More Related Content
What's hot (20)
Similar to AP6_q1wk7_mod7_mganatatangingpilipinongnakipaglabanparasakalayaan.pdf (20)
Recently uploaded (20)
AP6_q1wk7_mod7_mganatatangingpilipinongnakipaglabanparasakalayaan.pdf
- 1. Araling Panlipunan Ikatlong Baitang Alternative Delivery Mode Unang Markahan Modyul 6: Pakikibaka sa mga Amerikano 6 Araling Panlipunan Unang Markahan Modyul 7: Mga Natatanging Pilipinong Nakipaglaban Para sa Kalayaan Tinipon at Inayos ni: GERALDINE O. LAO-AT Master Teacher I Schools Division of the City of Batac
- 2. Araling Panlipunan Ikaanim na Baitang Alternative Delivery Mode Unang Markahan Modyul 7: Mga Natatanging Pilipinong Nakipaglaban Para sa Kalayaan Unang Edisyon, 2020 Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing ahensiya o tanggapan ay ang pagtakda ng kaukulang bayad. Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon. Ang mga ito ay tinipon at inayos para lamang sa modyul na ito. Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin ng tagalikom ang karapatang-aring iyon. Ang anomang gamit maliban sa modyul na ito ay kinakailangan ng pahintulot mula sa mga orihinal na may-akda ng mga ito. Walang anomang parte ng materyales na ito ang maaaring kopyahin o ilimbag sa anomang paraan nang walang pahintulot sa Kagawaran. Inilathala ng Kagawaran ng Edukasyon Kalihim: Leonor Magtolis Briones Pangalawang Kalihim: Diosdado M. San Antonio Inilimbag sa Pilipinas ng Department of Education Schools Division of the City of Batac Office Address: #16-S Quiling Sur, City of Batac, Ilocos Norte 2906 Telefax: (077) 677 1993 E-mail Address: batac.city@deped.gov.ph Bumuo sa Pagsusulat ng Modyul Tagalikom: Geraldine O. Lao-at, PhD Editor: Lovella J. Galut Eleonor B. Ramos Jhon Rey D. Ortal, EdD Tagasuri: Cristina G. Paculan Blesilda B. Antiporda Marites A. Sagun Aubrhey Marie R. Oasay, PhD John Ernest l. Medrano Cover Art Artist: Iris Gale T. Castro Tagaguhit: Rommel S. Villanueva Tagalapat: Geraldine O. Lao-at, PhD Tagapamahala: Joel B. Lopez, EdD, CESO V Aubrhey Marie R. Oasay, PhD Annie D. Pagdilao, EdD Jhon Rey D. Ortal, EdD Marilou B. Sales, EdD
- 3. Paunang Salita Para sa tagapagdaloy: Ang modyul na ito ay pinagtulungang inihanda ng mga edukador para gabayan ka, ang gurong tagapagdaloy, nang sa gayon ay matulungan mo ang mga mag-aaral na makamit ang pamantayang itinakda ng Kurikulum ng K to 12 habang kanilang pinananagumpayan ang pansarili, panlipunan, pang-ekonomiko at pangkalusugang hamon sa pag-aaral. Sa pamamagitan ng iyong paggabay, inaasahang ang tulong-aral na ito ay magamit ng mga mag-aaral sa mapatnubay at malayang pagkatuto ng mga gawain ayon sa kanilang kakayahan, bilis at oras. Naglalayon din itong matulungan ang mga mag-aaral upang makamit ang mga kasanayan ng pan-21 siglo habang isinasaalang-alang ang kanilang mga pangangailangan at kalagayan. Bilang tagapagdaloy, inaasahang bibigyan mo ng paunang kaalaman ang mag-aaral kung paano gamitin ang modyul na ito. Kinakailangan ding subaybayan at itala ang pag-unlad nila habang hinahayaan silang pamahalaan ang kanilang sariling pagkatuto. Bukod dito, inaasahan mula sa iyo na higit pang hikayatin at gabayan ang mag-aaral habang isinasagawa ang mga gawaing nakapaloob sa modyul.
