�ݺ�ߣ

Programa escolar sobre Igualdade de Xénero - Rede Museística Provincial de Lugo 1
REDE MUSEÍSTICA
PROVINCIAL DE LUGO
Ronsel de futuro. Rumbo 2030
Rede Museística Provincial de Lugo
IgualdadedeXénero
Programaescolarsobre
Multicanle
• Online
• Presencial
• Online-Presencial
CADERNO DO
ALUMNADO
DE PRIMARIA

Este caderno é de ...........................................................

Ronsel de futuro. Rumbo 2030
Unidade de Igualdade de Xénero
Tes diante un caderno para xogar, para descubrir
e tamén para pensar. E o mellor de todo: aquí
entramos todas e todos. Úneste a esta aventura?
Iguais
Somos iguais. Cando estamos na escola, na casa,
ou no parque, temos o mesmo dereito a participar
nos xogos e nas tarefas. Non por ser nenas debemos
facer obrigatoriamente algunhas cousas ou por
ser nenos outras unicamente. Estás de acordo?
E mira ao teu redor, pensa se isto é así. Na casa, quen
pon a lavadora? Cantos partidos de fútbol de rapazas
ves na televisión? E nos contos, hai algunha princesa
que salve a algún príncipe? Non moitas, verdade?
Pois no mundo da arte pasa igual. A todo o mundo lle
gusta pintar e facer esculturas pero nos museos non
vemos moitos cadros de mulleres artistas. E nós pensamos
que isto non é xusto e queremos cambialo. Axúdasnos?
Cando remates estas actividades:
◆
◆ Coñecerás máis as mulleres artistas dos
museos e as cousas tan boas que fixeron.
◆
◆ Visitarás os nosos museos descubrindo os seus tesouros.
◆
◆ Crearás contos nos que todas e todos
somos igual de valentes.
◆
◆ Compartirás historias marabillosas
das mulleres da túa familia.
◆
◆ Xogarás a conseguir a Misión da Igualdade
buscando pistas e solucionando as súas probas
◆
◆ Cambiarás o mundo para que sexa realmente
un lugar mellor onde convivir, xogar e aprender
con todas as persoas na súa diversidade.
Actividades
1 Xogo dos oficios
2 Hackeando a desigualdade
3 Mulleres artistas... que xenias!
4 Mulleres artistas na Rede Museística Provincial de Lugo
5 Amar a mar. Mariñas, marosas e maruxainas
6 Podcast pola igualdade de xénero
7 Diversigualdade en rede: un orgullo de museo
8 Escape room: Igualdade
9 Heroe ou Heroína

10 Quen é quen no rueiro. Rúas con nome de muller
11 Mulleres benfeitoras, ronsel de futuro

1
XogodosOficios
Presencial e online
Fíxate o que fan as persoas destas obras.
Elixe unha e con xestos dinlle aos teus
compañeiras e compañeiros o que fai.
Pregúntalles despois se un home ou unha
muller poderían facelo igual de ben.
Representamos as accións levadas a cabo nestas obras e preguntámonos
se os homes ou as mulleres fan mellor este traballo.

1. Xogo dos oficios
Xerencia
Difusión
Axudante de museo Auxiliar de sala
Dirección
Auxiliar de Sala
Vixilancia de Sala EncargadxAux Mantemento
Encargadx Montaxe
Que che gustaría ser de maior?
Pensas que hai profesións para rapaces e outras para
rapazas? Por que? Pensas que se podería cambiar?

Presencial + contidos na versión online
Hackear significa manipular, cambiar as cousas.
Podemos coller estas imaxes e pintalas, pegarlles
outras enriba, escribirlles palabras ao noso antollo.
2
HackeandoaDesigualdade
Veremos estas diferenzas nos seguintes aspectos
A. Que é ser muller e que é ser home?
B. Isto é cousa de ... Roles de xénero
C.
Cubrir ou descubrir os corpos
tamén é cuestión de xénero
D. As emocións, os afectos e os coidados
E. Estudar xuntxs para vivir xuntxs
F. Espazos da casa divididos

Retrato de señora (Elsie Woodbury Brown) de Madrazo e
Retrato de cabaleiro de Esquivel. Museo Provincial de Lugo
María de Andrés y García por Enrique Navarro e Miguel
Ángel Quesada de Amparo Abella. Pazo de Tor
A. Que é ser muller e que é ser home?
Reflexionamos e debatemos sobre as desigualdes de xénero nestas imaxes
2. Hackeando a desigualdade

