�ݺ�ߣ

NHM ஆசிரியர் குழுவினர் கவனத்துக்கு முக்கிய விதிகள்

பிரதி வாசித்தல் தொடர்பாக வாசகரைப் போல் படியுங்கள் . ரசனையுடன் படியுங்கள் . நிதானமாகப் படியுங்கள் . வாசிக்கும்போது தோன்றும் குறைகளைக் குறித்துக்கொள்ளுங்கள் . வாசித்து முடித்த உடனே எடிட் செய்யத் தொடங்காதீர் . இரண்டுநாள் ஆறப்போடுங்கள் .

பிரதி வாசித்தல் தொடர்பாக சிறந்த புத்தகம் , எடுத்ததுமுதல் உங்களைக் கீழே வைக்க விடாது . எனவே எத்தனை முறை வாசிப்பை நிறுத்துகிறீர்கள் என்பதை கவனிக்கவும் . வாசிப்பில் சந்தேகம் வரும் இடங்களை அடிக்கோடிடுங்கள் . எடிட் செய்வதற்குமுன் குறிப்பிட்ட சப்ஜெக்ட் தொடர்பாக நீங்கள் பொதுவாகக் கொஞ்சம் படித்துத் தயாராகவும் .

எடிட்டிங் வழக்கமான ஒற்றுப் பிழைகள் , இலக்கணப் பிழைகளை முதலில் க்ளோபல் சர்ச் – ரீப்ளேஸ் வசதி கொண்டு களையவும் . இடம்பெற்றுள்ள ஆங்கிலப் பதங்களுக்கு ஸ்பெல்லிங் சரிபார்க்கவும் . பிறகு முதலிலிருந்து எடிட் செய்யத் தொடங்கவும் . அநாவசியங்களை முதலில் களையவும் .

எடிட்டிங் விடுபட்ட அவசியங்களைப் பிறகு சேர்க்கவும் . மொழியில் கன்சிஸ்டன்ஸி இருக்கிறதா என்று பார்க்கவும் . இல்லாவிட்டால் சரி செய்யவும் . ஒவ்வொரு தகவலையும் சரிபார்க்கவும் . ஒவ்வொரு தகவலுக்கும் ஆதாரம் இருக்கிறதா என்று கவனிக்கவும் .

எடிட்டிங் கொடுக்கப்பட்டுள்ள ஆதாரங்களின் நம்பகத்தன்மையை ஆராயவும் . ஏதாவது பகுதிகள் பிற புத்தகங்களிலிருந்தோ , இணையத்தளங்களிலிருந்தோ எடுத்தாளப்பட்டிருக்குமானால் , சம்பந்தப்பட்ட ஆசிரியரிடம் எழுத்துமூலம் அனுமதி பெறப்பட்டிருக்கவேண்டும் .

எடிட்டிங் விக்கிபீடியாவை ஆதாரங்களுக்கு முழுதும் நம்பாதீர் . அதில் பல தவறுகள் உள்ளன . காலவரிசை அறிய மட்டும் அதனைப் பயன்படுத்தலாம் . பிழைகள் களைந்து , தகவல்களை ஒழுங்கு செய்து முடித்தபிறகு பிரதியின் சுவாரசியத்தை கவனிக்கத் தொடங்கவும் . விறுவிறுப்பு இல்லாவிட்டால் வாசிக்கமாட்டார்கள் .

எடிட்டிங் விறுவிறுப்பின் அடிப்படை சொற்சிக்கனம் . நேரேஷனில் ஒரு லயம் வேண்டும் . கண்ணை மூடிக்கொண்டு மனத்துக்குள் ஒருமுறை ஓடவிட்டுப் பார்த்து , பிறகு அதை எழுத்தில் தரவும் . திருத்தி எழுதியதை வாய்விட்டு வாசித்துப் பார்க்கவும் . உச்சரிக்கத் திணறினால் அது செத்த வரி .