- 4. Para sa mag-aaral: Ang modyul na ito ay ginawa bilang tugon sa iyong pangangailangan. Layunin nitong matulungan ka sa iyong pag-aaral habang wala ka sa loob ng silid-aralan. Hangad din nitong madulutan ka ng mga makabuluhang oportunidad sa pagkatuto. Ang sumusunod ay mahahalagang paalala sa paggamit ng modyul na ito: 1. Gamitin ang modyul na ito nang may pag-iingat. Huwag lalagyan ng anumang marka o sulat ang anumang bahagi ng modyul. Gumamit ng sagutang papel sa pagsagot sa mga pagsasanay. 2. Huwag kalimutang sagutin ang Subukin bago lumipat sa iba pang gawaing nakapaloob sa modyul. 3. Basahing mabuti ang mga panuto bago gawin ang bawat pagsasanay. 4. Obserbahan ang katapatan at integridad sa pagsasagawa ng mga gawain at sa pagwawasto ng mga kasagutan. 5. Tapusin ang kasalukuyang gawain bago pumunta sa iba pang pagsasanay. 6. Pakibalik ang modyul na ito sa iyong guro o tagapagdaloy kung tapos nang sagutin lahat ng pagsasanay. Kung sakaling ikaw ay mahirapang sagutin ang mga gawain sa modyul na ito, huwag mag-alinlangang konsultahin ang inyong guro o tagapagdaloy. Maari ka ring humingi ng tulong kay nanay o tatay, o sa nakatatanda mong kapatid o sinoman sa iyong mga kasama sa bahay na mas nakatatanda sa iyo. Laging itanim sa iyong isipan na hindi ka nag-iisa. Umaasa kami na sa pamamagitan ng modyul na ito, na makararanas ka ng makahulugang pagkatuto at makakakuha ka ng malalim na pang-unawa sa kaugnay na mga kompetensi. Kaya mo ito!
- 5. 1 Aming ligaya na pag may mang-aapi, ang mamatay ng dahil sa yo. Ito ang mga huling linya sa ating pambansang awit. Ito rin ang mga katagang pinandigan ng mga magigiting na bayaning lumaban para sa bayan. Ang modyul na ito ay naglalayong palawigin ang iyong kaalaman tungkol sa paksang Mga Natatanging mga Pilipinong Nakipaglaban para sa Kalayaan. Halina at tuklasin natin ang mga konseptong nakapaloob sa paksang ito. Makakatulong sa iyo ang mga gawain upang higit na maunawaan ang mga mahahalagang bagay na nag-udyok sa pagsisimula ng digmaan at ang mga pagbubuwis ng buhay na nangyari upang ipagtanggol ang bansa. Inaasahang matutuhan mo lahat ng mga aralin na inihanda para sa iyo hinggil sa paksang mga natatanging Pilipinong lumaban para sa kalayaan. Pinakamahalagang Kasanayang Pampagkatuto (MELC 7) Nabibigyang-halaga ang mga kontribusyon ng mga natatanging Pilipinong nakipaglaban para sa kalayaan Pagkatapos mapag-aralan ang modyul, inaasahang magawa mo ang mga sumusunod: naiisa-isa ang mga natatanging Pilipinong nakipaglaban para sa kalayaan; natutukoy ang mga mahahalagang kontribusyon ng mga natatanging Pilipinong nakipaglaban para sa kalayaan; nabibigyang-halaga ang mga kontribusyon ng mga natatanging Pilipinong nakipaglaban para sa kalayaan; at nakagagawa ng mga poster at sanaysay na hinggil sa mga bayani. Alamin
- 6. 2 Subukin Gawain 1: Magkaalaman Na! Panuto: Basahin at unawain ang bawat pangungusap. Isulat sa sagutang papel ang letra ng wastong sagot. Kung masagot mo lahat ang mga ito nang tama, maaari mo ng laktawan ang modyul na ito. 1. Sino ang pangulo ng Unang Republika ng Pilipinas? A. Emilio Aguinaldo C.Gregorio del Pilar B. Macario Sakay D. Miguel Malvar 2. Saan nahuli ng mga sundalong Amerikano si Emilio Aguinaldo? A.Batac, Ilocos Norte C.Palanan, Isabela B. Cervantes, Ilocos Sur D. La Trinidad, Benguet 3. Ang mga sumusunod ay mga bayaning nakipaglaban para sa kalayaan ng Pilipinas maliban sa isa. Sino siya? A. Emilio Aguinaldo C. Macario Sakay B. Gregorio del Pilar D. Manny Pacquiao 4. Paano ipinakita ni Gregorio del Pilar ang pagiging bayani? A. Pinamunuan niya ang Katimugang Luzon. B. Ipinanalo niya ang mga labanan sa Cavite. C. Ipinakita niyang hindi hadlang ang edad sa pagtatanggol sa bayan. D. Nakuha niya ang suporta ng masa at mas dumami ang tagasunod. 