More Related Content
What's hot (20)
Similar to ML.KomunikasyongLokalAtGlobalSaMultikulturalNaSetting.pptx (20)
Recently uploaded (20)
ML.KomunikasyongLokalAtGlobalSaMultikulturalNaSetting.pptx
- 1. Komunikasyong Lokal at Global sa Multikultural na Setting
- 2. Napakalawak na termino ang salitang kultura. Hindi ito maaaring ikahon sa iisang depinisyon gaya ng wika. Sa pangkalahatan, ang popular na kahulugan nito sa Ingles ay way of life o paraan ng pamumuhay sa Filipino. Halos lahat sa buhay ng tao ay maaaring saklawin ng kultura. Tinatawag din itong kalinangan sa ibang pananalita.
- 3. Ang Malayuning Komunikasyon ay para sa pagkakaroon ng malawak, malalim at mataas na pagtanggap sa pagkakaiba-iba ng kultura ng bawat tao, bansa, lahi at iba pang pagtatalaytay sa daigdig. At dahil malawak ang kultura, tiyak na may mga baha- bahagi ito. Sa kabuuan, ang kultura ay sistema ng kaalaman, paniniwala, kaugalian, pagpapahalaga, tradisyon, katangian at artifacts na namamana, pinagsasaluhan at isinasabuhay ng mga miyembro ng isang partikular na lipunan.
- 4. MGA KATANGIAN NG KULTURA 1. DINAMIKO Gaya ng wika, patuloy na nagbabago ang kultura dahil sa pabago-bagong panahon at henerasyon. Hindi maaaring maging stagnant ang isang kultura sapagkat hindi ito mabubuhay sa habampanahon. Kalikasan nito ang patuloy na magbago sapagkat realidad na walang permanente sa mundo kundi ang pagbabago.
- 5. MGA KATANGIAN NG KULTURA 2. NAIPAPASA Bagamat patuloy itong nagbabago, may kulturang mananatili. Ito ang patuloy na ipapasa-pasa sa ibat ibang salinlahi. Patuloy itong isasabuhay ng mga taong lumaki at namulat sa kulturang ito.
- 6. MGA KATANGIAN NG KULTURA 3. PINAGSASALUHAN May partikular kang kinaaniban kung bakit ganito o ganiyan ang kulturang dala-dala mo. Hindi ka basta nabuhay at/o mabubuhay na hindi mo yayakapin ang kultura kung saan ka nanggaling. Bagamat yunik o natatangi ang bawat nilalang, isang katotohanang ang kulturang taglay mo ay maaaring maimpluwensiyahan ng iyong pamilya, lipunan, kaibigan, paaralan, bansa, lahi at iba pang kategorisasyon sa buhay. Ang kultura ay pangkalahatang kaalaman. Nakukuha o naipapasa ang kaalaman, materyal na bagay at kaugalian dahil sa pakikisalamuha. Nakapaloob din dito ang idea, ugali, kinasanayang gawin at ano pa mang bagay.
- 7. MGA HALIMBAWA NG KULTURANG PILIPINO 1. Pagdiriwang ng pista 2. Pagmamano 3. Mga pamahiin sa patay 4. Pamamanhikan 5. Simbang gabi
- 8. Dahil malawak ang kultura, lilitaw at lilitaw ang tinatawag na kapuwakultura o ka-kultura o co-culture o sub-culture sa Ingles. Tinatawag na subkultura ang kultura sa loob ng mismong kultura o yaong mula ito sa pangkalahatang kultura subalit may nilalandas na kaibahan. Karagdagan, ito rin ay bahagi ng isang lipunang may pinagsasaluhang magkakaibang pag-uugali, kinagawian, paraan ng pag-iisip, pakiramdam at pagkilos na nakadepende sa kung anong pamamaraan o pagkakakilanlan mayroon ang mas malaking lipunan. KAPUWAKULTURA O KA-KULTURA
- 9. MGA HALIMBAWA NG KAPUWAKULTURA 1. Mga half-half 2. Mga PWDs (Persons with Disabilities) o PDA (Persons Differently Abled) 3. Mga LGBTQI (Lesbian, Gay, Bisexual, Transgender, Queer, and Intersexual) 4. Mga matatanda 5. Mga jejemon
- 10. MGA ESTRATEHIYANG GINAGAMIT NG SUB-KULTURA UPANG MAPABILANG 1. Asimilasyon sistema na ang sub-kultura ay nagtatangkang isabuhay at/o maiakma ang sarili sa mas dominanteng kultura. - Ito rin ay isang prosesong ipinagpapaliban ng tao ang sariling tradisyon upang maging bahagi ng ibat ibang kultura. Ito ay karaniwang gawi ng minoryang miyembro ng pangkat na gustong sumunod sa pamantayan ng nakakarami.
