Ffurflen Gais a ddisgrifiad swydd.docx
•Download as DOCX, PDF•
0 likes•11 views
Welsh version of researcher job description. People and Work actively encourages the use of Welsh and works through the language as well as English on a daily basis.
Ffurflen Gais a ddisgrifiad swydd.docx
- 1. Rôl Ymchwil a Gwerthuso Cyflwyniad Mae Pobl a Gwaith yn gwmni ac elusen Gymreig a sefydlwyd yn yr 1980au mewn ymateb i'r dadleoliad economaidd a chymdeithasol a achoswyd gan ddad- ddiwydiannu yng Nghymru. Ers hynny, rydym wedi newid bywydau drwy gymysgedd unigryw o waith cymunedol wedi'i ariannu a gwaith ymchwil a gwerthuso wedi'i gomisiynu. Mae unrhyw arian dros ben o incwm a enillir yn mynd i gefnogi gwaith gyda chymunedau. Mae ein gwaith ymchwil a gwerthuso yn cynnwys cymysgedd cyffrous o ddatblygu polisi llywodraeth blaenllaw, ymatebion a ddatblygir yn lleol i faterion ynghylch sgiliau a chyflogaeth a gwaith yn y sector gwirfoddol i adeiladu newid cynaliadwy. Mae gwaith diweddar i Lywodraeth Cymru yn cynnwys:  Gwerthusiad o'r Gwarant i Bobl Ifanc Cymru  Gwerthusiad o Gymunedau am Waith a Chymunedau am Waith a Mwy  Adolygiad o'r Galw, Capasiti a Chynllun Gwasanaethau Niwroddatblygiadol  Adolygiad o Ddarpariaeth Iaith Arwyddion Prydain yng Nghymru  Astudiaeth Cyflogaeth a Chymorth Sgiliau Ffoaduriaid  Adolygiad o'r dystiolaeth ar wasanaethau iechyd meddwl pob oed  Gwerthusiad o'r rhaglen beilot CAMHS Mewngymorth i Ysgolion  Adolygiad o waith ieuenctid yng Nghymru Rydym hefyd yn gweithio ar astudiaethau ar gyfer y sector gwirfoddol gan gynnwys, Astudiaeth ar Werth Cymdeithasol Sefydliadau Ieuenctid ; Gwerthusiad o Buddsoddi Lleol ; cymorth gwerthuso i Meddwl Ymlaen yng Ngogledd Cymru; adolygiad o addysg oedolion yng Nghymru a phrosiectau llai gan gynnwys gwerthuso gwaith cwmni theatr cymunedol a rhaglen gymorth i bobl hŷn mewn teuluoedd sy'n ffermio. Y canolbwynt ar gyfer ein holl waith yw y dylai fod yn ystyrlon, yn wrthrychol ac yn effeithiol. Rydym yn dîm bach iawn sydd, serch hynny, yn cyflawni llawer drwy ddefnyddio data, dadansoddi deallus a sgiliau myfyrio yn ein holl waith.
- 2. Rôl ymchwil a gwerthuso Rydym yn poeni am y gwaith rydym yn ei wneud ac am ddod o hyd i rywun a fydd yn poeni amdano hefyd. Mae'r gwaith yn aml yn ddwys, gan weithio i derfynau amser, ond yn ddiddorol iawn hefyd, ac mae gan lawer ohono y potensial i wneud gwahaniaeth gwirioneddol i fywydau pobl yng Nghymru. Rydym yn gwerthfawrogi ein staff ac yn buddsoddi ynddynt a chefnogi eu datblygiad proffesiynol parhaus. Bydd y rôl yn cael ei datblygu o amgylch profiad a sgiliau'r ymgeisydd llwyddiannus ond gallai gynnwys:  Adolygiadau llenyddiaeth a pholisi  Arolygon  Cyfweliadau a grwpiau ffocws  Dadansoddi data ansoddol a meintiol  Ysgrifennu adroddiadau  Nodi gwaith posibl  Paratoi tendrau  Cymorth gwerthuso i dîm gwaith cymunedol Pobl a Gwaith Bydd yr ymgeisydd llwyddiannus yn ymuno â thîm o dri ymchwilydd arall a thîm ehangach o ymchwilwyr cyswllt a bydd disgwyliad i weithio'n agos iawn gyda chydweithwyr. Canolfan weithio Mae'r swyddfa yng Nghaerdydd ac mae'r tîm cymunedol yn y Rhondda. Gall y gweithiwr ymchwil a gwerthuso weithio o bell neu o'r swyddfa yn ôl ei ddymuniad ond bydd yn ofynnol ymweld â'r ganolfan yn y Rhondda o leiaf unwaith y mis a Chaerdydd yn amlach. Mae gweddill y tîm ymchwil yn swyddfa Caerdydd ar un neu ddau ddiwrnod yr wythnos, gan weithio gartref ar gyfer gweddill yr amser. Er bod llawer o'n gwaith ymchwil bellach yn cael ei wneud o bell, mae ein hymchwil yn dal i ymgymryd â pheth gwaith maes fel cyfweliadau a grwpiau ffocws wyneb yn wyneb a byddai disgwyl i'r gweithiwr newydd gyfrannu at hyn, a fyddai'n cynnwys teithio ledled Cymru.
