�ݺ�ߣ

Добри практики за употребливост на веб-апликациите при постигнувањето на нивната цел

Што е употребливост? Употребливоста го мери квалитетот на искуството на корисникот со некој производ или систем—без разлика дали станува збор за веб-страница, софтверска апликација, мобилна технологија, или уред со кој ракува корисникот. Употребливоста, воопшто, се однесува на тоа колку добро корисниците можат да научат да го користат производот за да ги постигнат нивните цели и на тоа колку тие се задоволни со тој процес. Употребливоста, како што е дефинирана од Жозеф Дима и Џенис Редиш, значи дека луѓето кои го користат производот можат брзо и лесно да ги завршат своите обврски. Во употребливоста исто така се вклучени и фактори како што се исплатливоста и полезноста. Клучната методологија за употребливоста се нарекува Дизајн насочен кон корисникот.

Дизајн насочен кон корисникот Дизајн насочен кон корисникот (UCD) е пристап со кој се применува употребливост. Тоа е структурирана методологија за развој на производи со која се вклучуваат корисниците во сите фази на развој на веб-страници, со цел да се создаде веб-страница која излегува во пресрет на потребите на корисниците. Овој пристап ги зема предвид деловните цели на една организација и потребите на корисникот, ограничувањата и тоа што тие го претпочитаат. Доколку вашата веб-страница не е полезна за корисниците, нема да биде користена. За вашата веб-страница да биде успешна, корисниците мора да ја посетуваат за да добијат информации или да исполнуваат обврски. Без оглед на тоа какви цели сте поставиле за вашата веб-страница, мора внимателно да се урамнотежат потребите на корисниците и потребите на вашата организација. Доколку вашата веб-страница не е полезна за корисниците, нема да ја користат, што, пак, ќе ве спречи во остварувањето на целите на вашата организација. Од деловен аспект, можете да ги намалите оперативните трошоци и трошоците за развој, преку успешно креирање на производ како веб-страница уште од првиот обид.

Што се мери со употребливоста? Важно е да се сфати дека употребливоста не е единствена, едно-димензионална карактеристика на еден кориснички интерфејс. Употребливоста е комбинација од фактори во кои спаѓаат: Леснотија на учење – Колку брзо еден корисник кој претходно не го сретнал тој кориснички интерфејс го учи доволно добро за да извршува основни задачи? Ефикасност на употреба – Откако еден искусен корисник ќе научи да го користи системот, колку брзо може тој/таа да ги извршува работите? Меморирање – Доколку корисникот го користел системот претходно, дали тој или таа може доволно да запомни за да го користи успешно наредниот пат или дали корисникот треба да започне повторно да учи сé? Појава на грешки и нивна сериозност – Колку често корисниците прават грешки додека го користат системот, колку се тие грешки сериозни, и како закрепнуваат корисниците од овие грешки? Субјективно задоволство - До кој степен на корисникот му се допаѓа користењето на системот?

Општи ИСО стандарди Како се дефинира употребливоста? Два меѓународни стандарди дополнително ја дефинираат употребливоста и дизајнот насочен кој луѓето: 1. "[Употребливоста се однесува на] степенот до кој еден производ може да го користат одредени корисници за да постигнат одредени цели ефективно, ефикасно и со задоволство во одреден контекст на корисник." - ISO 9241-11 2. "Дизајнот насочен кој луѓето го карактеризира: активното вклучување на корисниците и разбирањето на барањето и задачите на корисникот; соодветна распределба на функции помеѓу корисниците и технологијата; повторувањето на решенија за дизајн; мултидисциплинарен дизајн." - ISO 13407

Веб стандарди за употребливост ISO 23973 Референтен модел ISO 23973 користи референтен модел за веб дизајн кој се состои од дизајн, процес и евалуација. Самиот стандард се фокусира единствено на аспектите од доменот на дизајнот. Тоа се: цел и стратегија, содржина и функционалност, навигација и интеракција, презентација и медиумски дизајн. Овие аспекти може да се сметаат за различни нивоа на севкупниот процес на дизајн. Другите два дела на моделот го претставуваат доменот на процесот и доменот на евалуацијата. Тие сочинуваат важни аспекти за развојот на дизајнот насочен кон корисникот кај апликациите, но не се елаборирани во овој Меѓународен Стандард.

Примери за веб-страници со добра употребливост http://www.policy-network.net/ Полиси нетворк е меѓународна институција за истражувања посветена на промовирањето на политики за развој и обновувањето на социјална демократија. http://www.ippr.org/ Институт за истражување на јавни политики – водечката институција за истражување на развојот во Велика Британија. http://www.ncvo-vol.org.uk/ Националниот совет за организации на волонтери – покровител на волонтерскиот сектор во Англија, кој работи на поддршка на волонтерскиот сектор со цел создавање на околина во која волонтерските организации можат да се развиваат. http://www.eurodad.org/ Еуродад – Европска мрежа за долгови и развој, која работи на промени во економската политика во корист на сиромашните во светот.

Спротивни примери – сајтови без добра употребливост http://ec.europa.eu/index_en.htm Европска комисија http://www.moew.government.bg/ Министерство за животна средина и води, Бугарија

Интересни факти Оливер Рид Смут, помладиот, беше претседател на Американскиот Институт за Национални Стандарди (ANSI) од 2001 до 2002 и Претседател на Меѓународната организација за стандардизација (ISO) од 2003 до 2004 г. По барање на братството од неговиот Универзитет во 1958, висината на Смут беше искористена за да се измери должината на мостот Харвард. Кога тој легна на мостот Харвард (низ кој минува Авенијата Масачусетс преку реката Чарлс), беа поставени маркери на секое растојание од неговата глава до пети. Мостот изнесуваше 364.4 смути (и едно уво) во должина, а маркерите стојат и ден денес.

Прашања? Борис Крумов, Информациска мрежа BlueLink http://bluelink.net

�ݺ�ߣ

Boris Krumov MK

More Related Content

Similar to Boris Krumov MK (20)

More from Metamorphosis (20)

Boris Krumov MK