More Related Content
What's hot (20)
More from Sopian Dalton (12)
Recently uploaded (9)
Acara bona taon borsak sirumonggur
- 1. I. HATA HUHUASI Mauliate ma di Tuhanta siala naung dilehon di hita hahipason sian taon 2019 sahat mahita nuaeng tu taon 2020 on. Anggiat manian hita saluhut pomparan ni Ompungta Borsak Sirumonggur nagabei. Tontong di bagasan hahipason mandalani ari-ari ni ngolungta taon 2020 on. II. Marende BE. No. 6: 1-2 "Puji Jahowa Nasangap" Puji Jahowa na sangap huhut marmulia Hamu sude na parroha na ringgas na ria Marpungu be, marolopolop sude Hamu sude manisia Puji Jahowa Sigomgom sude parluhutan Na manogihon ho songon niiring ni tangan Dohot hosam songon hombar tu roham Sai diramoti Ibana III. Jamita: Josua 24 : 15c "Alai Anggo ahu dohot donganku sajabu ingkon Jahowa do Oloan nami" U Tinggil do begeonta sadari on sada padan sian Bibel, buku na badia i na gabe Jamita di Bona Taon Borsak Sirumonggur ima Alai anggo auhu dohot donganku sajabu ingkon Jahowa do oloannami (Josua 24 : 15c). Marmula sian padan ni si Josua do i dohot donganna sajabu na mangerbang gabe padan ni donganna sabangso Israel. Nuaeng asa mangerbang i muse gabe padanta paboa na ingkon Jahowa do oloanta. A Tinggil do nang angka soara ni portibi on manjouhon asa oloanta i songon uju i tu bangso Israel di na tongon di pardalanan manuju tano Kanaan. Tinggil soara ni mammon nang sangap tano on mangela hita asa
- 2. olo toguonna lao lilu tu nadao, ima dao sian Debata, gabe marhaposan tu mammon nang sangap tano on, ndang be tu Debata. I Hombar tu hajongjongan ni Jamita on di turpuk panguhalanna, dijouhon do asa tangkas, togu, ture hasadaon ni bangso Israel niuluhon ni si Josua laho manghobasi Debata. Padan na marrumang konfesi on manghatindangkon paboa Israel songon bangso ni Debata ingkon holan mangoloi Jahowa do jala tung so manadingkon Jahowa laho mangoloi debata sileban. U Denggan do molo tauji pahebahebahon terjemahan ni ayat jamita on asa dapot pangantusion na umbidang. Dung di dolok Sinai, lam tangkas ma Israel songon bangso na tarpillit. Diptangkas do i marhitehite padan, ima nasida gabe bangso ni Debata jala Jahowa gabe Debata nasida. Gabe panindangion do i na sai mulak- ulak diparatarata asa sai tongtong imbaru padan i. Dibagasan upacara padan adong do aksi mambolongkon angka ulaula hasipelebeguon/ganaganaan/debata sileban dohot pasahathon angka pelean parsombaon tu Debata A Rongom do mara bolon na mangela hita di zaman on ima asa marhaposan tu arta portibi. Naboi madabu do hita tu dua pangalaho ima marhaposan tu Debata alai laos marhaposan tu arta portibi. Didok Jesus do ndang haoloan sada halak dua induk ! sai hosomanna do na sada, haholonganna do na sada nari, hombaranna do na sada, toisanna do na sada nari. Dang haoloan hamu Debata rap dohot mammon (Mat 6 : 21). Songondia ma na marhaposan tu arta portibi? Tapasobok ma jolo pandohan marhaposan tu arta portibi tu pandohan marhaposan tu hepeng. I Na marhaposan tu hepeng ima na manghobasi Sada Ulaon ala ni hepeng manang demi hepeng. Pos ni rohana manghobasi Sada Ulaon ima molo adong hepeng. Molo so adong hepeng ndang pos rohana. Pos ni rohana ndang tu Debata alai tu hepeng. Dohonon ma hepeng di rohana, rohana tu hepeng. Tongon ma i tu hata ni Jesus na mandok, Ai ia disi artam disi do roham(Mat 6 : 21). Lapatanna roha na mengabdi tu hepeng. Molo pangalaho na marsomba tu Debata ima mengabdi holan tu Debata. Na so jadi mengabdi tu hepeng. Ia hepeng pangkeon songon alat pengabdian tu Debata. Denggan ma lam godang luluan hepeng alai asa lam balga pengabdian tu Debata.
