FILIPINO-10-Q2-TALUMPATI PANITIKANG PANDAIGDIG
- 5. Pagbibigay ng Sariling Pananaw o Opinyon TALUMPATI NI DILMA ROUSSEFF SA KANYANG INAGURASYON
- 8. PANIMULA: Ayon sa UNESCO, ang Brazil batay sa kasaysayan ay kilala sa pagkakaroon ng diskriminasyon sa aspektong sosyal, ekonomiko at kultural. Tulad din ng Pilipinas, ang Brazil ay sumailalim sa dalawamput isang taong pamamalakad na diktaturyal, kung kayat damang-dama ng mga Brazilian ang kasiyahan nang manumpa sa katungkulan noong Enero 1, 2011 ang kauna-unahang babaing pangulo ng bansa sa katauhan ni Pangulong Dilma Rousseff.
- 9. Ang Brasil (Ingles: Brazil), opisyal na tinatawag na Pederatibong Republika ng Brasil(Portuges: Rep炭blica Federativa do Brasil), ay ang pinakamalaking bansa sa buong rehiyon ng Timog Amerika at Latin Amerika. Ito rin ang ikalimang pinakamalaking bansa sa daigdig pagdating sa parehong lawak ng bansa at Brazil topo.jpg sa populasyon. Ito rin ang pinakamalaking bansang nagsasalita ng wikang Portuges sa buong mundo, at nag-iisa lamang sa kontinente ng Amerika. Ang Brasil ang natatanging bansa sa kontinenteng Amerika na nagsasalita ng wikang Portuges, na nagbigay-pagpapahalaga sa wika bilang importanteng bahagi ng pambansang pagkakakilanlan ng Brasil, at nagbigay din ng pambansang pagkakaiba sa kultura mula roon sa mga kapitbahayang bansa nitong nagsasalita ng wikang Kastila.
- 10. Tanyag na mga lugar ng Brazil
- 12. Gawain I: Character Profile Basahin at unawain ang talata na nagpapakilala kay Pangulong Dilma Rousseff, pagkatapos ay punan ng impormasyon ang talahanayan sa kasunod na bahagi. Noong Enero 1, 2011, nanumpa ang kauna-unahang babaeng pangulo ng Brazil matapos Manalo sa eleksyon noong 2010. Siya ay si Dilma Rousseff. Isinilang siya noong Disyembre 14,1947 sa Belo, Horizonte, Brazil. Ang kaniyang ama ay isang Bulgarian at ang kaniyang ina ay isang Brazilian. Estudyante pa lamang si dilma ay naugnay na siya sa isang militanteng sosyalistang grupo kung saan nakasama niya si Carlos Araujo na kinalaunan ay siya niyang nagging pangalawang asawa. Noong 1970, dahil sa kaniyang pakikipaglaban sa diktaturyal siya ay nakulong na tumagal ng
- 13. Tatlong taon. Habang nasa kulungan, nakaranas siya nang labis na pagpapahirap tulad ng electric shocks. Nang siya ay makalaya, tinapos niya ang kaniyang pag-aaral (1977) at pumasok sa local na politika bilang kasapi ng Democratic labor Party. Sa loob ng dalawang dekada, ginampanan ni Rousseff ang pagiging consultant at mahusay na tagapamahala ng partido. Nang mangampanya si luis Lula de Silva bilang pangulo noong 2002, kinuha niya si Rousseff bilang consultant. Matapos ang eleksyon hinirang siya bilang Minister ng Enerhiya. Dahil sa kaniyang kahusayan sa hinawakang posisyon, siya ay kinuha ni Pangulong Lula bilang Chief of Staff noong 2005 hanggang mapagdesisyunan niyang tumakbo sa eleksyon bilang kahalili ni Lula noong 2010.