எடிட்டிங் இந்தப் பணிகளை முடித்தபிறகு மீண்டும் ஒருமுறை முழுதாகப் படிக்கவும் . மீண்டும் வேண்டாதவற்றை நீக்கவும் . இறுதியில் அளிக்கப்பட்டுள்ள ஆதாரங்களின் பட்டியலைச் சரிபார்க்கவும் . சந்தேகம் எழுந்தால் நூலாசிரியரை அழைத்து விசாரிக்கவும் . முழுக்க எடிட் செய்து முடித்தபிறகு மேலோட்டமாக மீண்டும் ஒருமுறை ஓட்டிவிட்டு ஆசிரியருக்கு அனுப்பவும் .

எடிட்டிங் ஆசிரியர்கள் பிரதியை ஒருமுறை முழுக்கப் படிக்கவும் . ஒரிஜினலையும் எடிட்டட் வர்ஷனையும் ஒப்புநோக்கியபடியே படிக்கவும் . பிறகு இறுதியிலிருந்து மீண்டுமொருமுறை எடிட் செய்யவும் . Fine Tune செய்யும்போது நூலாசிரியரின் மொழியையே பயன்படுத்தவும் . பிறகு ப்ரூப் திருத்த அனுப்பவும் . இத்தனைக்கும் பிறகு பிரசுரிப்பதில் தயக்கம் வருமானால் கண்ணை மூடிக்கொண்டு நிராகரிக்கவும் .

அட்டைப் படம் அடிப்படை மேனுஸ்கிரிப்ட் வந்ததுமே அட்டைப்படத்துக்கான யோசனையைக் குமரனிடம் தெரிவிக்கவும் . டிசைன் தினத்துக்கு ஒருநாள் முன்னதாகவே தலைப்பு , முன் – பின் அட்டை வாசகங்களை எழுதி ஓகே வாங்கவும் . தலைப்பு ஒன்றிரண்டு சொற்களுக்குமேல் வேண்டாம் . போட்டோ லைப்ரரியில் உரிய படம் கிடைக்காவிட்டால் மாற்று ஏற்பாடுகளை உடனே செய்யவும் . போட்டோகிராபர்களை அணுகவும் .

அட்டைப் படம் போட்டோ காப்பிரைட்டில் கவனம் அவசியம் . பத்திரிகை , இணையத்திலிருந்து கண்டிப்பாக எந்தப் படத்தையும் எடுக்காதீர் . படமே இல்லை என்றால் வெறும் எழுத்துகளைக் கொண்டே டிசைன் செய்யச் சொல்லவும் . டிசைன் பணி நடக்கும்போது நூலை எடிட் செய்த உதவியாசிரியரும் சம்பந்தப்பட்ட ஆசிரியரும் உடன் இருக்க வேண்டும் . உங்கள் யோசனைகளை குமரன் நிராகரித்தால் ஏற்கவேண்டும் . காரணம் கேட்டறிதல் அவசியம் .

ப்ரூப் கவனமாகப் படிக்கவும் எழுத்து , இலக்கணப் பிழைகளைச் சரி செய்யவும் வாக்கிய அமைப்பை கவனிக்கவும் ; பிரச்னை இருந்தால் சரி செய்யவும் . சுவாரசியம் குறையும் இடங்களைச் சுட்டிக்காட்டவும் . பிரதி போரடித்தால் உடனே வந்து சொல்லவும் .

இறுதியாக இவ்வளவுக்கும் பிறகு நூலில் குற்றம் குறைகள் சுட்டிக்காட்டப்படும்போது கவனமாக அதை மனத்தில் இருத்தவும் அடுத்த புத்தகத்தில் அந்தப் பிழைகள் இல்லாமல் அக்கறையுடன் பணியாற்றவும் ஒருமுறை நிகழ்ந்த தவறு அடுத்தமுறை நிகழாமல் பார்த்துக்கொள்ளவும் புத்தகம் அச்சான பின்பு ஷோரூமில் உள்ள பணியாளர்களிடமும் விற்பனைப் பிரதிநிதிகளிடமும் கருத்து கேட்கவும் .

�ݺ�ߣ

Editorial Rules

More Related Content

Editorial Rules