- 11. Mga Halimbawa ng Asimilasyon: Sa Hapon, may mga kaugaliang inaalis ang sapin sa paa tulad ng tsinelas o sapatos kapag papasok ng bahay. Upang makaangkop ang mga taong hindi ito inuugali at gustong manirahan dito, kinakailangan nilang gawin ang ganitong kaugalian. Pagsuot ng Barong Tagalog ni Ryan Bang na isang Koreano ay ilan lamang sa mga halimbawa ng asimilasyon.
- 12. 2. Akomodasyon sistema kung saan ang sub-kultura ay pinananatili ang sariling pagkakakilanlan ngunit pinananatili ang magandang ugnayan sa mas dominanteng kultura. - Ang akomodasyon ay isang proseso ng akmang pagsang-ayon sa pagitan ng mga tao o pangkat. Ito ay karaniwang natatamo sa pamamagitan ng pagtatanggal o pagbabawas ng poot sa pamamagitan ng pagkakasundo o arbitrasyon.
- 13. Halimbawa ng Akomodasyon: Kung may away sa barangay ay maaaring pag-usapan ito sa pamamagitan ng kapitan ng barangay. Kung mas malaki naman tulad ng salang pagpatay, pag-uusapan ito sa korte. Kung sa paaralan naman, magsisilbing tagapagkasundo ang guro sa magulong klase niya at kapag nag-away ang mga mag-aaral at humantong sa pagsusuntukan ay kakausapin sila ng Guidance Counselor. Kung sa bahay naman ay maaring pagbatiin ang mga nakakabatang kapatid ng panganay na anak. Puwede rin namang disiplinahin sila ng kanilang magulang.
- 14. 3. Separasyon sistema kung saan ang sub-kultura ay nilalagyan ng pader at/o harang na makisalamuha sa mas dominanteng kultura. Halimbawa: Katoliko at Ibang Relihiyon
- 16. ETNOSENTRISMO Ang tendensiyang pangatawanan na mas superyor ang sariling kultura kaysa sa iba ang tinatawag na etnosentrismo. Bawat kultura ay nagpapakita ng kani-kanilang pag- uugali na natatangi sa iba. Mahirap mauunawaan ang kanilang mga kinasanayan at paniniwala kung ihahambing natin ito sa mas malawak na kulturang kanilang kinabibilangan. Ang kultura ay kailangang pag-aralan nang nakabatay sa sariling pagpapakahulugan at paniniwala ng isang pangkat.
- 17. Sinisikap ng mga sosyologo na iwasang magkaroon ng enthnocentrism, ito ay ang panghuhusga sa isang kultura dahil naiiba ito sa kinasanayan natin. Dahil sa pagkakaibang ito, mahirap para sa ating tanggapin ang kanilang mga idea at kinasanayan. Sa Sociology, kailangan nating alisin ang piring upang maunawaan ang iba't ibang kultura nang walang kinikilingan.
- 18. Ang sociologist na si William Graham Sumner (1906) ang nakadiskobre ng salitang ethnocentrism na tumutukoy sa pag-iisip na ang isang kultura at ang kanilang paraan ng pamumuhay ay ang dapat na sundin at ito ang lubos na nakakaangat sa iba. Ang ethnocentric na tao ay ginagawang batayan ang kinabibilangang pangkat upang makabuo ng kahulugan ng kultura at tingnan bilang paglayo sa "normal" ang iba pang kultura.
