ºÝºÝߣ

New Washington, Aklan Philippines

Ano ka sa Akin Ika’y alpa… Dulot mong musika’y Umaaliw sa isapang balisa Talinghagang hatid saki’y isang panata… Ika’y tala… Ningning mo’y sandata sa gabing pusikit Sa dilim ng landas ay siya kong gamit Pantighaw sa nadaramang hirap at sakit. Ika’y anghel… Lamyos ng tinig mong namutawi Pangamba’t pag-aalinlanga’y pinawi Bagwis ng pag-asa’y kagyat na naghari. Ika’y hamog… Lanta kong kaluluwa’y iyong dinilig Nagbigay buhay at umantig Upang tigang na puso’y tubuan ng pag-ibig. Ika’y rosas… Bughaw na hardin sa dibdib Iyong pinawi’t tinigib Ng dalisay na kulay mong- Kulay ng pag-ibig..