Traballar na casa, traballar fóra da casa
Interior de Villamil G de Paredes e Retrato de Antonio
Ron Pardo de Corredoira Museo Provincial de Lugo
Coser e loitar
As costureiras de Álvarez de Sotomayor e O cazador de
Bailén de Román Navarro. Museo Provincial de Lugo
As tecedoras. O traballo do
liño en San Paio de Narla
B. Isto é cousa de... Roles de xénero

Levar e traer auga na sella
Como
xogamos
Soldadiños
de chumbo
e bonecas.
Pazo de Tor
A forza é cousa de homes? Mulleres con forza
As pescantinas. Museo Provincial do Mar

As redeiras. Museo Provincial do Mar
As mariscadoras
Mulleres patroas de barco. Vídeo:
https://www.youtube.com/
watch?v=Cb7JrXT_h7It=77s

Torso de Otero Camps no Museo Provincial de Lugo. Cartel das Guerrilla Girls de 1989 “Deben
estar as mulleres espidas para entrar no Museo Met. (Metropolitan)? Menos do 5% dos artistas nas
seccións de Arte Moderna son mulleres, pero un 85% dos espidos son femininos”.
C. Cubrir ou descubrir os corpos tamén é cuestión de xénero

As vestimentas
Foto de Señora no Pazo de Tor, vestimenta de cabaleiro do Pazo de Tor, Retrato de aldeá de Villamil García de Paredes no Museo Provincial de Lugo

As xoias
Pendentes tradicionais de San Paio de Narla e
torque de Burela do Museo Provincial de Lugo
As armas
Armadura e armas do Pazo de Tor (masculinas)
e dagas de San Paio de Narla (femininas)

Sombreiros. De quen é este sombreiro? Pazo de Tor
Abanos de muller e de home. Pazo de Tor e Museo Provincial de Lugo

As cadeiras de montar a cabalo, masculinas, femininas e a xamuga do Pazo de Tor e de San Paio de Narla

A galerna de Soria González,
a escultura da Maternidade africana. Museo Provincial de Lugo
Pezoeira de San Paio de Narla
e a nodriza do Pazo de Tor
D. As emocións, os coidados e os afectos

Pedindo mozo a san Antón de Acuña e as máscaras africanas. Museo Provincial de Lugo No mercado de Cruz Herrera.
Museo Provincial de Lugo
D. As emocións, os coidados e os afectos

Aula de nenas e aula de nenos no Museo Provincial do Mar
A Escola de Doloriñas de Julia Minguillón.
E. Estudar xuntxs para vivir xuntxs

No Pazo de Tor, o Salón de Xogos era de uso exclusivo para os homes.
Por tanto, nas reunións sociais, as mulleres utilizaban o Salón do Mediodía.
F. Espazos da casa divididos

3
Mulleresartistas...quexenias!
Presencial: A completar en online coa
actividade Mulleres artistas na Rede
Museística Provincial de Lugo
1. Nomear a artistas de todos os tempos.
2. Cantas artistas mulleres coñeces?
3. Investigar sobre:
• Maruja Mallo · Artemisia Gentileschi
• Frida Kahlo · Lita Cabellut
E que pasa coas obras anónimas?
Non sabemos quen fixo esa obra, por iso poñemos
ANÓNIMO, que significa “sen nome”. Son obras
sen firma e non coñecemos quen as realizou.
Puideron ser acaso obra de artistas mulleres?
A Sagrada Familia (S. XVII)
Anónimo flamenco
Óleo sobre táboa
Sabías que...?
Xa desde a Antigüidade, as mulleres tiveron moi difícil
aprender, traballar e ser recoñecidas como artistas. Por
exemplo, non lles permitían asistir ás escolas de Arte
con modelos espidos para poder retratalos. Moitas veces
non lles deixaban firmar as súas propias obras.
E despois, ninguén quería mercar os seus cadros ou
esculturas, soamente polo feito de ser mulleres.
Por todo isto, véñensenos sempre á cabeza máis nomes de
homes artistas que de mulleres artistas na Historia da Arte.
Entón, esta obra.... quen a fixo?
Busca outras obras anónimas nas salas
4, 5, 6 e 7 do Museo Provincial de Lugo
Ollo! Todas as respostas son correctas, pero tratamos de pensar
e falar daquelas quen tiñan moi díficil traballar na Arte.

