More Related Content
What's hot (20)
More from Sopian Dalton (12)
Recently uploaded (9)
Acara natal simanjuntak 08122019
- 1. I. PANGARADEON Sude mambuat ingananna be dibagasan na hohom. Sude angka na mar-liturgi asa jumolo mangarade diri hombar tu liturgi na be. II. Joujou tu Parsombaon : (P : Protokol ; H : Huria) P : Di hamu dongan na sapunguan PSSI on, marpungu do hita muse di ari Minggu na gok las ni on. Selamat Advent-Natal ma di hita saluhutna! H : Selamat Advent-Natal ma tutu di hita sude! P : Advent,ima sian hata Latin "Adventus" lapatanna : "Managam haroro ni Tuhan Jesus Kristus". Antong, sihobasanta laho manomu haroroNa i ima : Parningotan ni Tuhan Jesus di Betlehem, panomuon diharoroNa paduahalihon dohot panjanghononta di ngolunta marsadasada. H : Ima tutu! Di huria na parjolo i pe mansai lehet do Advent-Natal di patupa, ima laho pauliulihon haporseaon tarlumobi "paubahon roha" asa marhaimbaruon di partondion i. P : Didok hata ni Debata di Joh. 8:12 "Ahu do Panondang ni portibi on. Na so tupa mardalan di na holom na mangihuthon Ahu; di Ibana do tahe Panondang hangoluan". Antong, taendehon ma BE. No. 172 : "O Jesus Panondang" (Ro ma na pagalak lilin laos marende ma sude ruas) O Jesus panondang di portibi on. Mula ni na torang tangi hatangkon. Sai asi rohaMu di pardosa on. Ho ma mangapuli au na marsak on. Pagalak Lilin : 1) Parjamita 4) Mewakili Boru 2) Penasehat 5) Mewakili Bere/Ibebere 3) Pengurus (Ketua) 6) Na Manjabui III. ACARA KEBAKTIAN 01.Marende BE. 45 : 1 - 2 "Hosianna Anak ni" - Hosianna Anak ni, Raja David ro tu hita, baen ture dalanna i, asa bongot tu rohanta. Baen ma gabagaba i, di Tuhanta na ro i. - Hosianna ro ma Ho, tu bagasan rohanami; Na manomunomu Ho, ale Jesus Tuhannami. Las do rohanami i, molo bongot Ho tusi. 02.Votum - Introitus : (U = Uluan, H = Huria) U : Marhitehite goar ni Debata Ama. AnakNa Tuhan Jesus dohot Tondi Parbadia.
- 2. H : Amen U : Tuhan Jesus Kristus do Anak ni Debata na ro tu portibi on pola gabe jolma tumopot hita manisia, asi ma roham di hami. H : Ibana do Sipalua dihita, sisombaon dohot si pujion. Antong di Ho ma ale Tuhan harajaon, hamuliaon dohot hasangapon saleleng ni lelengna. U : Martangiang ma hita : Ale Tuhan Raja ni saluhut do Ho, pujionnami ma goarMu marningot di silehonlehonMu na balga i, ima AnakMu Tuhan Jesus Kristus. Sai ro ma Ho jala ingani ma rohanami di na mar- Pesta Advent-Natal Punguan Simanjuntak Sitolu Sada Ina Anak, Boru/ Bere/ Ibebere se-Sektor BDB on. Parbadiai ma punguan on sian saluhut hahurangannami jala palua hami. Sai rajai jala togutogu ma hami marhitehite TondiM asa lam huantusi hami Ho do mual ni saluhut nasa na adong di hami. Pasuksukhon ma tu hami pasupasuM na godang i asa gok las ni rohanami marhitehite Anak haholongan ni rohaM Tuhan Jesus Kristus Tuhannami. Amen. 03. Marende BE. No. 41 : 4 "Las Situtu rohangku" Antong girgir ma hita/ Manomu raja i/ Mangungkap di Ibana/ Sandok rohanta i/ Denggan tabaen nuaeng/ Dalanna tu rohanta Na naeng pasonangonNa Tiur ma i tabaen. 