Hizkuntza taldea laburpena getxolinguae2015
- 1. Getxolinguae 2015 Â Hizkuntza Proiektua Gure Ikastetxeetan Maribi Apraiz, Marimar Perez, Teresa Ruiz Berritzegune Nagusia. Hizkuntza aholkulariak Hizkuntza Proiektua ikastetxeko hizkuntzen erabileraren eta irakaskuntzaren inguruko erabakiak biltzen dituen dokumentu garrantzitsua izateaz gain, irakasleentzat hizkuntzak irakasteko tresna lagungarria da eta eskolako hizkuntzen kudeaketarako gida eta gurasoentzat informazio iturria ere bada. Ikastetxeei Hizkuntza Proiektua garatzen laguntzeko hainbat ideia azpimarratu nahiko genituzke atal honetan: Hizkuntza Proiektua Eskola Elkartea osoaren lana da, testuinguruari lotua eta Hezkuntza Proiektuaren pean dago; kudeaketa eremuari eta eremu didaktiko-metogologikoari eragiten dion lan sakona da Hizkuntza Proiektua. Zorionez, lan hori garatzeko tresnak ditugu eskura: Hizkuntza Proiektua egiteko gida, Ikastetxeko Hizkuntza Proiektua gaineko prestakuntzarako baliabideak (ikasturte honetako webgunea), eta, batez ere, Ikastetxeetako irakasleek egindako lan izugarria.