Presencial e online: A completar coa
actividade Mulleres artistas... que xenias!
Imos de viaxe polos museos da Rede
buscando as obras das mulleres artistas
4
MulleresartistasnaRede
MuseísticaProvincialdeLugo

Buscamos estas obras de artistas mulleres
nos museos da Rede Museística
4. Mulleres artistas na Rede Museística Provincial de Lugo
Venecia, de Mª Luisa
Pérez Herrero
Mª Luisa Pérez Herrero foi unha
pintora de hai cen anos. Das súas
viaxes polo mundo deixounos
moitas pinturas de paisaxes.
Como esta que estás a ver aquí.
Ë unha cidade de Italia, que se
chama Venecia. É moi antiga e
está construída sobre a auga,
como ela pinta neste cadro.
Imos xogar cos sentidos. Metémonos
no cadro e imaxinamos.
• A que cheira?
• Que ruídos escoitas desde a rúa?
• Como irías ao cole?
• Pensas que é fácil ou difícil vivir aí? Por que?
Grupo aldeán, de Carmen
Álvarez de Sotomayor
Carmen Álvarez de Sotomayor
naceu nunha familia de
artistas. O seu pai e as súas
irmás tamén pintaban.
Nesta obra retrata a
tres personaxes que
viven nunha aldea.
Fíxate como son e
como nos miran.
Imaxina que nos falan. Que nos contarían?
Escola de Doloriñas,
de Julia Minguillón
Julia Minguillón naceu
no centro mesmo de
Lugo, na rúa San Marcos.
Pintaba paisaxes, retratos
e cadros relixiosos.
Unha vez, presentouse
a unha exposición moi
importante, con artistas
de toda España, co cadro
que ves aquí, A Escola
de Doloriñas, e gustou
tanto que gañou o primeiro premio. Pero ademais, foi a
primeira muller da historia que conseguiu este galardón
Esta escola existiu de verdade. Viaxemos
agora dentro do cadro.
• Que é o que ves?
• Onde escribe o rapaz máis alto?
• Que levan nos pés?
No Museo Provincial de Lugo

No Museo Provincial de Lugo
Guía Postal
de Lugo, de
Maruja Mallo
Maruja Mallo
era de Lugo
e naceu en
Viveiro. Foi unha
artista libre,
moi moderna
que viaxou
polo mundo e foi moi valorada, por iso podes ver os seus
cadros en musos de moitos países. Tamén formaba
parte dun importante grupo poetas e artistas.
Un estilo que practicaba moito foi a collaxe que é coller
imaxes diferentes e pegalas todas xuntas formando
unha obra. Na imaxe que estás a ver temos postais,
como esas que compras nas vacacións, pero postais con
ríos, igrexas, pontes e persoas que temos na provincia
de Lugo. E algunha cousa máis que imaxinou.
Seguro que recoñeces moitas das cousas que
aparecen aquí. Xogamos? Facemos o noso
propio cadro con recortes e debuxos?
Adosados 3, de Mónica Alonso
Mónica Alonso é unha
artista de Lugo.
Encántalle traballar con cores.
Ela di que hai cores que nos
dan alegría, e outras tristeza,
que se pintamos as paredes de
certa cor estaremos en calma e
axudaranos a ler, por exemplo,
pero se as pintamos de outra
non pararemos de saltar e de
correr. Iso si, cada un e cada
unha de nós ten as súas preferiencias. Non é así?
Nesta obra, que é unha escultura, representou un edificio
de vivendas, como eses altísimos que hai nas cidades.
Non puxo paredes así que podemos ver o interior,
sobre todo as habitacións onde durmimos.
Tamén colocou camiñas de cores nelas.
E ti, anímaste a pintar a túa casa? De
que cor é? E a túa habitación?
A espera, de Violeta
Bernardo
Violeta Bernardo é de Sarria.
Foi profesora e estudou
na Escola para ser artista
e traballar o barro.
Con este material, realiza
figuras de nenas e
mulleres. No xardín do
temos esta escultura súa
cunha muller sentada nunha cadeira. Vai ser
mamá e abraza a súa barriguiña acariñándoa.
Podes sentir todo o cariño e dan
ganas de darlle unha aperta.
E agora, podes falarnos de alguén a
quen queiras darlle unha aperta?
Coñeces a alguén que vaia ser mamá?

