Cociña galega tradicional
- 2. Caldo Galego •1 feixe de grelos •100 g de feixóns a remollo ou fabas brancas •1 bo anaco de unto duns 40 gr •½ kg de patacas •1 óso de lacón •1 óso de caña de tenreira
- 3. - Poñer ao lume un pote con auga, os feixóns ou fabas brancas e os ósos. -Poñer os grelos lavados e partidos coas mans nun recipiente diferente con auga fervendo para quitarlles parte do amargor. Retíranse e resérvanse. - Cando comece a ferver a auga coas fabas, engadirlle o unto. Ao pasar 45 minutos, incorporar as patacas cortadas en anacos non demasiado grandes e os grelos. Deixar todo ao lume ata que estea ben cocido e, para rematar, rectificar de sal. - Cómpre lembrar que o caldo galego se pode elaborar tanto con grelos --coma nesta receita- coma con nabizas ou repolo, segundo a tempada. Modo de preparación
- 4. EMPANADA DE BACALLAU •220 gr de aceite de allada •500 gr de fariña •75 gr de masa nai •1 ovo •10 gr de sal •220 gr de leite Para a farsa: •1,5 l de aceite •5 gr de pementón •Sal ao gusto •Tomate triturado •650 gr de cebola •300 gr de pemento vermello •1 folla de loureiro •2 dentes de allo •2 dl de viño branco •Bacallau
- 5. Modo de preparación Preparamos a masa da empanada ao modo tradicional, amasándoa durante moito tempo para que todos os ingredientes queden moi ligados. Cando rematemos, o resultado ha de quedar nunha cor avermellada, que llo dará o pementón. Para a farsa, empezaremos cortando os ingredientes. Cortamos en xiana fina o pemento e a cebola, e poñémolos a rustrir nunha tixola con aceite abundante, sal, allo e loureiro. Refogamos. Cando estean rustridos, engadimos tomate triturado e un pouco de viño branco. Deixámolo reducir. Cando o teñamos listo e xa retirado do lume, engadimos 2 culleradas de pementón da Vera Para evitar que a masa se abrande, deixamos arrefriar a farsa antes de poñela sobre esta. Poñemos a farsa e o bacallau sobre a masa e cubrimos todo con outra porción de masa a xeito de tapa. Cando o forno estea a 180°, introducimos a empanada durante 30 minutos e lista! Recordade que a empanada a podemos tomar quentiña ou fría.
- 6. COCIDO GALEGO •½ Cabeza de porco curada •½ Lacón curado (aprox. 1 kg) •Espiñazo (aprox. 1,5 kg) •2 Rabos salgados (aprox. 250 gramos) •Touciño listado (aprox. 750 gramos) •Costela salgada enteira ou en tiras (aprox. 750 gramos) •3 Fociños salgados •5 Orellas salgadas •5 Uñas salgadas •5 Chourizos •4 Linguas salgadas •1 Galiña de casa (aprox. 1 kg) •Tenreira: faldra ou xarrete (aprox. 750 gramos) •2 anacos de graxa: (200 gramos) •Garavanzos (1 kg) •Grelos (6 mans de 1 kg cada un) •Patacas (aprox. 1,5 kg)
- 7. Catro días antes: poñer o lacón a desalgar en auga fría. É necesario cambiar a auga cada 24 horas. Dous días antes: lavar coidadosamente toda a carne de porco (espiñazo, costela, cabeza, rabo, morros, orellas, etc.) e poñela a desalgar e hidratar tamén en auga fría, cambiando a auga ás 24 horas. Un día antes: poñer a remollo os garavanzos. Póñense as carnes a ferver nunha pota ou ola con auga fría, contando con desalgalas previamente se teñen salgadura. Cando rompa a ferver a auga, incorporar os garavanzos, que se tiveron a remollo toda a noite. Deixar cocer todo a lume lento durante dúas horas. Pasado este tempo, retirar as carnes e meter no caldo os chourizos, as patacas peladas e os grelos. Deixar os novos ingredientes do caldo trinta minutos máis ao lume. Modo de preparación
- 8. ORELLAS DE ENTROIDO Ingredientes: •3 ovos •1 cunca do café de aceite •1 cunca do café de anís •2 cuncas do café de zume de laranxa •Fariña, aproximadamente 500 gr
- 9. Modo de preparación Nun recipiente botamos os 3 ovos, o aceite, o anís e o zume e batemos ben. Pouco a pouco imos engadindo a fariña - a cantidade é aproximada- até obter un masa homoxénea. Tapamos con papel transparente e deixamos repousar 2 horas. Coa axuda dun rolete estiramos a masa e cun coitelo ímoslles dando forma. Fritimos en abundante aceite e de poucas en poucas. Colocámolas nunha fonte cuberta con papel absorbente para eliminar o exceso de aceite. Botamos un pouco de azucre glás por riba e xa están listas para comer!! Que aproveite!
- 10. FEIXÓS OU FILLOAS Ingredientes: •1/2 litro de auga •1/2 litro de leite •6 ovos •Fariña •Medio vaso de azucre •Medio vaso de aceite •Medio vaso de anís •Pela de limón •Chisco de sal
- 11. Modo de preparación Mesturamos nun recipiente a auga, o leite, os ovos, o azucre, o aceite e o sal e imos engadindo pouco a pouco a fariña. Agora é o momento de bater co batedor eléctrico para que non quede ningún gromo. De seguir engadimos a pela de limón e deixamos repousar durante 3-4 horas. Chegou o momento de coller unha tixola (mellor se é especial para filloas, ou unha placa de ferro...) e botarlle unhas gotas de aceite, manteiga ou pasarlle un pouco de touciño para evitar que se peguen. Cun cullerón collemos unha porción da masa e repartímolo por toda a tixola, deixamos que se faga e cando vexamos que se comeza a despegar debemos darlle a volta. Colocámolos nunha fonte ou prato e vixiamos que non veñan intrus@s para devoralos!! Nós acostumamos comelos sós porque xa son o suficientemente doces, mais xa sabedes que hai mil variantes para completalos: con mel, azucre, crema de cacao...