San rafael arkanghel
•Download as DOC, PDF•
0 likes•2,644 views
Katekesis kay San Rafael Arkanghel
San rafael arkanghel
- 1. SAN RAFAEL ARKANGHEL Layunin: • Maipakilala kung sino si San Rafael Arkanghel • Maturuang sumunod sa kalooban ng Diyos sa pamamagitan ng pagtulad sa kanyang katangiang taglay • Maipalaganap ang debosyon kay San Rafael Arkanghel SITWASYON NG BUHAY: 1. Naniniwala ba kayo na may Anghel? Opo 2. May kilala ba kayong anghel? Opo 3. Sino ang kilala ninyong anghel / arkanghel? San Miguel San Gabriel San Rafael Anghel ng tagatanod at iba pa *Tayo ay naniniwala na mayroong anghel na nilikha ang Diyos at may papel na ginagampanan. Sila ang gumagabay sa atin, ilan sa mga anghel / arkanghel na kilala natin ay anghel ng tagatanod, San Miguel, San Gabriel at San Rafael Ngayon ay pakinggan natin ang kwento ng isang anghel na tumulong sa isang taong may sakit mula sa Banal na Kasulatan. SALITA NG DIYOS: (Tobit 5:9-20) 1. Sino ang mga tauhan sa kwento Tobit Tobias Rafael / Azarias Ana 2. Sino ang maysakit? Tobit 3. Sino ang inutusan ni Tobit na pumunta sa Media upang sumingil ng pautang? Tobias na kanyang Anak 4. Sino ang lalaking nakasama niya sa paglalakbay? Rafael / Azarias 5. Naging maayos ba ang kanilang paglalakbay? 1 | P a g e
- 2. Opo Nakilala ni Tobias ang lalaki na ang pangalan ay Azarias / Rafael at ito ay kanyang isinama sa kanilang tahanan at ipinakilala ito sa kanyang ama na si Tobit na may karamdaman sa mata na malapit na kamag-anak nila. At sila ay Inutusan na pumunta sa bayan upang maningil ng pautang at nakarating sila ng maayos sa tulong ni Rafael at sila ay nakahuli ng isang isda at pinakuha ni Rafael ang apdo at atay nit okay Tobit upang gamitin na gamut. Marami tayong kilala o katawagan sa mga anghel o Arkanghel isa na dito na kilala ninyo ay si San Rafael Arkanghel sino ba siya? PAHAYAG NA PANANAMPALATAYA: Katotohanan: Ipinadala ng Diyos si San Rafael Arkanghel upang maging gabay sa ating paglalakbay sa mundo *Ang mga anghel ay nilikha ng Diyos upang tayo ay bantayan at isa na dito si San Rafael Arkanghel. Sino ba siya? Si San Rafael ay ang Arkanghel ng mga Kristiyanong naglalakbay patungong langit. Siya ang inatasan ng Diyos na maging gabay ng tao sa landas tungo sa ating paghahanap ng mga kayamanan ng tunay na kaligayahan na inihanda ng Diyos para sa kanyang mga anak. Binibigyan din niya tayo ng liwanag upang makita natin at piliin ang daan ng Diyos, at tayo ay kanyang ipinagtatanggol mula sa anumang panganib maaari nating harapin sa ating paglalakbay pabalik sa Ama. Si San Rafael ang nagturo kay Tobias kung paano gumawa ng isang uri ng gamot mula sa isang isda na siyang nakapagpagaling sa ama ng binata mula sa pagkabulag. Ang kanyang pangalan ay nangangahulugang “Lunas ng Diyos”. Madalas siyang inilalarawan bilang isang anghel na may hawak na isda, sisidlan ng langis, at tungkod ng manlalakbay. Pagsasabuhay: San Rafael Arkanghel huwaran nating mga mananampalataya sa pagsunod sa kalooban ng Diyos. *Kung gayon, ang mga anghel ay may mga katangian din katulad ni San Rafael Arkanghel. Siya ang isang Arkanghel na ipinadala ng Diyos upang ating tularan, ang kanyang mga katangian halimbawa dumalaw sa may sakit- si Tobit dinalaw niya. Kayo ba dumadalaw di sa may sakit lalo na sa kaibigan, kamag-anak o kahit hingi kamag-anak, sinamahan si Tobias sa pagpunta sa bayan at pagsunod sa utos ng ama na si Tobit. Tayo ay inaanyayahan na sundin natin ang kalooban ng Diyos. Ang mga anghel at arkangel ay itinuturing na tagapaghatid ng mensahe ng Diyos at ng walang hanggang pagmamahal ng Diyos sa atin. Ito ay pinatunayan sa kabutihan ng Poong Maykapal sa atin. Si San Rafael Arkanghel ay larawan ng Diyos na mapagpagaling at nagbibigay lunas lalung –lalo na sa mga maysakit, nagugutom, at mahihina. Pagsamba: Maipalaganap ang debosyon kay San Rafael Arkanghel 2 | P a g e
- 3. *Tayong lahat ay inaanyayahan na manalangin sa ating pintaksi na arkanghel, lalong lalo na kay San Rafael na ating patron, Tagapagpagaling at Gabay ng mga Kristiyanong naglalakbay patungo sa langit nawa sa kanyang tulong ay ituro sa atin ng Diyos ang daan tungo sa kabanalan. Ipinagdiriwang natin ang kanyang kapistahan tuwing Oktubre 24 taun-taon. Sa ating pag-dedebosyon sa kanya natutularan natin ang kanyang mga katangian at lalo nating nararamdaman ang kanyang pag-gabay sa atin. Tugon ng Pananampalataya: - Naniniwala ako na sa tulong ng panalangin ni San Rafael Arkanghel ay papagalingin ang aking karamdamang pang kaluluwa at pang-katawan. PANALANGIN: O Dakilang Arkanghel, San Rafael, ikaw ay itinalaga ng Diyos upang aming maging tagapagpagaling at gabay sa aming paglalakbay dito sa lupa patungo sa aming makalangit na tahanan. San Rafael Arkanghel, hinihiling namin sa iyo, na kami’y iyong tulungan sa lahat ng aming mga gawain at sa lahat ng pagsubok at sakit na aming nararanasan sa aming buhay dito sa lupa. Aming idinadalangin ang patuloy naming pagkakaroon ng mabuting kalusugan pisikal, mental, at ispiritwal na aming kailangan sa aming paglalakbay. Gabayan mo kami lagi sa bawat hakbang na aming ginagawa upang buong pagtitiwala at tatag kaming makapaglakbay tungo sa tahanan ng Ama. Iyo nawang paliwanagin ang aming mga nag-aalinlangang puso at isipan dulot ng aming mga pagmamataas at makamundong ambisyon upang Makita namin ng lubos ang ganap na kaligayahang handog ng Ama sa lahat ng kanyang mga anak. San Rafael Arkanghel, idulog mo nawa sa Diyos ang aming mga kahilingan. Amen Inihanda nina: Joemer V. Aragon Maria Vasquez Parish of St. Raphael the Arachangel 3 | P a g e