Edukasyon sa Pagpapakatao 10 WEEK 1 Q3.pptx
- 1. Edukasyon sa Pagpapakatao 10 Pagmamahal sa Diyos QUARTER 3 |WEEK 1-2 CLARISSA C. REYES SST-III
- 2. MOST ESSENTIAL LEARNING COMPETENCIES (MELCs) Nakapagpapaliwanag ng kahalagahan ng pagmamahal ng Diyos Natutukoy ang mga pagkakataong nakatulong ang pagmamahal sa Diyos sa kongkretong pangyayari sa buhay. Napangangatwiranan na: Ang pagmamahal sa Diyos ay pagmamahal sa kapwa. Nakagagawa ng angkop na kilos upang mapaunlad ang pagmamahal sa Diyos. CONTENT/CORE CONTENT Naipamamalas ng mag-aaral ang pag-unawa sa pagmamahal ng Diyos.
- 3. A. Panimula Layunin ng aralin na ito na magabayan ka na maunawaan na bilang pinakaespesyal na nilalang, tayo ay dapat tumugon sa panawagan ng Diyos na mahalin Siya at ang lahat ng Kaniyang nilikha lalot higit ang ating kapuwa. Ang pagmamahal na ito ang susi ng pagpapalalim ng tao ng kaniyang pagmamahal at pananampalataya sa Diyos. Sa iyong sagutang papel ay gawin ang gawain sa ibaba. Sundin ang mga sumunod na panuto: Isulat sa loob ng kahon ang iyong mga katangian bilang tao ayon sa sumusunod na aspekto (pangkatawan, panlipunan, pangkaisipan, emosyonal, at espiritwal). Pagkatapos ay sagutin ang mga sumusunod na tanong
- 4. Tanong: 1.Ano ang masasabi mo sa iyong mga katangian sa mga aspektong nabanggit? 2.Ano-ano ang iyong isinulat sa aspektong espirituwal? Ipaliwanag. 3.Sa iyong palagay, alin sa mga aspektong iyan ang pinakamahalaga? Bakit?
- 5. Gawain sa Pagkatuto 1: Isulat sa loob ng bilog ang mga dahilan bakit mahalaga ang pagmamahal sa Diyos. Gawin ito sa iyong sagutang papel. Mga Tanong: 1. Madali ba para sa iyo ang sagutan ang naunang gawain? 2. Sa apat na dahilan na iyong isinulat, ano ang pinakahigit sa lahat? Pangatwiranan. 3. Paano ito makakatulong upang mapalapit ka pa sa Diyos?
- 6. B. Pagpapaunlad Basahin sa Pagpapalalim sa pahina 241-249 sa EsP 10 Learners Material ang sumusunod na talata patungkol sa ugnayan ng Diyos at tao at pagpapakita ng malalim na pagmamahal sa Panginoon. Sagutan sa sagutang papel ang mga tanong na nasa loob ng kahon. Naranasan mo na bang magmahal? Kung naranasan mo na ito, ano ang iyong naging pakiramdam? Naging masaya ka ba o kakaiba ang iyong pakiramdam? Tila hindi mo napapansin ang paglipas ng oras sapagkat doon umiikot ang iyong mundo. Sa pagmamahal, binubuo ang isang maganda at malalim na ugnayan sa taong iyong minamahal. Sa ugnayang ito, nagkakaroon ng pagkakataon ang dalawang tao na magkausap, magkita, at magkakilala. Ito ay nagsisimula sa simpleng palitan ng usapan at maaaring lumalim kung patuloy ang kanilang ugnayan. Mas nagiging maganda at makabuluhan ang ugnayan kung may kasama itong pagmamahal.
- 7. Ang tao ang pinaka-espesyal sa lahat ng nilikha dahil hindi lamang katawan ang ibinigay sa kaniya ng Diyos kundi pinagkalooban din siya ng espiritu na nagpapabukod tangi at nagpapakawangis sa kaniya sa Diyos. Ngunit ang nagpapakatao sa tao ay ang kaniyang espiritu na kinaroroonan ng persona. Ang persona, ayon kay Scheler ay, ang pagka-ako ng bawat tao na nagpapabukod-tangi sa kaniya. Kayat ang espiritwalidad ng tao ay galing sa kaniyang pagkatao. Ito ay lalong lumalalim kung isinasabuhay niya ang kaniyang pagiging kalarawan ng Diyos at kung paano niya minamahal ang kanyang kapuwa.