04.Epistel Jesaya 2 : 1-5, songon on ma didok disi : U : On do hata na niida ni si Jesaya, anak ni si Amos tarignot tu Juda dohot Jerusalem. Masa do sogot di ujung nu angka ari : Hot disi dipaojak dolok ni bagas ni Jahowa di punsu ni angka dolok, jala huminsat sian angka robean, jadi marrongoman ma tusi sude angka parbegu, H : Jala torop angka bangso mandapothon tusi angka na mandok : Beta hita tanangkohi ma dolok ni Jahowa, tu bagas ni Debata ni si Jakkob, asa diajarhon tu hita angka dalanna, jala mardalani hita di angka lapangna. Ai marharoroan sian Sion do sogot patik i, jala sian Jerusalem hata ni Jahowa. U : Jadi manguhum ma ibana di tonga-tonga ni angka parbegu, jala toruanna torop angka bangso. Jadi patopahonon nasida ma podang nasida bahen gigi, jala hujur nasida bahen angka sasabi; ndang be sintahon ni bangso dompak bangso podang i jala ndang be guruhonon nasida parmusuon. H : Beta hamu, ale pinompar ni si Jakkob! Mardalani ma hita di hatiuron ni Jahowa. U : I ma sahatna : Martua do na tumangihon hata ni Debata jala na umpeopsa. Amen.
- 3. 05.Marende BENo. 44 : 1 "O Tondi Parbadia i" Hamuna na porsea i sai tomu Tuhan Jesus i pahehe rohamuna. Jonok do ari pesta ni saluhut huriaNa i, ima hatutubuNa. I pe hehe ma hamuna baen pantunna lao manjangkon, na manopot hajolmaon. 06.Liturgi Sekolah Minggu (Molo adong na ro) 07.Liturgi I : Perenungan ni barita Panompaon 1) ......................... Debata do mula ni nasa na adong, jala Ibana do nampuna saluhutna. Didok di Joh. 1 : 1-2. Di mulana i nunga adong Hata i, jala saor tu Debata do Hata i, jala Debata do Hata i. I ma na saor tu Debata di mulana i. 2) ......................... Dung ditompa Debata langit dohot tano, jadi ditompa ma na tiur. Ndang sian mata ni ari haroroni na tiur i, jala ndang sian bulan manang bintang, ai andorang so adong dope panondang nunga ditompa Debata na tiur sian dirina sandiri. Na tiur do jumolo dijadihon Debata, asa tiur saluhut. Jala dibagasan hatiuron ditompa Debata saluhut jadijadianna i. 3) ......................... Nunga denggan na tiur i diida Debata, jadi dibahen Debata ma parsirangan ni na tiur sian na holom. Dung i digoar Debata ma na tiur i arian, goar ni na holom i borngin. Dung i bot ma ari, torang ma ari muse, ima ari parjolo. 4) ......................... I ma na tinompa ni Debata di ari parjolo. Di ari parjolo i masa do na tiur dohot na holom. Na marsorin do na dua i, ima arian dohot borngin. Alani i ndang adong dope mata ni ari dohot bulan disi. Alani i, ndada pergeseran ni mata ni arian gabe suhatsuhat ni arian dohot borngin di tingki i, alai sian huaso ni Debata do. 5) ......................... Na martahap-tahap do panompaon ni Debata hombar tu lomo ni rohaNa. Di ari parjolo nunga ditompa langit dohot tano dohot na tiur, alai ndang singkop dope holan i. Ingkon udutan ni Debata dope manompa dohot manjadihon angka na hinalomohon ni rohana, asa uli jala renta saluhutna. 6) ......................... (1 Musa 2:4-5) Songon i ma panjadijadi ni langit dohot tano, di na tartompa angka i, di ari panompaon ni Debata Jahowa di tano dohot langit. Tagan so adong dope di tano on nasa ramba, jala tagan so martumbur dope nasa bulungbulung di ladang, ai ndang dope diparo Debata Jahowa