No Pazo de Tor No Museo Provincial do Mar
A voz da silenciadas, de Violeta Bernardo
Esta placa foi un agasallo de aniversario para o
Museo Provincial do Mar cando cumpriu 50 anos.
Violeta dedícallela a todas aquelas mulleres ás que non
lles permitían falar, nin saír da casa, nin podían pedir
diñeiro ao banco para mercar un coche, por exemplo.
E ti, a que muller ti lle farías unha placa de
homenaxe? Como sería esa placa?
Retrato de Pedro de Zúñiga
y Cornejo, de Celia Cortés
Este señor tan serio foi o bisavó
da última Señora do Pazo de Tor.
Vai vestido cun uniforme da
Orde de Santiago, un grupo moi
importante naquela época e no
que soamente a xente moi rica
e poderosa podía participar.
O cadro é da pintora de Monforte
de Lemos, Celia Cortés.
Seguro que por casa tamén tes retratos de familiares
teus. Cal é o que máis che gusta e por que?
Ás veces, nós tamén usamos uniformes. Poderías dicirnos
que profesións visten de uniforme? E de que cores son?
Retrato do Miguel
Ángel Quesada, de
Amparo Abella
Non temos datos desta
artista. Por iso é tan
importante estudar máis
a historia das mulleres.
Este é o retrato do
marido da última
dona do Pazo de Tor.
Chamábase Miguel Ángel
Quesada e foi un militar
de alto rango, nada menos que coronel.
No pasado, non había ningunha muller no
exército, non porque non quixeran senón
porque non lles estaba permitido.
Pero hai 30 anos, fíxose unha lei e desde
entón é posible ser muller soldado, aviadora
ou mariñeira das Forzas Armadas.

Presencial e online
“Mariñas, Marosas e Maruxainas” é un
espazo para coñecer as mulleres que
viven e traballan na Mariña luguesa,
Desde un ordenador, podes vela neste enlace:
https://my.matterport.com/show/?m=NybLhDkFY78play=1
5
Amaramar.Mariñas,
marosasemaruxainas
Vas coñecer a esa gran serea
que está no medio da Sala.
O seu nome é Maruxaina.
Ten corpo de muller e cola de
peixe. Vive nunha cova do illote
da Sombriza, nos Farallóns e pasa
o día fiando coa roca e o fuso...

Vista inmersiva: https://my.matterport.com/show/?m=NybLhDkFY78play=1
5. Amar a mar. Mariñas, marosas e maruxainas.
Visitamos a exposición Amar a Mar e rendemos
homenaxe ás mulleres da nosa vida
Sabes o que é fiar? Elaborar un
fío de lá ou de liño. Con este
fío teceremos roupa como
xerseis, camisas ou abrigos.
Utilizaba estas ferramentas:
Fíxate nesta parede. Son
retratos das caras e das
mans de 16 mulleres. Cada
unha de elas representa a un
concello da comarca. Tamén
hai un textiño que nos relata
a importancia que teñen as
mulleres en cada municipio.
Pon atención a esas caras
e esas mans. Vese que
traballaron moito.
Agora propoñémosche esta
actividade: realizar un retrato
dunha muller da túa familia.
Pode ser un debuxo, unha
fotografía, unha canción e
despois cóntanos como é, en
que traballa ou traballou, e
por que a escolliches a ela.

Online
Imos facer un programa de radio e precisamos
a túa colaboración. Segue estes pasos:
1. Investiga sobre unha artista e a súa obra
2. Coa axuda da túa profesora ou profesor, grava a
túa voz contándonos quen é e por que che gusta
3. Cando recibamos os vosos traballos,
publicarémolos en internet,
nas nosas redes sociais.
Encheremos o mundo da Arte das mulleres artistas!
6
Podcastpolaigualdadedexénero

7
Diversigualdadeenrede:
unorgullodemuseo
Desde a casa
A actividade desenvólvese en varias partes:
Parte 1: Bótalle un ollo á nosa exposición
que temos no xardín do Pazo de
Tor sobre Diversidade de Xénero:
https://my.matterport.com/show/?m=w4LGS96pqerbrand=0
Parte 2: Despois, fala na aula do que significa
Diversidade de Xénero. Algúns mozos e mozas
falarán sobre o que significa LGTBI+ (persoas
lesbianas, gays, trans, bisexuais e intersexuais)
e poden responder ás vosas preguntas.
A nosa actividade será elixir algunha destas
fermosas palabras para explicarlla ao resto das
túas compañeiras e compañeiros con debuxos,
cartulinas, outras palabras, co que queiras!
Respecto · Tolerancia
Diversidade · Convivencia
Porque respectamos e queremos a todas
as persoas, sen importarnos como son,
de onde veñen, e como queren vivir.
Parte 3: Por último, daremos a coñecer estes
pósters no museo e polas redes sociais.