- 8. Ang espiritwalidad ay pagkakaroon ng diwa kung ang espiritu ng tao ay sumasalamin sa kaibuturan ng kaniyang buhay kasama - ang kaniyang kilos, damdamin, at kaisipan. Kayat anuman ang relihiyon ng isang tao- ito man ay Kristiyanismo, Islam, Buddhismo at iba pa- ang espiritwalidad ang pinakarurok na punto kung saan niya nakakatagpo ang Diyos. Ang tao ay naghahanap ng kahulugan ng kaniyang buhay. Mula sa kaniyang pagtatanong kung bakit siya umiiral. Sa harap ng mga pagsubok o problema na kaniyang pinagdaraanan, marahil nagtatanong ang tao kung may Diyos bang makapagbibigay ng kasagutan sa kaniyang mga pagtatanong. Dito kailangan niya ang pananampalataya. Ang pananampalataya ay ang personal na ugnayan ng tao sa Diyos. Isa itong malayang pasiya na alamin at tanggapin ang katotohanan ng presensiya ng Diyos sa kaniyang buhay at sa pagkatao niya. Isa itong biyaya na maaaring Malaya niyang tanggapin o tanggihan. Sa pananampalataya, naniniwala at umaasa ang tao sa mga bagay na hindi nakikita. Ang tunay na diwa ng espiritwalid ad ay ang pagkakaroo n ng mabuting ugnayan sa kapuwa at ang pagtugon sa tawag ng
- 9. Sa pananampalataya, itinatalaga ng tao ang kaniyang paniniwala at pagtitiwala sa Diyos. Inaamin niya ang kaniyang limitasyon at kahinaan dahil naniniwala siyang anuman ang kulang sa kaniya ay pupunuan ng Diyos. Ang pananampalataya, tulad ng pagmamahal ay dapat ipakita sa gawa. Ito ay ang pagsasabuhay ng tao sa kaniyang pinaniniwalaan. Ikaw, kumusta naman ang iyong pananampalataya? Ito ba ay pananampalatayang buhay? Sa paanong paraan? Kung kayat, ang pananampalataya ay hindi maaaring lumago kung hindi isinasabuhay para sa kapakanan ng kapuwa. Naipapahayag ng tao ang kaniyang pananampalataya sa Diyos sa pamamagitan ng aktuwal na pagsasabuhay nito. Wika nga ni Apostol Santiago sa Bagong Tipan, Ang pananampalatayang walang kalakip na gawa ay patay (Santiago 2:20). Ibig sabihin, ang mabuting kilos at gawa ng tao ang siyang matibay na nagpapakita ng kaniyang pananampalataya at pagmamahal sa Diyos.
- 10. Anoman ang gawin mo sa iyong kapuwa, ginagawa mo sa iyong sarili. Naipapahayag ang pananampalataya sa Diyos sapamamagitan ng relihiyon. Maaaring ibat iba ang relihiyon at ang pamamaraan ng pagsasabuhay ng pananampalataya, mahalagang igalang ang mga ito. Magkakaiba man ang turo o aral ng bawat isa, ang mahalaga ay nagkakaisa sa iisang layuning magkaroon nang malalim na ugnayan ang tao sa Diyos at kapuwa. Ang pananampalataya ay dapat ding alagaan upang mapanatili ang ningas nito. Naririto ang ilan sa mga dapat gawin upang mapangalagaan ang ugnayan ng tao sa Diyos. 1. Panalangin Ito ay paraan ng pakikipag-ugnayan ng tao sa Diyos. Sa pananalangin, ang tao ay nakapagbibigay ng papuri, pasasalamat, paghingi ng tawad, at paghiling sa Kaniya. 2. Panahon ng Pananahimik o Pagninilay Sa buhay ng tao, napakahalaga ang pananahimik. Ito ay makatutulong upang ang tao ay makapagisip at makapagnilay.
- 11. 3. Pagsisimba o Pagsamba Anuman ang pinaniniwalaan ng tao, mahalaga ang pagsisimba o pagsamba saan man siya kaanib na relihiyon. 4. Pag-aaral ng Salita ng Diyos Upang lubos na makilala ng tao ang Diyos, nararapat na malaman ang Kaniyang mga turo o aral. 5. Pagmamahal sa Kapuwa Hindi maaaring ihiwalay sa tao ang kaniyang ugnayan sa kapuwa. Ito ang isang dahilan ng pag-iral ng tao, ang mamuhay kasama ang kapuwa. 6. Pagbabasa ng mga aklat tungkol sa espiritwalidad Malaki ang naitutulong ng pagbabasa ng mga babasahin na may kinalaman sa espiritwalidad. Ito ay nakatutulong sa paglago at pagpapalalim ng pananampalataya ng isang tao. Tanong: Alin sa sumusunod na paraan ang iyong nagagawa upang mapalalim ang iyong ugnayan sa Diyos? Ipaliwanag.