- 14. DILMA ROUSSEFF
- 15. isang uri ng sanaysay na binibigkas sa harap ng publiko TALUMPATI
- 16. ito rin ay kabuuan ng mga kaisipang nais ipahayag ng isang mananalumpati TALUMPATI
- 17. 1. Tumutugon sa layunin naisasagawa ang pagtatalumpati dahil sa sumusunod na layunin: Katangiang dapat taglayin ng paksa ng isang Talumpati: magturo magpabatid manghikayat
- 18. 1. Tumutugon sa layunin naisasagawa ang pagtatalumpati dahil sa sumusunod na layunin: Katangiang dapat taglayin ng paksa ng isang Talumpati: manlibang pumuri pumuna at bumatikos
- 19. 2. Napapanahon - may kaugnayan sa okasyong ipinagdiriwang. Katangiang dapat taglayin ng paksa ng isang Talumpati:
- 20. isang mapanuring pagpapakahulugan hinggil sa isang napapanahong isyu o pangyayari upang magbigay kaalaman, makapagpaniwala, o makalibang sa mga mambabasa. EDITORYAL
- 21. ay isang uri ng sanaysay na naglalahad ng mga makatotohanang pangyayari batay sa karanasan, pagmamasid, pag-aaral, pananaliksik o pakikipanayam at isinusulat sa isang kawili-wiling pamamaraan. LATHALAIN
- 22. 1. Pagpili ng Paksa Mga Hakbang sa Pagsulat ng Talumpati 2. Paghahanda sa Pagsulat. Ito ay sumasaklaw sa pangongolekta ng mga impormasyon at mga ideya para sa susulatin. Dito isinasagawa ang paggawa ng balangkas, ang pagpaplano, pagdedebelop at pagsasaayos ng mga ideya bago buoin ang balangkas.
- 23. Mga Hakbang sa Pagsulat ng Talumpati 3. Aktuwal na Pagsulat. Sa hakbang na ito isinasalin ang mga ideya sa mga pangungusap at talata. Malayang gumamit ng ibat ibang pamamaraan o istilo sa paglalahad ng mga ideya. Dito rin maaaring alisin, dagdagan o isaayos muli ang mga detalye. Gayunpaman, hindi pa rin binibigyan nang gaanong pansin ang pagwawasto sa mga kamalian sa gramatika sa gamit ng wika at ng mekaniks.
- 24. Mga Hakbang sa Pagsulat ng Talumpati 4.Pagrerebisa at Pag-eedit. Nangangahulugan ng muling pagtingin, muling pagbasa, muling pag- iisip, muling pagbubuo ng mga kaisipan. Sa hakbang na ito maaaring maraming pagbabago sa nilalaman sa organisasyon ng mga ideya at sa istruktura ng mga pangungusap at talata. Maaari pa ring magdagdag ng mga detalye at muling isaayos ang buong sulatin.
- 25. Mga Bahagi at Dapat Taglayin ng isang Talumpati upang Maging Mabisa 1.Panimula. Sa bahaging ito tinatawag ang pansin ng mga tagapakinig. Dito ipinaliliwanag ang layunin ng talumpati.
- 26. Mga Bahagi at Dapat Taglayin ng isang Talumpati upang Maging Mabisa 2. Paglalahad. Ang bahaging ito ang katawan ng talumpati. Dito inilalahad ang isyu at pagpapahayag ng diwa ng paksang tinatalakay. Dito rin matatagpuan ang mga argumento
- 27. Mga Bahagi at Dapat Taglayin ng isang Talumpati upang Maging Mabisa 3. Katapusan. Ito ang pinakasukdol na wakas at konklusyon ng talumpati. Dito rin inilalahad ang pinakamalakas na katibayan, paniniwala, at katwiran upang makahikayat ng pagkilos sa mga tao ayon sa layunin ng talumpati.
- 28. A. Panag-uri. Nagpapahayag ng tungkol sa paksa. Maaaring mapalawak ang pangungusap sa pamamagitan ng pagpapalawak sa panag-uri sa tulong ng ingklitik (katagang paningit), komplemento, pang-abay, at iba pa. Napalalawak din ang pangungusap sa pamamagitan ng paksa sa tulong ng atribusyon o modipikasyon, pariralang lokatibo o panlunan, at pariralang nagpapahayag ng pagmamay-ari.
- 29. 1. Ingklitik. Ito ay tawag sa mga katagang paningit. Ito ay walang kahulugan kung mag-isa ngunit nakapagpapabago ng kahulugan ng isang pangungusap.
- 30. Ilan sa mga halimbawa nito ay: pa, ba, na, nga, man, daw, yata, pala, kaya, kasi, naman. Marami ba ang nawalan ng trabaho dulot ng pandemya? Marami ang nawalan ng trabaho dulot ng pandemya.
- 31. 2. Komplemento/Kaganapan. Ito ang tawag sa pariralang pangngalan na nasa panag-uri na may kaugnayan sa ikagaganap o ikalulubos ng kilos ng pandiwa. Ito ay sangkap sa pagpapalawak ng pangungusap.