- 4. udan tu tano on, jala ndang adong dope jolma na mangula tano i. 7) ......................... (1 Musa 2:6-7) Alai martimpul ma uap sian tano on, gabe dibornohi sandok sisik ni tano on. Dung i dijadihon Debata Jahowa ma jolma i sian orbuk ni tano on jala diullushon tu bagasan bungbung ni igungna hosa hangoluan i, gabe martondi na mangolu jolma i. 8) ......................... (1 Musa 2:8-9) Dung i dipungka Debata Jahowa ma sada porlak di Eden tartungkan habinsaran, jadi tusi ma dibahen jolma na jinadihonna i.Dung i dipantubuhon Debata Jahowa ma sian tano i nasa hau, angka na denggan idaon, jala tabo panganon, ro di hau hangoluan na di parsitongaan ni porlak i, nang hau parbinotoan ni na denggan dohot na roa. 08.Marende BENo. 565 : 2 "Las rohangku lao mamuji" Sude jadijadianMu, laut, tano, langit i, Angka bintang dohot bulan nang mata ni ari i. Hauma, ladang, nang harangan, rura dohot dolok i, Saluhut na mangendehon sangap di Tuhanta i. 09.Liturgi II : Hadadabu ni jolma tu dosa 1) ......................... Disarihon Debata do di jolma na parjoloi nasa na porlu di nasida. Rade do sipanganon dohot di ngolu siganupa ari, alai nang pe songon i sai tong dope marnahurang nari di nasida. Alani i ma ro sibolis mangunjuni jomla i asa madabu tu bagasan dosa dohot hamagoan. 2) ......................... (1 Musa 3:1) Alai ulok do na umbisuk sian nasa na manggulmit di ladang, angka na jinadihon ni Debata Jahowa, jadi didok ma mandok boruboru i : Atehe tongon do didok Debata, na so jadi panganonmuna sian saluhut hau angka na di porlak on? 3) ......................... (1 Musa 3 :2-3) Dung i ninna boruboru i ma mandok ulok i : Jadi do panganonnami sian parbue ni hau angka na di porlak in. Alai anggo sian parbue ni hau, na di parsitongaan ni porlak i didok Debata do : Unang pangan hamu sian i, jala unang jama hamu, asa unang mate hamu. 4) ......................... (1Musa 3:4-5) Dung i ninna ulok i ma mandok boruboru i : Ndang na tutu hamu mate. Ai diboto Debata do, sadari dipangan hamu sian i, tonggor ma matamuna, gabe doshon Debata hamu umboto na denggan dohot na roa. 5) ......................... Dung i sai dipanotnoti boruboru i ma parbue ni hau i dibahen dengganna panganon jala poa matana marnida,
- 5. jala tau manunggul roha tu hapistaran hau i, jadi diputikkon sian parbuena i jala dipangan, dilehon ma dohot tu sinondukna sian i, gabe dipangan. Dung i tonggor ma mata nasida na dua, diboto ma na marsaemara nasida, gabe disomoti ma bulung ni hau ara bahen sabuknasida. 6) ......................... Ala naung mardosa jolma i gabe masa angka sahit dohot angka lan sitaonon na bernit saleleng mangolu. Masa nang angka parsoalan dohot porang nang angka parsalisian. Saluhutna i mangkorhon siak ni bagi, jala ujungna ingkon mate ma jolma i siala ni dosa i. 7) ......................... Alai nang pe di uhum Debata jolma i. Tong do sai didatdati jolma i mardosam ndang parduli nasida di hasintongan. Nang pe disuru Debata angka panurirang manghatahon, ndang diulahon nasida, baliksa tahe dilele jala dibunu nasida. 8) ......................... Alai ndang dipasombu Debata jolma i mago dibagasan dosa, ai ninna do, ndang lomo rohangku mida hamatean ni parjahat, alai mulak ma nian parjahat i tumadinghon dalanna asa mangolu ibana. 