- 12. Sinasabi sa Juan 4:20, Ang nagsasabi na iniibig ko ang Diyos, subalit napopoot naman sa kaniyang kapatid ay isang sinungaling. Kung ang kapatid na kaniyang nakikita ay hindi niya magawang ibigin, paano niya maiibig ang Diyos na hindi niya nakikita? Mayroon tayong tinatawag na Apat na Uri ng Pagmamahal ayon kay C.S. Lewis. 1. Affection Ito ay ang pagmamahal bilang magkakapatid, lalo na sa mga magkakapamilya o maaaring sa mga taong nagkakilala at naging malapit o palagay na ang loob sa isat isa. Sitwasyon: Si Anna ay masipag na estudyante at madalas niyang iniintindi ang kanyang nakababatang kapatid na si Ben. Isang araw, napansin ni Ben na pagod si Anna dahil sa dami ng kanyang schoolwork. Upang ipakita ang kanyang pagmamalasakit, nagluto si Ben ng paboritong pagkain ni Anna bilang pasasalamat at para mapagaan ang kanyang pakiramdam.
- 13. 2. Philia Ito ay pagmamahal ng magkakaibigan. Mayroon silang iisang tunguhin o nilalayon na kung saan sila ay magkakaugnay. Sitwasyon: Si Mark at si John ay matalik na magkaibigan mula pagkabata. Isang araw, si John ay nagkaroon ng mabigat na problema sa kanyang pamilya, at ito'y nagdulot sa kanya ng matinding lungkot. Bilang suporta, si Mark ay laging nandiyan para makinig sa kanyang mga hinaing, nagbibigay ng payo, at sinamahan siya sa mga mahahalagang bagay tulad ng pag-aayos ng mga isyu sa pamilya. Kahit abala si Mark sa kanyang trabaho, sinisigurado niyang naroon siya para kay John bilang isang tunay na kaibigan.
- 14. 3. Eros Ito ay pagmamahal batay sa pagnanais lamang ng isang tao. Kung ano ang makapagdudulot ng kasiyahan sa kaniyang sarili. Halimbawa: Mahal mo siya dahil maganda siya. Ito ay tumutukoy sa pisikal na nais ng isang tao. Sitwasyon: Si Mia at si Leo ay magkasintahan. Sa isang romantikong gabi, sinorpresa ni Leo si Mia sa kanilang anibersaryo sa pamamagitan ng isang hapunan sa ilalim ng mga bituin. Habang hawak ang kanyang kamay, tinitingnan ni Leo si Mia sa mata at sinabing, "Ikaw ang inspirasyon ko sa lahat ng ginagawa ko. Mahal na mahal kita." Si Mia, na lubos ang saya, ay niyakap si Leo at sinabing, "Ako rin, Leo. Ikaw ang nagbibigay-kulay sa buhay ko."
- 15. 4. Agape Ito ang pinakamataas na uri ng pagmamahal. Ito ay ang pagmamahal na walang kapalit. Ganyan ang Diyos sa tao. Patuloy na nagmamahal sa kabila ng mga pagkukulang at patuloy na pagkakasala ng tao ay patuloy pa rin Niyang minamahal dahil ang TAO ay mahalaga sa Kaniya. Sitwasyon: Si Clara ay laging tumutulong sa mga nangangailangan sa kanilang komunidad. Isang araw, may isang matandang walang tirahan na nakita niya sa daan. Kahit limitado ang kanyang pera, bumili siya ng pagkain at tubig para sa matanda. Binisita rin niya ang matanda araw-araw upang tiyaking maayos ang kalagayan nito at tinulungan siyang makahanap ng tirahan sa tulong ng mga lokal na organisasyon. Hindi niya inaasahan ang anumang kapalitang nais lamang niya ay makatulong nang bukal sa loob.
- 16. Kung gayon, ang bawat isa sa atin ay inaanyayahan na tularan ang Diyos. Sikapin natin na mahalin ang ating kapuwa dahil ito ang palatandaan ng pagmamahal natin sa Diyos na Lumikha. Tanong: Nagsusumikap ka bang magmahal para sa Diyos? Pangatwiranan.