- 32. a. Kaganapang Tagaganap. Ito ay bahagi ng panag-uri na gumaganap sa kilos na isinasaad ng pandiwa. Ginagamit ang mga pananda na ni at ng. Halimbawa: Pinakinggan ng pangulo ang karaingan ng mga mamamayan.
- 34. b. Kaganapang Layon. Ito ay bahagi ng panag-uri na nagsasaad ng bagay na tinutukoy ng pandiwa. Ginagamitan ito ng panandang ng. Halimbawa: Ipagpapatuloy ng pamahalaan ang maayos na paggamit ng pondo.
- 36. c. Kaganapang Tagatanggap. Ito ay nagpapahayag kung sino ang makikinabang sa kilos na isinasaad ng pandiwa. May mga panandang para sa at para kay. Halimbawa: Naglaan ng pondo ang gobyerno para sa mga apektado ng pandemya.
- 38. d. Kaganapang Ganapan. Ito ay nagsasaad ng lugar o pook na pinaggaganapan ng kilos na ipinahahayag ng pandiwa. Halimbawa: Nagpulong ang mga empleyado sa tanggapan ng kalihim.
- 40. e. Kaganapang Kagamitan. Ito ay nagsasaad kung anong bagay ang ginagamit nang maisagawa ang kilos na ipinahahayag ng pandiwa Halimbawa: Inaalam ang mga tinamaan ng COVID-19 sa pamamagitan ng swab test.
- 42. f.Kaganapang Direksiyonal. Ito ay nagsasaad ng direksiyon ng kilos na ipinahahayag ng pandiwa. Halimbawa: -Namigay ng tulong ang mga kawani ng DSWD sa mga apektado ng pandemya sa harap ng kanilang gusali.
- 44. g. Kaganapang Sanhi. Ito ay nagsasaad ng dahilan ng pagkakaganap ng kilos. Halimbawa: Dahil sa banta ng COVID-19 sa buhay ng mga tao, marami ang natakot at nabahala.
- 49. Linangin Basahin at unawaing mabuti ang kasunod na talumpati upang malaman mo kung masasalamin ba sa talumpati ang kalagayang panlipunan ng bansang pinagmulan nito. Sipi mula sa Talumpati ni Dilma Rousseff sa Kaniyang Inagurasyon (Kauna-unahang Pangulong Babae ng Brazil) Enero 1, 2011 Isinalin sa Filipino ni Sheila C. Molina Minamahal kong Brazilians, Tinitiyak ng aking pamahalaan na lalabanan at susugpuin ang labis na kahirapan, gayundin, ang lumikha ng mga pagkakataon para sa lahat.
- 50. Nakita natin noon sa dalawang terminong panunungkulan ni Pangulong Lula kung paano nagkaroon ng pagkilos sa kamalayang panlipunan. Gayunpaman, nanatili sa kahihiyan ang bansa sapagkat hindi nawala ang kahirapan at nagkaroon ng mga hadlang upang patunayang maunlad na nga tayo bilang mamamayan. Hindi ako titigil hanggat may Brazilians na walang pagkain sa kanilang hapag, may mga pamilyang pakalat-kalat sa mga lansangan na nawawalan ng pag-asa, at habang may mahihirap na batang tuluyan nang inabandona. Magkakaroon ng pagkakaisa ang pamilya kung may pagkain, kapayapaan at kaligayahan. Ito ang pangarap na pagsisikapan kong maisakatuparan. Hindi ito naiibang tungkulin ng isang pamahalaan, isa itong kapasyahan na dapat gampanan ng lahat sa lipunan. Dahil dito,
- 51. buong pagpapakumbaba kong hinihingi ang suporta ng mga institusyong pampubliko at pampribado, ng lahat ng mga partido, mga nabibilang sa negosyo at mga manggagawa, mga unibersidad, ang ating kabataan, ang pamamahayag, at ang lahat na naghahangad ng kabutihan para sa kapwa. Sa pagsugpo nang labis na kahirapan, kailangang bigyang prayoridad ang mahabang panahong pagpapaunlad. Ang mahabang panahong pagpapaunlad ay lilikha ng mga hanapbuhay para sa kasalukuyan at sa darating pang henerasyon. kailangan ang paglagong ito, kasama ang metatag na programang panlipunan upang malabanan ang hindi pantay na kita at pagkakaroon ng rehiyunal na pagpapaunlad. Nangangahulugang ito at muli kong sasabihin na ang pagpapanatili ng katatagan ng ekonomiya ang pinakamahalaga.