8
Escaperoom:Igualdade
Online
Un xogo interactivo para realizar co ordenador.
Unha aventura na que terás que solucionar
adiviñas, quebracabezas e descubrir pistas
percorrendo o Museo Provincial de Lugo.

9
Heroeouheroína
·alendadaCovadaSerpe·
Presencial e online
Parte 1: Le ou escoita contos como por
exemplo a Carrapuchiña Vermella, a Bela
Durminte ou Cincenta, pensa nun final
distinto e responde a estas preguntas:
• Que pasaría se o cazador non
chega á casa da avoa?
• Que pasaría se Cincenta non
quere casarse co Príncipe?
• Poderían ser soamente amig@s?
• E nos tempos de agora, pasaría o mesmo?
Agora cambia as personaxes de homes
por mulleres. Que che parece? E se ti foses
a/o protagonista? Farías o mesmo?
Crea historias novas cos vellos contos para que
todas e todos nos axudemos mutuamente.
Parte 2: Le ou escoita o conto que aparece
nas seguintes páxinas. Despois responde:
• Quen sae neste conto?
• Que fai cada personaxe?
• Podería a dama Berta salvar ao campesiño?
• E se foses ti, que farías?
Parte 3: Visita onde vivía a dama Berta,
na Fortaleza de San Paio de Narla
https://my.matterport.com/show/?m=tY1c577bXD5
Parte 4: Fagamos monicreques e un
teatriño no que Berta será a nosa heroina
e compoñamoslle unha canción.

AlendadaCovadaSerpe
É
rase unha vez, unha rapaza chamada Berta que vivía
no castelo de San Paio de Narla. O seu pai, don Lopo das
Seixas era o dono desta fortaleza. A Berta agradáballe
pasear de a cabalo polos campos que rodeaban a fortaleza,
mais sen afastarse moito dela. Gustáballe moito contemplar
a paisaxe. A miúdo tamén gozaba da conversación breve
con algunhas das fillas dos seus vasalos: raparigas da súa
idade, alegres e dotadas de curiosidade e simpatía.
Sucedeu certo día que a egua que montaba a moza
atemorizouse ata o extremo de que botou a correr desbocada.
Berta sentiuse incapaz de dominala e freala. De súpeto, un
raparigo campesiño saltou ao camiño desde un campo e agarrou
fortemente o freo da egua e, grazas ao seu esforzo, conseguiu
detela. Esta demostración de valentía e heroicidade, fixo que a
doncela se namorase del. O mozo, pola súa banda, viu naquela
dama a aparición dunha belísima ‘fada’ que o deixou cativado.
1º Parte
9. Heroe ou heroína
Lemos A lenda da Cova da Serpe e despois, coa axuda de monicreques,
representarémola cambiando os estereotipos de xénero

A
mbos mozos volveron verse e sentados á sombra
dos carballos, conversaban, namorados e felices, sen
que fose ningún problema a súa diferente posición
social, un campesiño e outra dama. Mais o señor de San
Paio, pronto tivo noticias de tales amores da súa filla co
mozo labrador, que era o seu vasalo. Ameazou entón á súa
filla cun severísimo castigo, no caso de que non acabase
coa aquela amizade: unha verdadeira afronta para el e a súa
nobreza de sangue. Deseguido, Berta tan namorada e chea
de arroxo, contou ao labrego esta grave ameaza. Ambos
(dama e campesiño), no medio de saloucos e bicos, decidiron
fuxir monte arriba á procura dun refuxio noutras paraxes.
Ao decatarse de que a súa filla desaparecera, o señor ‘das
Seixas’ deu ordes de que rapidamente partisen algúns
escudeiros, así como homes de armas da torre-fortaleza,
co fin de perseguir aos fuxitivos e dar morte ao mozo
galán e retornar ao castelo a súa filla Berta.
2º Parte

