More Related Content
Similar to Week 3 Imperyalismong Kanluranin.pptx (20)
More from ABEGAILANAS (7)
Recently uploaded (20)
Week 3 Imperyalismong Kanluranin.pptx
- 2. Ang Portugal ang kauna-unahang bansang Europeo na nagkaroon ng interes sa panggagalugad sa karagatan ng Atlantic upang makahanap ng mga spices at ginto. Sa pagitan ng mga taong 1420 1528 ay nakapaglayag ang mga mandaragat na Portuges hanggang sa kanlurang bahagi ng Africa upang hanapin ang rutang patungo sa Asya
- 3. AGOSTO 1488 natagpuan ni Bartholomeu Dias ang pinakatimog na bahagi ng Africa na naging kilala sa katawagang CAPE OF GOOD HOPE. Ang paglalakbay ni Dias ay nagpakilala na maaaring makarating sa Silangang Asya sa pamamagitan ng pag-ikot sa Africa.
- 4. 1497 apat na sasakyang pandagat ang naglakbay na pinamumunuan ni Vasco da Gama mula Portugal hanggang India. Ang nasabing ekspedisyon ay umikot sa Cape of Good Hope, tumigil sa ilang trade post sa Africa upang makipagkalakalan at nakarating matapos ang 10 buwan sa Calicut, India. Dito natagpuan ni da Gama ang mga Hindu at Muslim na nakikipagkalakalan ng mahuhusay na seda, porselana, at pampalasa na pangunahing kaialangan ng mga Portuguese sa kailang bansa.
- 5. Hinimok niya ang mga Asyanong mangangalakal na magkaroon ng direktang pakikipagkalakalan sa kanila ngunit di siya gaanong nagtagumpay dito. Sa bansang Portugal ay nakilala siyang isang bayani. Dahil din sa kaniya kaya nalaman ng mga Portuguese ang yaman na mayroon sa Silangan at ganoon din ang maunlad na kalakalan.
- 6. Si Prinsipe Henry ay anak ni Haring Juan ng Portugal, ang naging pangunahing tagapagtaguyod ng mga paglalayag sa pamamagitan ng pag-aanyaya ng mga mandaragat. Siya ay tagagawa ng mapa, matematisyan, astrologo, at mag-aaral ng siyensiya ng nabigasyon sa bansa. Siya ang nagin patron ng mga manlalakbay kaya ikinabit sa kaniyang pangalan ang katawagang The Navigator. Dahil sa kaniyang mga itinaguyod na paglalakbay ay nakarating siya sa Azores, isla ng Medeira, at sa mga isla ng Cape Verde.
- 7. ANG PAGHAHANGAD NG SPAIN NG KAYAMANAN MULA SA SILANGAN
- 8. Ang pagpapakasal nina Haring Ferdinand V ng Aragon at Reyna Isabella I ng Castille noong 1469 ay naging daan upang ang Spain ay maghangad din ng kayamanan sa Silangan. Ang pinagsanib na lakas ng kanilang kaharian ang naging daan sa pagpapadala ng mga ekspedisyon sa Silangan na ang una ay pinumunuan ni Christopher Columbus, isang Italyanong manlalayag. Noong 1492 ay tinulungan si Columbus na ilunsad ang kaniyang unang ekspedisyon patungong India upang dumaan pakanluran ng Atlantiko. Ang kaniyang ekspedisyon ay nakaranas ng maraming paghihirap gaya ng: a. Walang kasiguraduhan na mararaqting nila ang Silangan; b. Pagod at gutom sa kanilang paglalakbay; at c. Haba ng panahon na kanilang inilagi sa katubigan.
- 9. Ngunit naabot din niya ang mga isla ng Bahamas na sa kaniyang pagkakaakala ay ang India dahil sa kulay ng mga taong naninirahan doon ay gaya ng mga taga-India kaya tinawag niya ang mga itong Indians. Tatlong buwan ang inilagi ng kanilang paglalakbay ng maabot nila ang Hispaniola (sa kasalukuyan ay amg mga bansa ng Haiti at Dominican Republic) at ang Cuba. Marami siyang natagpuang ginto dito na makasasapat na sa pangangailangan ng Spain ngunit sa tingin niya ay hindi pa rin niya tunay na narrating ang mga kilalang sibilisasyon sa Asya.
- 10. Pagbalik niya ng Spain ay ipinagbunyi ang resulta ng knaiyang kspedisyon at binigyan ng titulong Admiral of the Ocean Sea, Viceroy, at Gobernador ng mga islang kaniyang natagpuan sa Indies. Tatlong ekspedisyon pa ang kaniyang pinamunuan bago siya mamatay noong 1506. narrating niya ang mga isla sa Caribbean at sa South America ngunit di siya nagtagumpay sa paghahanap ng bagong ruta patungo sa Silangan.
- 11. Masusuri sa pangyayaring ito na may kakulangan sa mga makabagong gamit ang mga ginawang paglalakbay gaya ng mapa na di pa maunlad. Noong 1507, isang Italyanong nabigador, si Amerigo Vespucci ang nagpaliwanag na si Columbus ay nakatagpo ng Bagong Mundo. Ang lugar na ito nang lumaon ay isinunod sa pangalan ni Amerigo kaya nakilala ito bilang America. Ito ay naitala sa mapa ng Europe kasama ang iba pang mga bagong diskubre na mga Isla.
- 13. Dahil sa lumalalang paligsahan ng pagpapadala ng mga ekspedisyon ng Portugal at Spain, humingi ang mga bansang ito ng tulong sa Papa sa Rome upang mamagitan sa kanilang mga paglalabanan. Noong 1493 ay gumuhit ng LINE OF DEMARCATION ang Papa, isang hindi nakikitang linya mula sa gitna ng Atlantiko tungo sa Hilagang Pola hanggang sa Timugang Pola. Ipinaliliwanag nito na ang lahat ng mga matatagpuang kalupaan at katubigan sa Kanlurang bahagi ng linya ay para sa Spain at sa Silangan bahagi ng linya ay para naman sa Portugal.
- 14. Si Pope Alexander VI ang naglabas ng Papal Bull na naghahati sa lupaing maaaring tuklasin ng Portugal at Spain. Nagduda ang mga Portuguese sa naging kinalabasan ng kanilang pagtatanong kaya nagpetisyon sila na baguhin ang naunang linya ng dapat mapunta sa kanila at sa Spain. Nakikita nila na baka lumawak ang paggagalugad ng Spain sa Kanluran at maaaring maapektuhan ang kanilang mga kalakalan sa Silangan.
- 15. Sa pamamagitan ng Kasunduan sa Tordesillas noong 1494 nagkasundo sila na ang line of demarcation ay vbaguhin at ilayo pakanluran.