EDUKASYON SA PAGPAPAKATAO - GRADE 8 \ PAKIKIPAGKAPUWATAO
- 1. Kapuwa Natin, Kasama sa Pag-unlad ng Ating Pagkatao Edukasyon sa Pagpapakatao GRADE 8
- 2. Mga Layunin Natutukoy ang mga taong itinuturing niyang kapwa, Nasusuri ang mga impluwensya ng kanyang kapwa sa kanya sa aspektong intelektwal, panlipunan, pangkabuhayan, at pulitikal, at Nahihinuha na ang pagiging ganap niyang tao ay matatamo sa paglilingkod sa kapwa - ang tunay na indikasyon ng pagmamahal.
- 3. Sa paghakbang ng isang nagdadalaga o nagbibinata patungo sa paglago bilang tao, unti unti na siyang nabibigyan ng kalayaan ng kaniyang mga magulang sa pagpili ng kaniyang mga kaibigan. Ang panahong ito ang naghuhudyat sa kanila na hindi na sila bata, ngunit, hindi parin naman mga dalaga o binata. Ito ang sinasabi ng mga sikolohista na identity crisis. Sa kalagayang ito, nagiging matindi ang kanilang pangangailangan sa pakikipagkapuwa. Dala na marahil ang pangangailangang ito ang kanilang paghahanap ng sagot sa maraming katanungan at pagtataka sa ilang pagbabago na nagaganap sa katawan at kaisipan. Sa ganitong kondisyon, marapat na ang kapuwa na makaiimpluwensiya sa kanila ay may wasto ring pagnanais na mapabuti ang lahat ng aspeto sa kanilang buhay.
- 4. Ang impluwensiyang maidudulot sa isang kabataang tulad mo ay maaaring tumutukoy sa mga sumusunod: intelektuwal, panlipunan, pangkabuhayan, at politikal. Ang lahat ng mga nabanggit ay siguradong mararanasan natin sa ating buhay, kayat mabuti kung wastong impluwensiya ng kapuwa ang iyong makukuha.
- 5. Mga Aspeto ng Impluwensiya ng Pakikipagkapuwa
- 6. Ang Impluwensiyang Intelektuwal Ayon kay Mehta (2013), ang mga kaibigan ng isang mag-aaral ay nakaiimpluwensiya sa kaniyang marka, higit sa impluwensiya ng kaniyang mga magulang. Gamit ang mga salita ni Vera Borukhov, isang guro, sinabi ni Mehta na, Ang mga kabataang may positibong panlipunang buhay, ay kadalasang mataas ang gawaing pang-akademiko. Kapag nakikita ng mga bata na ang kanilang mga kaibigan ay mahilig sa mga gawaing pampaaralan, malamang na magpupunyagi siya sa gawaing pang-akademiko upang makasunod siya sa naabot na mataas na marka ng kaniyang mga kaibigan. Kapag ang isang batang nakatatanggap dati ng katamtamang marka, ay biglang napasama sa isang kaibigang nasa honor roll, malamang na biglaang tataas din ang kaniyang marka dagdag na paliwanag ni Mehta.
- 7. Ang Impluwensiyang Panlipunan Ang impluwensiyang panlipunan ay ang epekto ng isang tao sa paniniwala o ugali ng iba. Mayroong tatlong aspeto ng impluwensiyang panlipunan
- 8. Aspeto ng Impluwensiyang Panlipunan Impluwensiyang panlipunan kung saan ang mga tao ay nagbabago ng pananaw o ugali upang sumunod sa umiiral na sosyal na pamantayan. Isang porma ng sosyal na impluwensiya na may direktang kahilingan mula sa ibang tao patungo sa iba. Isang porma ng sosyal na impluwensiya kung saan ang isang tao ay tuwirang nag-uutos upang isagawa ang mga tiyak na kilos.
- 9. Ang Impluwensiyang Panlipunan Ang impluwensiyang panlipunan ay katulad sa peer pressure, kung saan ang epekto nito ay mula sa ibang tao. Dahil dito, ang impluwensiyang panlipunan ay maaaring magkaroon ng positibo at negatibong bunga.