- 19. Mga Halimbawa: 1. Tinitigan ni MJ ang mga naka-two piece bathing suit dahil hindi niya maatim ang suot ng mga ito. 2. Balot na balot kung manamit ang mga bagong lipat dahil nanggaling sila sa Mindanao. 3. Pinagtawanan ng mga bata ang isang Muslim na nananalangin. 4. Pinatanggal kay Aling Rosa ang mga rebulto ni Sta. Maria sa kanilang bahay dahil ang biyenan niya ay kabilang sa Born Again. 5. Hindi na naligo si Amy sa dagat dahil kailangang magsuot ng bikini sa California.
- 20. RELATIBISMONG KULTURAL Katumbalikan naman ng etnosentrismo ang relatibismong kultural na ang ibig sabihin ay ang pagtanggap sa ibang kultura bilang kahanay at/o kapantay ng sarili. Ang panghuhusga sa isang pangkat dahil sa sarili nitong pamantayan ay tinatawag na cultural relativism. Ang ethnocentrism ay ang pagbuo ng kongklusyon na ang sariling kultura ay ang dapat na sundin at hindi ang ibang pangkat habang ang cultural relativism ay inuunawa ang mga kagawian ng ibang tao mula sa pagtingin sa sariling kultura. Binibigyan nito ng karapatan ang isang kultura at hindi nililimita sa mga salitang "kakaiba" o "dayuhan."
- 21. Ang cultural relativism ay nagbibigay-diin na ang pagkakaiba-iba ng mga kultura ay nagdudulot ng iba-iba ring interpretasyon kung ano ang karaniwan at dapat paniwalaan. Dahil dito, kailangan nating pag-aralang mabuti ang mga kagawian sa kinabibilangan nating kultura. Gayun pa man, hindi sinasabi ng cultural relativism na tanggapin natin agad ang pagkakaiba-iba ng mga kultura. Nangangailangan ito ng malaliman at walang kinikilingang interpretasyon sa mga nakagawian, paniniwala at tradisyon upang maunawaan ang natatangi nilang kultura.
- 22. Mga Halimbawa: 1. Nagmamano ang mga Filipino sa matatanda. 2. Kapag nagsasalita, nakagawian nating gumamit ng po at at opo. 3. Napagalitan si Marie dahil nagwalis siya kagabi. 4. Pinaalalahanan si Nita ng kaniyang lola na magpagpag bago umuwi sa kanilang bahay. 5. Hindi kumakain ng dinuguan ang pamilya ni Chris dahil bawal ito sa kanilang relihiyon.
- 23. Pilosopiyang Mel-Pot vs Pluralismong Kultural
- 24. Cultural Pluralism Tinutukoy ng cultural pluralism ang mga lipunang tanggap ang dalawa o higit pang magkakaibang pangkat na may iba-iba at pantay-pantay na tungkulin na hindi nangangailangang maging bahagi ng ibang lipunan. Ang bawat pangkat na ito ay kadalasang bunga ng hindi pagsang-ayon na mapabilang sa isang nakakataas na kultura upang mapanatili ang kanilang sariling lipunan. Maaaring ipahayag ang cultural pluralism sa pormulang ito A+B+C = A+B+C kung saan ang bawat pangkat etniko ay napapanatili pa rin nila ang kanilang pagkakakilanlan, mga sistema at institusyon bilang bahagi ng kanilang kultura.
- 25. 2 Uri ng Cultural Pluralism 1. Tolerance Level Nasa tolerance level ang cultural pluralism kung ang pakikisalamuha sa ibang tao ay pormal at walang intimeyt na pakikipagugnayan. Maaaring matagpuan ang uri ng pluralism sa mga itim at puti sa Timog. 2. Good Group Relations Ang cultural pluralism na nasa lebel ng good group relations ay nakakasalamuha ang anumang pangkat. Kabilang sa uri ng pluralism na ito ang paggamit ng mga pampublikong pasilidad.
- 26. Melting Pot (Mel- Pot) Sa Sosyolohiya, ang konsepto ng melting pot ay tumutukoy sa halo-halong lipunan na mas nagiging pare-parehong may iba't ibang elemento na "magkasamang natutunaw" patungo sa iisa at pare- parehong kultura. Karaniwan ding ginagamit ang konsepto ng melting pot upang ilarawan ang asimilasyon ng mga pumupunta at tumitira sa Estados Unidos ngunit maaari din itong gamitin sa anumang kontekstong may bagong kultura kasama ang iba pang mga pangkat ng tao na may iba ring kultura.