10.Marende BENo. 174 : 3 "Torop dope na siat i" Pardosa ho didok roham, na so tama be dohot? Ndang pola ala ni dosam umbaen na sundat bongot. Ai nunga sae do dosami digarar Tuhan Jesus i. Naung sae, naung sae, naung sae do dosami. 11.Liturgi III : Bagabaga ni Debata taringot tu Sipalua i 1) ......................... (Jes. 40:3) Soara ni na joujou di halongonan: Pauli hamu dalan di Jahowa; patigor hamu di adaran dalan balobung di Debatanta. 2) ......................... (Jes. 40:4) Ingkon gohan do nasa rura, jala parejeton nasa dolok dohot buntulbuntul, jala gabe na hornop do na marnangkok tuat, jala gabe rura tanggurung ni dolok. 3) ......................... (Jes. 9:5) Ai nunga tubu di hita sada posoposo dilehon tu hita sada Anak, pampe tu abarana do sogot harajaon, jala bahenonna goarna: Sipartahi Halongangan, siulubalang ni Debata, Ama saleleng ni lelengna, Raja ni hadameon. 4) ......................... (Jes. 9:6) ahen hagaganda ni harajaon dohot hadameon na so marujung di habangsa ni si Daud dohot di harajaonna i, pahothon dohot patoguhon marhitehite patik
- 6. dohot hatigoran, olat nion ro di salelenglelengna. Hamuruhon ni Jahowa Zebaot patupahon songon i. 5) ......................... Dung i ruar ma sada tunas sian tungko ni si Isai, jala marparbue sada tubis na tubu sian uratna. Jadi songgop ma tu ibana Tondi ni Jahowa, Tondi ni habisuhon dohot hapistaran, Tondi ni panuturion dohot hagogoon, TOndi ni parbinotoan dohot biar maradophon Jahowa. 6) ......................... (Jes. 60:1-2) Hehe ma ho! Marsinondang ma ho! Ai na ro ma panondangmu, jala hamuliaon ni Jahowa binsar di atasmu. Ai ida ma, haholomon do manghungkupi tano on, jala hagolapon angka bangso; alai na binsar ne ma Jahowa di atasmu, jala marsinondang hamuliaonna di atasmu. 7) ......................... Alai anggo ho, ale Betlehem Epratam mametmethu do ho nian anggo tung pola jujuron tu angka huta marriburibu di Juda; hape sian ho do haroroan ni na gabe panggomgomi di Israel, jala angka haroroanna sian na hinan, sian angka ari na robi salelenglelengna. 8) ......................... (Sak. 9:9) Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina. 12.Marende BENo. 605 : 1 "Las ma roham" Las ma roham Tuhanta ro, gumonggom sasude. Ungkap roham, jangkon rajam marende ma sude, marende ma sude, marende, marende ma sude. 13.Liturgi IV: Barita hatutubu ni Sipalua i (Injil Matius 1 : 18-25) 1) ......................... Ianggo hatutubu ni Jesus Kristus songon on do : Uju oroan ni si Josep i dope inana, si Maria i, gabegabean do ibana sian Tondi Parbadia, andorang so masipadonohan dope nasida. 2) ......................... (Mat. 1 : 19) Ala parroha na bonar si Josep, na mangoro si Maria, ndang adong rohana paurakkon nasida, gabe ditahi rohana nama, naeng sirangkononna songon i. 3) ......................... Alai di na songon i dope tahi ni rohana, diida ma di nipina surusuruan ni Tuhan i, na mandok tu ibana : O Josep, anak ni si Daud, unang alang roham mangalap si Maria, gabe donganmu saripe muse, ai na sian Tondi Parbadia do na naeng tubu di ibana.