- 3. IV. Marende BE. No. 69 : 1-2 "Ungkap Bahal na Umuli" Jesus sai urupi hami Dohot di taon baru on Paimbaru gogonami Mangihuthon Ho tongtong Pasupasu ma muse Na porsea sasude Pingkiranku ulaonku Tau pasangap Ho ma i Dungo manang modom ahu Ho tongtong di lambungki Nang lao ruar masuk pe Ho ma donganki muse U Angka marga Israel marpungu, martukkar pikkiran asa marsada songon bangso ni Debata. Tubu sada hatopan di tonga-tonga ni angka marga i. Ndang asa dilebur saluhut marga i, alai asa rap marsomba tu Debata paboa bangso ni Debata nasida. Debata do pasadahon angka marga i, ndang sian gogo ni parmudaron manang ompu nasida. Debata do padomuhon, pardomuan di bagasan Debata. Sude sisada pangoloion tu Debata. Molo so sisada pangoloion tubu ma parbolatbolatan. A Sada tanda na mangoloi Debata ima mangaradoti patik ni Debata. Patik ni Debata ndada mangonjar asa tubu huaso ni sasahalak pemimpin manang kelompok. Mangaradoti patik ni Debata marondolan do i tu perikemanusiaan dibagasan ruang na masihaholongan dohot masiurupan. Asa diondolhon do parhahamaranggion, na so adong martirkettirket manang kelompok-kelompok, alai hasadaon na masihaholongan (Pah 3 Musa 19 : 17). Didok Jesus do, apala sian on ma tandaon ni halak saluhutna, hamu siseanku: molo masihaholongan hamu (Joh 13 : 35). I Molo nepotisme do, parmudaron, parmargaon dohot kepentingan diri na padomuhon, manang pardomuan dibagasan ni angka i, ndang sejati hasadaon i. Ndang dapot holong na polin di bagasan i. Ai mangurupi asa diurupi do. Tujuanna asa dapot na di rohana, jala tontu na dao umbalga sian na nilehonna. Na patut dihita songon angka naposo ni Kristus ima masiurupan laho pamajuhon Punguan Borsak Sirumonggur on (Pah Joh 15 : 13). V. Marende BE No. 807: 1-2 " Debata ma mandongani Ho" Debata ma mandongani ho Ro di na pajumpang sogot PangiringNa ndang mansohot Debata ma mandongani ho
- 4. Horas hita be horas be Sai pajumpang do hita muse Horas hita be horas be Tuhan mandongani hita be Debata ma mandongani ho Di linggoman ni habongNa Hangoluhon ma hataNa Debata ma mandongani ho Horas hita be horas be Sai pajumpang do hita muse Horas hita be horas be Tuhan mandongani hita be U Molo diserang bangso na asing sada marga ni halak Israel, pintor sada roha, sada sekutu sude marga mangalosa (Pah Jos 24 : 17). On ma sada hasadaon ni Pomparan Punguan Borsak Sirumonggur ima sisada partahanan mangalo musu na manahop. Sotung adong marsekutu tu musu na menyerang dongan sapunguan. Rap aloonta do manang ise na mambahen naso ture, na mangago daging dohot tondi. Molo adong na manegai Punguan on asa unang ture, ingkon rap paturehon do hita. A Ianggo musu pangansi do i, songon nidok ni Buku Ende nomor 272 : 2, Pangansi do musunta i sai songon na burju .......... Molo sala mangoloi hita jala mangoloi na sala ima angka na mangago donganta dohot do hita hona ansi disi, laos pangansi. Matua hapepeut do sundung ni na mangoloi si songon i. Alai molo Jahowa do taoloi sai hamonangan dohot tua do pangkorhonna tu hita, tu donganta, tu Punguanta. Tanda na mangoloi Jahowa ima sisada partahanan hita mangalo musu. Ia partahananta ondo : manolukhon hatigoran, haporseaon, hata ni Debata, mamaritahon dame (pah Ep 6: 14 17). I Tongon do hita nuaeng dipartingkian Mangadopi Taon 2020. On ma tingki na mansai denggan patuduhon hasadaonta. Marhite jala dibagasan Taon 2020 on naeng idaon ni sude Pomparan ni Borsak Sirumonggur nang portibion hita songon sada pasukan na bolon na sada derap langkah. Asa sada nasida saluhutna: songon Ho ale amang, dibagasan Ahu jala Ahu dibagasan Ho, songon i ma nang nasida dibagasan Hita, asa porsea portibi on, Ho marsuru Ahu (Joh 17:21). U Tontu hasadaonta asa mangerbang do tu hasadaon na umbidang, ndada holan dibagasan hita, alai asa dohot sisada hasadaon tu parsaoran di ber masyarakat. Ingkon Jahowa do oloannami ima padan sihatindangkononta
- 5. marhite na sisada hatopan hita marsomba tu Debata, na masihaholongan dohot masiurupan. VI. Marende BR. 753 : 1-2 " Dipardalanan Jesus di Ngolungku" Di pardalanan Jesus di jolongku Holong ni tanganMi manogu au Nang di ngolungku Ho do sombaonhu Tung sonang mardalan raphon au Huboto do tangkas panoguonMu Diiringiring Ho do langkangki Sahat rodi ujung ni pardalanhu Togu ma au jonok tu lambungMi Sipata lilu haporseaonhu Ni lilianan ni portibi on Alai dung Ho hutatap o Tuhanku Margogo do au di ngolungkon Huboto do tangkas panoguonMu Diiringiring Ho do langkangki Sahat rodi ujung ni pardalanhu Togu ma au jonok tu lambungMi VII. Tangiang-Pangondianon VIII.Koor Mars Borsak Sirumonggur IX. Marende BE No. 66: 1-3 "Debata Baen Donganmi" Debata baen donganmi, lao mangula ulaonmu Baen Ibana haposanmu sai paserep rohami Debata baen donganmi Debata baen donganmi Debata baen donganmi molo Debata donganmu Ndang tarbahen ho be lilu sai ture do langkami Debata baen donganmi Debata baen donganmi