hilabetekoa bigarren fasetik aintzin.
- 10. Faseak eta denborak proposamen hau ahal den heinean betetzen saiatuko gara 2015 2016 Ira Urr Aza Abe Urt Ots Mar Api Mai Eri Uzt Abu Ira Urr Aza Abe ... Aitzin fasea:proposamena, zalantzak, zehaztapenak, koordinazioa. Lan taldea osatu. Lehen fasea': Roboten muntaia irakasleri eta adituen artean. Lehen fasea'': LittleBits materialaren aurkezpena eta lanketa geletan. Prototipo zenbaiten muntaketa. Bigarren fasea: Robotak gelaratzea eta lehen esperimentazioak. Hirugarren fasea: Robotentzako zirkuituak (tapizak) prestatzea (ahal delarik ikasleen eskuhartzez). Laugarren fasea : Robota zirkuitoetan helmugak ezarriz programatzera "jostatu" ikasgeletan. Proiektuaren zabalkunde eta kanpo sozilaizazioa: Landa Eremuko Eskolen Jardunaldietan aurkeztu(¿), adituen foroetan esperientzia eta lehen emaitzak agertu,bertze eskaerarik balego hauei erantzun. Prozesuaren erregulazioa: ebaluazioa eta balorazioa. Asebetetze orokorra neurtzeko fromularioa prestatu eta bete. Luzetarako programazioan Robota programatzeko lana txertatzea eta horren gelaratzea. Horrela erabakiko balitz, proiektua bertze gela eta eskola zenbaitetara zabaltzea.
- 11. Ebaluazio moduak Ikasleekin burutu beharreko lanari dagokionez, Behaketa Partehartzailea3 eta Gelako Egunerokoan jasotzen joanen garenak izanen dira tresna nagusiak jite formatiboko gure ebaluaketa ezartzerako tenorean. Behaketa Partehartzailea egiteko tenorean, ohi dugunez, txantiloi batez baliatuko gara beharrezko erregistroak egin ahal izateko: Ikaslearen ala Taldearen izena helburuen erdieste maila Gaitasuna(k) (lantzen d(ir)en gaitasuna(en) izena(k)) Arloa' (arloaren izena) kalifikazioa gutxi-1- nahikoa-2- ongi-3- arras ongi -3 + - 1 helburua 2 helburua ... X helburua Arloa'' (arloaren izena) ... Irakasleok egindako lana eta proiektuari buruzkoa ebaluatzeko hamabortzero edo hilabeteroko bilerak baliatuko ditugu, horrela prozesuan zehar gertatutakoen aktak jasoz ebaluazio jarrai modura. Hiruhileko amaieretan hasierako helburuen araberako azterketa lan bat eginen dugu beharrezko ikusiko lirateken aldaketak eginez. Honako tresna hau proposatzen dugu horretarako: BOT BAT proiektua helburuen erdieste maila Ikastetxea (ikastetxearen izena) Hasierako helburuak Asebetetze edota erdieste maila eskala txarra erdipurdikoa ona arras ona 1 helburua 2 helburua ... X helburua ... Proiektuaren bukaerako asebetetze maila neurtu ahal izateko, Google formulario bat eta dagokion kalkulu orria izanen ditugu lagungarri. Berau "prozesuaren erregulazioa" deritzon fasean prestatu eta beteko da ikasturtean zehar agertutako elementu, arazo eta eztabaidagaiak jasota. 3 observación participante
- 12. Prestakuntza Parte hartu behar duen irakasleria, teknologiei buruzkoan, profil altukoa da, beraz, aurrikusi litezkeen ikaskuntza premiak modu autogestionatuan kudeatuko lirateke, sarean aurkitu daitezken foro, web eta tutorialei jarraituta batetik4 eta proiektuaren laguntzaile diren teknikariekin kontraste lana eginez bertzetik. Aurrekontua zer kopurua salneurria orotara Lonas impresas 100x100 3 30€/m2 90€ Lonas impresas 200x200 3 30€/m2 360€ Robotak eraikitzeko materialak 3 40€ 120€ LittleBits deluxe 3 199€ 597€ orotara 1.167€ 4 http://escornabot.com/web/es/what http://ceipmiskatonic.blogspot.com.es/ https://comunidad.programamos.es/dashboard