- 7. 4) ......................... (Mat. 1:21-22) Tumubuhon Anak ma ibana; Jesus do Goarna, bahenonmu, ai paluaonna do bangsona sian angka dosanasida be. Masa pe sudena i, asa jumpang na hinatahon ni Tuhan i marhite sian panurirangna na mandok: 5) ......................... (Mat. 1:23) Ida hamu ma, gabegabean do na marbaju i, tubuan Anak ma ibana; jala bahenon do Goarna Immanuel, lapatanna: Donganta ma Debata! 6) ......................... Jadi dung tarsunggul si Josep, dioloi ma hata ni surusuruan ni Tuhan i : Saut ma dialap na niolina i. Alai 14.Marende BENo. 54 : 1-2 "Sonang ni bornginna i" 1. Sonang ni bornginna i Uju ro Jesus i Sonang modom do halak sude Holan dua na dungo dope Mangingani AnakNa Jesus Tuhantai 2. Denggan ni bornginna i Uju ro Jesus i . Tu parmahan di Betlehem i.Dipaboa na di surgo i Nunga ro Sipangolu Jesus Tuhanta i 15.Liturgi V : Pangaradeon ni jolma i laho mangihuthon Ibana di haroroNa i 1) ......................... (Pgk. 1:7-8) Ida ma, na ro ma Ibana di bagasan ombun! Idaon ni nasa mata do Ibana, nang angka naung manullang Ibana, gabe mangangguhi be ma saluhut bangso ni tano on mida Ibana. I ma tutu. Amen. Ahu do Bonana jala Ujungna, ninna Tuhan Debata, Debata nuaeng, Debata naung adong hian, na naeng ro i, Sigomgom saluhutna! 2) ......................... (Pgk. 3:10) Ai diradoti ho do hata habengeton na sian Ahu; Ahu pe, ramotanku ma ho di ari pangunjunan na naeng ro tu liat portibi on, mangunjuni angka na mangingani tano on. 3) ......................... (Pgk. 3:21-22) Padirionku ma tu na monang i hundulan di habangsangku rap dohot Ahu; songon Ahu, dung monang, hundul rap dohot Damang di habangsana i. Ditangihon na marpinggol ma na nidok ni Tondi i tu angka huria! 4) ......................... (Pgk. 20:14-15) Dung i didabu ma hamatean dohot banua toru tubagasan laut api i. I ma hamatean na paduahon; laut api i do i. Manang ise na so jumpang tarsurat di buku hangoluan i, i ma didabu tubagasan laut api i. 5) ......................... (Pgk. 21:1+4) Dung i huida ma banua ginjang na imbaru dohot tano na imbaru, ai nunga salpu banua ginjang na parjolo dohot tano na parjolo i; laut i pe ndang adong be. Jadi apusan ni Debata ma nasa iluilunasida sian matanasida:
- 8. Ndang adong be hamatean nang arsak ni roha; nang angguhangguk, nang na hansit, ndang disi be; ai nunga salpu na parjolo i! 6) ......................... (Pgk. 21:6-7) Laos didok ma tu ahu: Nunga saut! Ahu do Parjolo jala Parpudi, Bonana jala Ujungna. Lehononku ma tu na mauas sian mual aek hangoluan i, so pola tuhoron! Teanon ni na monang i ma saluhutna; jala Ahu gabe Debatana, ibana gabe anakku! 16.Marende BENo. 48 : 1 "Ria ma hita sasude" Ria ma hita sasude mamuji Debata Girgir ma parendenta be Ai i do na tama Ai i do na tama 17.Tangiang Pangondianon : 18.Marende BENo. 46 : 1 + 6 "Na sian ginjang do Au ro" BL.33 Na sian ginjang do au ro Barita na imbaru do Huhut na uli situtu Huboan tu sude hamu Boti didok barita i Tinongos tu parmahan i Tu nasa hajolmaon pe Ditongos Debata dope 19.Jamita : 20.Marende BENo. 591 : 1 "Boru Sion" Boru Sion las roham las roham Jerusalem Ai na ro do Rajami padamehon ho tongtong Boru sion las roham las roham Jerusalem Anak Daud ro ma Ho, pasupasu bangsoMon HarajaonMu hot tongtong dame ma di tano on Hosianna ro ma Ho, pasupasu bangsoMon Hosianna ro ma Ho, Masuk Ho tu rohangkon Baen mardame tondingkon lao manjangkon haroroM Anak Daud ro ma Ho, Masuk Ho tu rohangkon 21.Tangiang Pelean/ Ale Amanami/ Pasupasu. Amen....Amen...Amen... 22.Masijalangan SELAMAT HARI NATAL 25-26 DESEMBER 2019 & TAHUN BARU 01 JANUARI 2020