- 17. Gawain sa Pagkatuto 2: Suriin ang mga sitwasyon na nasa loob ng kahon. Sa tapat nito ay isulat kung ano ang iyong gagawin upang mapangatwiranan mo na ang pagmamahal sa Diyos ay nakatutulong upang malagpasan ang mga pagsubok sa buhay at ito ay nangangahulugan ng pagmamahal sa kapwa. Mga sitwasyon Ang aking gagawin 1. Mahal na mahal mo ang iyong mga magulang. Isang araw, habang ikaw ay nasa paaralan, nakatanggap ka ng balita na naaksidente sila at nag-aagaw buhay sa ospital. Hindi ka nakalilimot sa Diyos sa araw-araw at nagsisilbi ka sa inyong simbahan. Ngunit pareho silang binawian ng buhay dahil sa aksidente na kanilang sinapit. Sisisihin mo ba ang Diyos sa pangyayaring ito?
- 18. Mga sitwasyon Ang aking gagawin 2. Isang gabi, habang ikaw ay naglalakad pauwi sa inyong bahay, may nakita kang isang lalaking nakahandusay sa kalsada. Siya ay duguan at halos hindi na humihinga. Paglapit mo sa kaniya ay namukhaan mong siya ang lalaking bumugbog sa iyong ama na naging dahilan ng pagka-ospital nito. Ano ang iyong gagawin? 3. Kumatok ang iyong kapitbahay at humihingi sa iyo ng tulong dahil ang kaniyang anak ay may malubhang karamdaman. Noong araw na iyon, sakto lamang ang iyong pera para sa inyong gastusin sa bahay. Ano ang iyong gagawin?
- 21. D. Paglalapat Ang ___________________ ay hindi maaaring lumago kung hindi ________________ para sa kapakanan ng kapuwa. Naipapahayag ng tao ang kaniyang pananampalataya sa __________________ sa pamamagitan ng aktuwal na _____________________ nito. Ang bawat isa sa atin ay inaanyayahan na tularan ang Diyos. Sikapin natin na ______________ ang ating kapuwa dahil ito ang palatandaan ng pagmamahal natin sa ______________ na Lumikha.
- 22. VI. REFLECTION 1. Paano mo mapalalago at mapalalalim ang iyong pagmamahal sa Diyos at pakikipag- ugnayan sa kapuwa gamit ang iyong bagong kaalaman at reyalisasyon na iyong natutuhan? Isulat ang iyong sagot sa iyong sagutang papel.
Editor's Notes
- #12: Ang simpleng kilos ni Ben ay nagpapakita ng affection o pagmamahal sa kanyang kapatid sa pamamagitan ng pagkalinga at pag-aalala sa nararamdaman nito.
- #13: Ang ganitong klaseng pagmamalasakit at suporta ay nagpapakita ng Philia, ang pagmamahal sa pagitan ng magkaibigan na may pundasyon sa tiwala, respeto, at malasakit.
- #14: Ang ganitong uri ng pagmamahal ay Eros, na naglalarawan ng romantiko at masidhing pagmamahalan sa pagitan ng dalawang tao, kadalasang may kasamang emosyonal at pisikal na atraksyon.
- #15: Ang ganitong uri ng pagmamahal ay Agape, na tumutukoy sa walang pag-iimbot na pagmamahal sa kapwa, kadalasang ipinapakita sa pamamagitan ng kabutihan, malasakit, at habag, kahit hindi kilala o walang inaasahang gantimpala.
- #16: Tanong: Nagsusumikap ka bang magmahal para sa Diyos? Pangatwiranan. Sagot: Oo, nagsusumikap akong magmahal para sa Diyos dahil naniniwala ako na ito ang pinakamataas na anyo ng pagmamahal na nagbibigay kahulugan at direksyon sa ating buhay. Ang pagmamahal sa Diyos ay hindi lamang nasusukat sa pananalangin o pagsamba, kundi sa kung paano natin isinasabuhay ang Kanyang mga aralpagiging mabuti sa kapwa, pagpapakita ng malasakit, pagpapatawad, at pagtulong sa mga nangangailangan. Ang pagmamahal sa Diyos ay hindi nangangailangan ng perpektong pagkilos, ngunit ng taos-pusong pagsisikap na magpakabuti sa bawat pagkakataon. Sa tuwing nagpapakita tayo ng malasakit sa iba o nagsusumikap tayong gawin ang tama kahit mahirap, ipinapakita natin ang pagmamahal natin sa Diyos, dahil sinabi Niya, Anuman ang ginawa ninyo para sa isa sa pinakamaliit na ito, ginawa ninyo para sa akin (Mateo 25:40). Kaya, ang pagmamahal para sa Diyos ay nasasalamin sa ating paggalang, pag-ibig, at paglilingkod sa ating kapwa, na siyang nagpapalalim ng ating kaugnayan sa Kanya.