A
o oír o galopar dos cabalos, os namorados ocultáronse
nunha cova que naquel monte descubriron. Quedaron
petrificados de espanto ao acharse diante dunha
gran serpe que erguía a súa desafiante cabeza cara a
eles. O raparigo, sacando un puñal, interpúxose e tentou
cortarlle a cabeza ao animal, que logrou esquivar o ataque.
Con lixeireza enrolouse ao redor do mozo ata o punto de
deixalo privado de todo movemento e posible acción. Mozo
e serpe loitaron con ferocidade. O mozo golpeou a súa
cabeza, pero as mordeduras e a presión do réptil acabaron
coa súa vida. A moza, asustada, chorou e berrou. Acudiron
as xentes de don Lopo que devolveron a moza á fortaleza.
A enorme serpe comezou a ser vista fóra da cova e
dedicouse a causar danos no gando. A miúdo baixaba a
beber a unha fonte que se coñece como pozo da Serpe.
Parece que conseguiron librarse dela poñéndolle como
cebo un asno morto, recheo de alcatrán que o animal
devorou coa súa afeita voracidade, envelenándose.
3º Parte

Podes recortar os debuxos desta páxina e pegalos
en paus de xeado para facer os monicreques!

10
Quenéquennorueiro.
Rúasconnomedemuller
Presencial e online
1. Pregunta, investiga sobre rúas onde vives
que leven nomes de mulleres. Por exemplo
en Lugo temos rúas dedicadas á pintora Julia
Minguillón, á avogada Concepción Arenal ou a
traballadoras como Leiteiras ou Costureiras.
2. Coñeces o que fixeron estas mulleres
e por que son importantes?
3. Pensa en nomes novos para poñerlles a
outras rúas. Cal che gustaría e por que?
4.
Crea un mapa con eses nomes e mándonolo.

11
Online
Imos coñecer as mulleres que
legaron o seu patrimonio para
a mellora cultural do país.
Mulleresbenfeitoras,
ronseldefuturo
Manuela Goñi María Paz de Taboada de Andrés e Zúñiga
Manuela emigrou á Arxentina xunto co seu marido
e traballando e aforrando fixeron alí unha fortuna.
Pero lembrábanse continuamente da súa
terra e decidiron enviar cartos para crear
unha escola. A verdade é que foi unha suma
importante de diñeiro para a época.
Grazas a iso, levantouse esta escola e os nenos e
nenas de San Cibrao e dos arredores puideron
estudar e aprender moitas cousas.
Hoxe xa son avós e avoas e recordan a escola
con moito cariño. Din tamén que todo o que lles
aprenderon foilles de moita utilidade de maiores.
Agora esta escola é o noso Museo Provincial do Mar.
Se o desde o teu ordenador preme sobre este enlace
https://my.matterport.com/show/?m=vYvPNxrXBDqamp;brand=0
Que sorte temos en Lugo! María Paz era a propietaria do
Pazo de Tor, unha casa moi grande, como un palacio, que
tiña moitos anos de historia. Fíxate, máis de 400.
Era unha familia importante, non só de Monforte
onde está esta casa, senón de toda Galicia.
Gustáballe ler libros e a Arte e decidiu doar o pazo á Deputación de Lugo.
Isto significa que nos regalou a súa casa para que poidamos entrar nela
e ver todas as cousas bonitas cheas de historia que se gardan nela.
Ademais, a primeira guía do Pazo xa como museo foi Angelita,
unha muller que traballou alí desde que tiña 9 anos.
Ela sabíao todo, por exemplo, quen eran esas persoas que saían
nos cadros, por onde saen e entran os gatos na casa, ou cando
se comprou esa cama tan antiga que parece de raíñas.
Se queres visitar o Pazo de Tor desde o teu ordenador preme sobre
este enlace https://my.matterport.com/show/?m=w4LGS96pqeramp;brand=0

Datos de contacto:
Rede Museística Provincial de Lugo
https://comunidadermpl.es/
Correo electrónico:
comunidadermpl@gmail.com
REDE MUSEÍSTICA
PROVINCIAL DE LUGO

�ݺ�ߣ

xenero_primaria_7abr.pdf

Recommended

More Related Content

Similar to xenero_primaria_7abr.pdf (20)

More from Encarna Lago (20)

xenero_primaria_7abr.pdf