- 27. Maaari ding ipahayag ang melting pot sa pormulang A+B+C = D. Ang bawat pangkat dito ay may kontribusyon ng bahagi ng kanilang 41 kultura at tinatanggap din ang ibang aspekto ng iba pang mga kultura na ipinapakitang ang isang lipunan ay ang pinaghalo-halong iba't ibang pangkat.
- 28. Makikita naman ang mga halimbawa ng melting pot sa kasalukuyan dahil may mga nakukuha tayong kultura mula sa ibang bansa at sa pagtagal ng panahon ay nagiging bahagi na ito ng ating kultura. Halimbawa nito ay nang sinakop tayo ng mga dayuhan ay nakuha natin ang kanilang kultura at hanggang ngayon ay nasa kultura pa rin natin ito. Bawat isa rin sa atin ay pilit na bumabagay sa kung ano ang uso sa ibang bansa maging ito ay sa pananamit, pagkain at kahit sa lengguwahe upang maging bahagi tayo ng iisang pangkat lamang. Hindi natin hinahayaan ang sarili natin na mapag- iwanan dahil bumabagay tayo sa kung ano ang nangyayari sa ating lipunan.
- 29. Makikita naman ang mga halimbawa ng melting pot sa kasalukuyan dahil may mga nakukuha tayong kultura mula sa ibang bansa at sa pagtagal ng panahon ay nagiging bahagi na ito ng ating kultura. Halimbawa nito ay nang sinakop tayo ng mga dayuhan ay nakuha natin ang kanilang kultura at hanggang ngayon ay nasa kultura pa rin natin ito. Bawat isa rin sa atin ay pilit na bumabagay sa kung ano ang uso sa ibang bansa maging ito ay sa pananamit, pagkain at kahit sa lengguwahe upang maging bahagi tayo ng iisang pangkat lamang. Hindi natin hinahayaan ang sarili natin na mapag-iwanan dahil bumabagay tayo sa kung ano ang nangyayari sa ating lipunan. Kahit sa social media ay makikita ang melting pot dahil bawat isa sa atin ay nagiging iisa na lamang ang interes at kung ano ang patok ay ating sinusunod.
- 30. Apat na Talaban/Diyalektika sa Pagkakaiba-iba ng Kultura
- 31. 1. Indibidwalistiko v Kolektibismong Kultura Indibidwalistiko ang kulturang pinananaig ang pansariling tunguhin, tagumpay at pangarap at nililinang ang pagkukusa at pagtatamo ng isang indibidwal. Sa simpleng pananalita, AKO laban sa TAYO. Ang kolektibismong kultura naman ay kulturang pinapanaig ang tunguhin o kagalingan ng pangkat at mas nililinang ang impluwensiya ng grupo. Sa simpleng pananalita, mas mahalaga ang TAYO kaysa sa AKO. Ang collectivistic culture ay ang pagbibigay-halaga sa isang pangkat o komunidad Lubos na binibigyang-halaga ng mga kabilang sa pangkatang kultura ang kapakanan ng nakakarami at hindi ng sarili o ng iisa. Sa collectivistic culture mahalaga ang pagkakakilanlan ng buong pangkat at hindi ang pagkilala bilang isang indibidwal lamang.at hindi sa sariling kapakanan.
- 32. Ang individualistic culture ay maoobserbahan mismo sa sarili. Nangangahulugang mas nararapat na unahin ang sarili at hindi ang kapakanan ng ibang tao o ng nakakarami. Nais nitong patunayang ang pabibigay ng sapat na pangangailangan ng sarili ay makakatulong sa pagkakaroon ng isang maayos na pangkat o komunidad. Nagiging mas deretso at hindi maligoy ang nagiging usapan dahil sa individualistic culture. Mas nabibigyang-halaga ang desisyon ng isang indibidwal para sa kaniyang sarili at hindi nangangailangan ng opinyon ng ibang tao dahil isa ito sa pinakamakikitang katangian ng individualistic culture.