- 3. Cyflog Mae gennym ddiddordeb mewn dod o hyd i'r person iawn ac felly rydym yn ceisio bod mor hyblyg â phosibl o ran y cam y maent arno yn eu gyrfa. Gall person graddedig sydd â phrofiad cyfyngedig o waith ymchwil a gwerthuso ddisgwyl cael ei dalu £23,000 ynghyd â chyfraniad pensiwn 5% am swydd amser llawn. Gall gweithiwr ymchwil a gwerthuso profiadol iawn sy'n gallu ysgrifennu adroddiadau astudio a thendrau a chynorthwyo wrth sicrhau gwaith ar gyfer y dyfodol ddisgwyl cael ei dalu £33,000 ynghyd â phensiwn 5% am swydd amser llawn. Rhwng y ddau eithaf hyn bydd swm a math y profiad, sgiliau a chapasiti i gyfrannu at ein gwaith yn cael eu hystyried wrth benderfynu ar y cyflog sydd i'w gynnig. Bydd ymgeisydd sy’n dymuno gweithio llai nag amser llawn yn cael ei dalu ar sail pro rata. Proses recriwtio RHAID gwneud ceisiadau gan ddefnyddio'r ffurflen gais a dylai gynnwys CV. Y dyddiad cau ar gyfer gwneud cais yw 8am ar 20 March ac ni ellir ystyried unrhyw gais sy'n cyrraedd ar ôl yr amser hwnnw. Cynhelir cyfweliadau wyneb yn wyneb yng Nghaerdydd ar 31 Mawrth.
- 4. Manyleb y person Gofynnol Addysg i safon gradd Chwilfrydedd a diddordeb mewn polisi Cymru mewn meysydd fel addysg, hyfforddiant a chyflogaeth, datblygu cymunedol, (lleihau) anghydraddoldebau, anabledd ac iechyd Meddwl ymchwiliol a dadansoddol Sgiliau ysgrifenedig a llafar rhagorol (e.e. fel cyfwelydd ac wrth gyfathrebu canfyddiadau i eraill) Sgiliau TG e.e. MS Word, Excel, Teams, PowerPoint) Yn hapus i weithio ar eich pen eich hun ac yn hunangyfeiriedig ond i fod yn rhan o dîm hefyd Yn ymrwymedig i gynhyrchu gwaith o ansawdd uchel; sylw i fanylion. Gonest, dibynadwy ac yn agored i heriau newydd Parodrwydd i deithio ledled Cymru. Dymunol Yr iaith Gymraeg Gradd Meistr neu uwch mewn dulliau ymchwil, polisi cymdeithasol neu economeg (neu debyg) Profiad o werthuso a/neu ymchwil iechyd gymdeithasol neu gymunedol Ymchwil feintiol a/neu ansoddol a/neu sgiliau dadansoddi
- 5. Ffurflen gais Defnyddiwch y ffurflen hon ar y cyd â'ch CV i roi darlun mor glir â phosibl i ni o ran pam yr hoffech ymuno â'n tîm ymchwil a'r hyn y gallwch ei gynnig. Pobl a Gwaith: cymerwch ychydig o amser i edrych ar wefan Pobl a Gwaith a'r adroddiadau y gallwch eu gweld drwy'r dolenni yn y disgrifiad swydd. Esboniwch pam y byddech am weithio gyda ni (hyd at uchafswm o 750 o eiriau).
- 6. Eich cefndir: atodwch eich CV ac, yn ychwanegol, nodwch isod ddarlun mor glir ag y gallwch am yr hyn rydych yn teimlo y gallwch ei gynnig i Pobl a Gwaith. Dylai hyn gynnwys sut y byddai eich sgiliau, eich profiad hyd yma, yn gyflogedig ac yn wirfoddol, a'ch diddordebau yn cyfrannu at ein gwaith (hyd at uchafswm o 750 gair).
- 7. Mynd i’r afael ag anghydraddoldebau ac anfantais: mae llawer o'n gwaith yn canolbwyntio ar ffyrdd y gall ymchwil a gwerthuso gael eu defnyddio i fynd i'r afael ag anghydraddoldebau addysgol, economaidd, cymdeithasol ac iechyd. Beth, i chi, yw'r heriau allweddol y mae Cymru yn eu hwynebu yn yr ychydig flynyddoedd nesaf a sut yr hoffech weld ymchwil a gwerthuso yn cael eu defnyddio i fynd i'r afael â'r materion hyn (hyd at hyd at uchafswm o 750 gair)?
- 8. Hygyrchedd: Nod Pobl a Gwaith yw gwneud y gweithle yn hygyrch a dileu rhwystrau diangen i weithio effeithiol. Diogelu: Mae'n ofynnol i'r holl dîm ymchwil gael gwiriad DBS cyfoes. Nid yw euogfarn o reidrwydd yn rhwystr i gyflogaeth yn dibynnu ar ei natur. A oes unrhyw beth y dylem ei wybod amdanoch chi a fyddai'n dod i'r amlwg drwy wiriad DBS? Dychwelwch y ffurflen hon gyda'ch CV i admin@peopleandwork.org.uk erbyn 8am ar 20 Mawrth. Cynhelir cyfweliadau ar gyfer ymgeiswyr ar y rhestr fer yng Nghaerdydd ar 31 Mawrth.