- 10. Ang Impluwensiyang Pangkabuhayan Ang kadalasang napag-uusapan sa impluwensiyang ito ay may direktang kaugnayan sa kakayahang pinansiyal ng pamilya sa mga kabataan. Sa obserbasyon ng marami, ang nagsisilbing bigkis sa pagsasama-sama ng mga kabataan ay naaayon sa kani-kanilang kakayahang pinansyal. Ito ay napatunayan sa isang pag-aaral nina Hjalmarsson at Mood (2015)
- 11. Ang Impluwensiyang Politikal Sa artikulong How Family Communication Can Influence Our Political Identities, sinabi ni Hoffman (2012) na sa hapag-kainan pinag-uusapan ng pamilya ang isyu sa politika. Binibigyang diin ni Hoffman na , anomang uri ng komunikasyon ang ginagamit ng pamilya - kung ukol man sa pamahalaan o hindi, ay maaaring magkaroon ng impluwensya sa pagkiling nito sa politika. Nadala tayo sa kapaligirang politikal, ayon kay Hoffman, sa pamamagitan ng paaralan, mga kaibigan, at ng media. Ang komunikasyong pam-pamilya, na hinihimok ang mga anak na maghayag ng opinyong politikal ay mas maalam sa mga pampublikong pangyayari, dagdag ni Hoffman.
- 12. Gawain 1: Kilalanin ang Sarili Panuto: Suriin kung ang mga katangian o gawi ng isang taong mabuting makipagkapuwa ay nasa iyo. Lagyan ng tsek () ang sagot na angkop sa iyo. Bilangin ang nilagyan mo ng tsek sa Nasa Iyo Ba Ito? Kung ito ay 15 pataas, mahusay ang iyong kakayahang panlipunan. Kung 10 hanggang 14 naman ang iyong nakuha, kaunting sikap pa sa pagpapaunlad ng iyong kakayahang panlipunan. Kung 9 pababa, higit na pagsasanay pa ang iyong kailangan. Sa ganitong pagkakataon, hayaan mong malinang ang iyong kakayahang panlipunan sa pamamagitan ng impluwensiya ng iyong mga kaibigang mataas ang antas ng kakayahan sa pakikipgkapuwa.
- 13. Gawain 2: Pagsasanay Panuto A: Basahin ang bawat pangungusap. Isulat sa patlang ang tiyak na salita o mga salitang inilalarawan sa bawat bilang. 1. Impluwensiyang ukol sa kakayahang kumita para sa pangangailangang ekonomikal. ____________ 2. Bagay na ginagawa ng tao na nagpapatunay na siya ay panlipunang nilalang. _________________ 3. Impluwensiya na naging epekto ng isang tao sa paniniwala o ugali ng iba. ____________ 4. Uri ng impluwensiyang kung saan interesado ang tao sa mga isyu ukol sa pamahalaan, mga kandidato, eleksyon, at iba pa. _______________ 5. Uri ng impluwensyang nagkakaroon ng inspirasyon mula sa kapuwa upang maging mahusay sa gawaing pang-akademiko. _____________
- 14. Panuto B: Ipaliwanag sa loob ng dalawa o tatlong pangungusap kung bakit mahalaga ang impluwensiyang intelektuwal, panlipunan, pangkabuhayan, at politikal sa pag-unlad ng pagkatao ng isang kabataang tulad mo.
- 15. PT in EsP 8 Unang Task - Gamit ang dayagram, isulat ang pangalan ng iyong naging kaibigan at kasalukuyang kaibigan na nakaimpluwensiya sa iyo pati narin ang uri ng naging impluwensiya nila sa iyo. Isulat ang kanilang pangalan sa ilalim ng uri ng impluwensiya,at sa tapat ng pangalan, ang mga tiyak na katangiang natutuhan mo sa kanila. Pamantayan: Presentasyon 10 Pagkamalikhain 10 Organisado 10
- 16. PT in EsP 8 Ikalawang Task - Magbalik-tanaw sa mga panahong nangangailangan ka ng tulong na maaaring natugunan ng alinman sa mga aspeto ng mga impluwensiyang napag-aralan sa araling ito. Sino ang taong iyon na naglingkod sa iyo? Pagnilayan kung ano ang maaaring nangyari kung hindi ka nakatanggap ng tulong mula sa taong iyon. Isulat ang iyong napagnilayan sa nakalaang kahon. Magdikil din ng larawan ng iyong kaibigan na nagkaroon ng malaking impluwensiya sa iyo. Pamantayan: Presentasyon 10 Pagkamalikhain 10 Organisado 10
- 18. PT in Araling Panlipunan 8 Ikaw ay isang modernong historyador na naatasang gumawa ng malikhaing gawain upang maipakita ang kagandahan ng Kabihasnan ng Roma. Gumawa ng flyers upang maipamahagi sa mga turista na nais bumisita dito. Pamantayan: Presentasyon 10 Pagkamalikhain 10 Organisado 10