- 33. 2. Mataas v Mababang Kontekstong Pangkomunikasyon Tradisyong nakatali sa sistema kung saan nakabatay sa hindi pagiging direkta ng komunikasyon ang Mataas na Konteksto samantalang ang Mababang Konteksto ay isang sistema na pinahihintulutan ang pagiging direktahan ng komunikasyon. Ang high context communication at low context communication ay tumutukoy sa kung gaano dumedepende ang tagapagsalita sa mga bagay bukod sa mga salita upang maihatid ang nais nitong ipakahulugan.
- 34. HIGH CONTEXT COMMUNICATION LOW CONTEXT COMMUNICATION Pagngiti sa makakasalubong na kakilala Pagpupulong para sa partikular na agenda Pagdinig ng reklamo sa barangay Telephone Interview Pagtaas ng boses kapag nagagalit 1 Day Team Building Konsultasyon sa doktor Job Interview Pakikipagdebate Isang minutong speed dating
- 35. 3. Malakas v Mahinang Pagitang Pangkultura Ang Malakas na Pagitan ay kulturang nakabatay sa malaking pagkakaiba-iba kung saan ang mahina ay itinatatwa ang malakas na kultura samantalang ang Mahinang Pagitan ay kulturang sumasampalataya na ang kapangyarihan ay gagamitin lamang kung lehitimo at/o nasa tama.
- 36. 4. Kulturang Makalalaki v Makababae KULTURANG MAKALALAKI Ang kulturang nagpapahalaga sa pagiging agresibo, malakas at materyal na sagisag ng tagumpay ng mga lalaki ay Makalalaki siyempre. Hinihikayat ang mga miyembro nito na maging dominante at palaban. KULTURANG MAKABABAE Ang Makababae ay kulturang nagpapahalaga sa pakikipagmabutihan at pakikipag-ugnayan. Mas nakatuon ito sa pakikipagpalagayan, pakikipag-ayos sa mga gusot at lahat ay masaya at patas sa resulta.
- 37. Istereotipo at Panghuhusga Tumutukoy ang istereotipo sa mga mental na imahen sa isip na maaaring positibo o negatibo at naglulundo kung paano tayo makisalamuha sa iba. Maaari itong magdulot ng diskriminasyon sa iba dahil ikinukulong nila ang isang bagay sa isang kahong hindi man lamang tinitingnan ang ibang perspektibang nakapalibot dito. Bilang karagdagan, ang konseptong ito ay pagmamalabis sa mga paniniwalang ang lahat ng miyembro ng isang pangkat ay kumikilos at nag-iisip sa pare-parehong paraan.
- 38. MGA HALIMBAWA NG ISTEREOTIPO Ang mga mapuputi ay magaganda at pangit ang mga maiitim. Ang mga Muslim at terorista Ang mga pari ay hindi nakakagawa ng kasalanan Sa pamilya, kapag ang mga kapatid mo ay matatalino, inaasahan nila na matalino ka din. Ang pagtingin sa mga nag-aaral sa mga prestihiyosong paaralan bilang isang mayamang tao
- 39. Istereotipo at Panghuhusga Ang Panghuhusga naman ay sinasabing ang positibo o negatibong impresyon sa isang tao at/o bagay. Naglalarawan ito ng isang pakiramdam sa tao at/o grupo ng mga tao na hindi pa naman natin masyadong kilala. Tinatawag ito sa Ingles na prejudice. Ito ay paghuhusga sa mga tao, bagay o sitwasyon sa paraang pangkalahatan. Maaaring positibo ito gaya ng paniniwalang ang mga nagtapos sa kolehiyo ay nakakagawa ng pinakamagandang negosyo o negatibo gaya ng paniniwalang ang mga taong may magandang buhay ay tamad.
- 40. MGA HALIMBAWA NG PAGHUHUSGA kapag nakakita ka ng taong nakasalamin, sasabihin mo na agad na matalino siya ang mga lalaking nakatattoo ay masasabi nating adik o galing sa kulungan pero hindi natin alam na nasa kultura lang nila ito mayayaman ang mga taong may magagarang telepono matatalino ang mga anak ng mga guro
- 41. ACTIVITY Sa isang Long bond paper, gumawa ng Islogan na tungkol sa paghuhusga sa tao. Criteria pagkamalikhain 40% impact ng islogan 40% neatness 20%