4. Fyrri tölustafurinn fyrir aftan bókstafina IP táknar vörn gegn því, að
spennuhafa eða hreyfanlegir hlutir innan umlykju raffangsins verði snertir.
Ennfremur táknar hann vörn gegn innkomu aðskotahluta og ryks í raffangið.
Seinni tölustafurinn táknar vörn gegn innrennsli vökva. T.d. táknar IP 67,
að raffangið sé rykþétt og vatnsþétt. Sé bókstafurinn X í stað fyrri tölustafsins,
er aðeins tilgreind vatnsvörn, en sé bókstafurinn X í stað seinni tölustafsins,
er aðeins tilgreind vörn gegn föstum hlutum og ryki.
7. Mjög brýnt er að framleiðendur og innflytjendur gæti að því hvort
vörur sem þeir framleiða eða flytja inn heyri undir tilteknar tilskipanir
Evrópusambandsins. Ef sú er raunin verður að fylgja ákvæðum þeirra og
sýna fram á samræmi við kröfurnar um CE-merkingu.
CE-merking vöru gefur til kynna að varan uppfylli þær lágmarkskröfur um
öryggi og heilsuvernd sem settar eru fram í Evróputilskipunum. Sá sem
telur sig fullnægja öllum ákvæðum allra tilskipana, sem vöru hans
varða hefur leyfi til að auðkenna vöru sína með stöfunum CE.