- 52. Sa nakasanayan na natin, kasama ang matibay na paniniwala na sinisira ng inflation ang ating ekonomiya na nakaaapekto sa kita ng mga manggagawa. Nakatitiyak ako na hindi natin papayagan ang lasong ito na sirain ang ating ekonomiya at magdusa ang mahihirap na pamilya. Patuloy nating palakasin ang ating panlabas na pondo upang matiyak na balanse ang panlabas na deposito at maiwasan ang pagkawala nito. Gagawin natin nang wlang pag-aalinlangan sa mga multilateral na paraan na ipaglaban ang maunlad at pantay na mga polisiyang pang-ekonomiya, na pangangalagaan ang bansa laban sa hindi maayos na kompetisyon at dapat na maunawaan ang daloy ng capital na ipinakikipaglaban. hindi natin pahihintulutan ang mayayamang bansa na pinapangalagaan ang sariling interes na nagpapahirap sa maraming bansa sa mundo sa kabila ng kanilang sama-samang
- 53. pagpupunyagi ay walang pagbabagong nagaganap. Ipagpapatuloy nating mapahusay ang paggastos ng pera ng bayan. Sa buong kasaysayan ng Brazil, pinili nitong itayo ang isang estado na nagbibigay ng mga pangunahing pangangailangan at kapakanan ng mamamayan. Malaking halaga ang kakailanganin nito para sa lahat, ngunit nangangahulugan ito na may tiyak na pension, unibersal na pangangalaga sa kalusugan at mga serbisyong pang-edukasyon. Samakatuwid, ang pagpapaunlad ng serbisyo publiko ay kailangan habang isinasaayos natin ang paggastos ng pamahalaan. Isa pang mahalagang salik sa maayos na paggasta ay ang pagpapataas ng antas ng pamumuhunan sa punto ng pangkaraniwang gastusin sa pagpapatakbo ng negosyo. Mahalaga ang pamumuhunang pampubliko sa pag-iimpluwensiya
- 54. Sa pamumuhunang pampribado at kasangkapan sa rehiyunal na pagpapaunlad. Sa pamamagitan ng Growth Acceleration Program at My House, My Life Program, pananatilihin natin ang pamumuhunan sa mahigpit at maingat na pagsusuri ng Pangulo ng republika at ng mga Ministro. Patuloy na magsisilbing instrument ang Growth Acceleration program na pagtutulungan ng pagkilos ng pamahalan at boluntaryong koordinasyon ng pamumuhunang estruktura na binuo ng mga estado at mga munisipalidad. Ituturo rin nito ang pagbibigay ng insentibo upang buuin ang pangmatagalang mga ponding pampribado. Ang pamumuhunan sa World Cup at Olympics ang magbibigay ng pangmatagalang pakinabang sa kalidad ng pamumuhay sa lahat ng bumubuo ng rehiyon.
- 55. Magiging gabay rin ang prinsipyong ito sa polisiya ng panghimpapawid na transportasyon. Walang duda na dapat nang mapaunlad at mapalaki ang ating mga paliparan para sa World Cup at Olympics. Ngunit ang pagpapaunlad na nabanggit ay nararapat na isagawa na ngayon sa tulong ng lahat ng Brazilian. Dilma Rousseff Inauguration Speech: Brazils First Female President Addresses Congress in Brasilia, kinuha noong Pebrero, 26, 2014 Mula sa (Http://www.huffingtonpost.com/2011/01/03/dilma-rousseff- inaugurati_1_n_803450.html)
- 57. Kung ikaw ay isang pangulo ng bansa, paano mo sosolusyunan ang mga nabanggit na problema? Isulat ang sagot sa inyong kwaderno.
- 59. Pagsasanay 1: Mula sa mga nakatalang paksa, bumuo ng mga pangungusap. Sikaping mapalawak ito sa tulong ng panaguri o paksa. Ipaliwanag ang paraang ginamit sa pagpapalawak ng pangungusap. Isulat ang sagot sa sagutang papel. 1. Pagkakaisa ng mga bansa 2. Pag-unlad ng ekonomiya 3. Pagdami ng skilled workers 4. Pag-aagawan ng teritoryo 5. Drug-trafficking
- 60. Pagsasanay 2: Mula sa mga napanahong isyu ng lipunan ng alinmang bansa na sakop ng modyul na ito, pumili ng isang isyu at sumulat ng isang talata. Sikaping palawakin ang mga pangungusap gamit ang mga ingklitik, mga komplemento, mga pang-abay para sa panaguri o atribusyon/modipikasyon, pariralang lokatibo o panlunan, o pariralang nagpapahayag ng pagmamay-ari gamit ang paksa sa pagpapalawak.
- 61. Pagsasanay 3. Isulat sa patlang ang salitang simuno kung ang may salungguhit ay tumutukoy sa simuno o paksa ng pangungusap. Isulat ang salitang panaguri kung ito ay tumutukoy sa panaguri ng pangungusap. ___________ 1. Ang babaeng nakadilaw na damit ay nagbebenta ng puto. ___________ 2. Si Andrea simuno ay nagsasaliksik tungkol sa buhay ni Jose Rizal. ___________ 3. Ang buong klase ni Bb. Rica ay magkakaroon ng lakbay-aral sa Mind Museum. ___________ 4. Malakas na pinalakpakan ang talumpati ni Pangulong Aquino. ___________ 5. Ang bawat kasapi ng samahan ay nag-ambag ng kanilang oras, talino, at talento. ___________ 6. Makinig ka nang mabuti sa payo ng iyong mga magulang. ___________ 7. Puno ng aral ang kuwento na isinalaysay ni Lolo Berting.
- 62. ___________ 8. Nakalimutan ni Arnel na isumite ang mga dokumento tungkol sa kanyang bagong negosyo . ___________ 9. Ang mga bagong empleyado ay magiliw na sinalubong ng meyor sa munisipyo. ___________ 10. Kanina pang tahimik na nag-aaral sa kanilang silid-tulugan sina Letty at Jaime. Pagtukoy sa Uri ng Kaganapan ng Pandiwa Kakayahan: Natutukoy ang uri ng kaganapan ng pandiwa sa pangungusap. ___________ 11. Ang mga produktong gawa sa bayan namin ay tinatangkilik ng mga taga-Maynila. ___________ 12. Ang bata ay umiiyak dahil masakit ang kanyang ngipin.
- 63. ___________ 13. Ang sundo ni Carlo ay naghihintay sa gate ng paaralan. ___________ 14. Ang mga tsokolate na dinala ni Tatay ay para sa magkakapatid na sina Jake, Jason, at Jed. ___________ 15. Pagkaraan ng limang taon, bumalik si Teodoro sa kanyang bansang sinilangan. ___________ 16. Ang resulta ng malakas na bagyo ay naipakita sa pamamagitan ng mga larawan mula sa mga satelayt. ___________ 17. Ang mga doktor mula sa Israel ay pumunta sa lalawigan ng Cebu upang magtayo ng pansamantalang pagamutan. ____________18. Nakinig nang mabuti si Miranda sa guro dahil nais niyang matuto. ____________19. Isinarado ni Joven ang puntuan. ____________20. Inamin niya ang kanyang pagkakamali.
- 64. Pagmamarka: Week 1 Written Works G1 = ___/10 G2 = ___/20 G3 = ___/5 G4 = ___/15 G5 = ___/15 KABUUANG BILANG: ___/65
- 65. Pagmamarka: Week 1-2 Performance Task TALUMPATI ____/100
- 66. Ilipat Mahusay! Ngayon ay itataya mo ang iyong mga natutuhan sa araling ito. Alam kong kayang-kaya mo itong gawin. Ikaw ang napili ng iyong guro na lumahok sa Patimpalak sa Pagbigkas ng talumpati na itinataguyod ng Bangko Sentral ng Pilipinas (BSP) na may temang Tugon ng mga Kabataan sa mga Isyu ng Lipunan. Kayat ikaw ay susulat ng isang talumpati bilang paghahanda sa nasabing patimpalak. Ang nabuo mong talumpati ay ipapasa mo sa hatirang pangmadla o social media.
- 67. Nararapat na ang talumpating iyong isusulat ay taglay ang sumusunod na mga bahagi: Panimula 20% * Pagpapaliwanag sa layunin Katawan 40% * Kalinawan ng argumento * tibay,lakas ng argumento Pangwakas 20% * Pagbibigay ng lagom o kongklusyon Kaisahan at Kasanayan sa Pagpapalawak 20% ng pangungusap _____ Kabuuan 100%