5. Bakit napilitang sumuko si Hen. Miguel Malvar sa mga hukbong Amerikano? A. Binayaran siya ng libo-libong dolyar. B. Kinalimutan na siya ng mga kapwa rebolusyonaryo. C. Pinangakoan siya ng magandang pwesto sa pamahalaan. D. Unti-unti nang nauubos ang kanilang mga kagamitan at pagkain. 6. Sino ang nagtatag ng Republikang Tagalog? A. Emilio Aguinaldo C. Macario Sakay B. Miguel Malvar D. Manny Pacquiao 7. Bakit tinawag si Gregorio del Pilar na bayani ng Pasong Tirad? A. Dito siya ipinanganak. C. Dito siya hinirang bilang heneral. B. Dito siya namatay habang nakikipaglaban. D. Dito siya nanirahan nang matagal 8. Paano mo bibigyang-kahulugan ang pagbansag kina Gregorio del Pilar at Emilio Aguinaldo bilang natatanging bayaning Pilipino? A. Marami silang naging kaibigan. B. Marami silang napatay na kalaban C. kung nagpakita siya ng katapangan sa pakikipaglaban D. kung may nagawa siyang kahanga-hanga para sa bayan 9. Alin sa mga sumusunod ang hindi nagpapakita ng pagpapahalaga sa mga bayaning Pilipino? A. Pagsamba sa kanila na parang santo C. Pagbabahagi sa kapwa ng kanilang kuwento. B. Pagsasabuhay sa mabubuting katangian nila. D. Pagbabasa sa mga kwento ng mga bayani. 10. Paano mo bibigyang-konklusyon ang katangiang ipinamalas ng mga natatanging bayaning Pilipino? A. Sila ay matapang. C. Sila ay marupok. B. Sila ay mapagtimpi. D. Sila ay mapagkawanggawa.
- 7. 3 Aralin 7 Mga Natatanging Pilipino na Nakipaglaban Para sa Kalayaan Hindi naging madali ang pagkamit ng kalayaan ng Pilipinas. Subalit, isang mahalagang guhit ng kasaysayan ang pagkakaroon ng mga huwarang Pilipino na nagtiis at nagbuwis ng buhay para tuluyang mapalaya ang bansa. Sila ang mga magigiting na kababayan nating dapat pamarisan upang higit na maging kapaki-pakinabang sa ating bayan. Balikan Gawain 2. Natatandaan Mo Ba? Panuto: Sagutin at isulat ang tamang sagot sa iyong sagutang papel. _______________1. Ang lugar kung saan namatay si Gregorio del Pilar. _______________2. Ang pangulo ng Pilipinas na pinatakas ni del Pilar. _______________3. Ang kasunduang nagsasaad na ipinagbili ng Espanya ang Pilipinas sa halagang 20 milyon dolyar. _______________4. Ang malagim na pangayaring kumitil sa buhay ng mga taga-Samar _______________5. Ang nagpaputok sa dalawang kawal na dumadaan sa Kalye Silencio at Sociego. Tuklasin Gawain 3. Kantahan Tayo! Panuto: Awitin natin ang kantang Noypi at pagmasdan ang larawan sa susunod na pahina. Pagkatapos, sagutin ang mga pamprosesong tanong sa iyong sagutang papel. I. Tingnan mo ang iyong palad Kalyado mong kamay sa hirap ng buhay Ang dami mong problema Nakuha mo pang ngumiti Noypi ka nga astig Saan ka man naroroon Huwag kang matatakot Sa Baril o Patalim Sa bakas na madilim... May agimat ang dugo ko... Chorus: Hoy, Pinoy ako! Buo aking loob, may agimat ang dugo ko Hoy, oh pinoy ako! May agimat ang dugo ko...
- 8. 4 Pamprosesong Tanong: 1. Ayon sa kanta, paano mo mailalarawan ang isang Pinoy? 2. Taglay rin kaya ng nasa larawan ang mga katangiang ito? 3. Sino ang bayaning nasa larawan? 4. Saan mo madalas makita ang monumentong ito? 5. Bakit kaya siya may monumento? Ano ang kanyang ginawa? Halinat kilalanin pa natin kung sino ang mga kasama niyang nakipaglaban para sa kalayaan. Suriin Mga Natatanging Pilipino sa Panahon ng Digmaan Maraming Pilipino ang nakilahok sa pakikipaglaban sa mga Espanyol at Amerikano para makamit ng Pilipinas ang kaniyang kalayaan. Dugo at pawis ang kanilang ipinuhunan kung kaya naman, tinatamasa natin ngayon ang pinakaaasam-asam nilang kalayaan. Sila ang mga bayaning dapat tularan. Emilio Aguinaldo Si Emillio Aguinaldo ay ipinagmamalaki ng Cavite. Pinamunuan niya ang Cavite at ang Pilipinas laban sa mga Espanyol. Noong Pebrero 17,1897, nagapi niya si Camilo de Polavieja sa labana n nila sa Zapote. Nang mamatay si Bonifacio, pinamunuan niya ang pamahalaang rebolusyonaryo hanggang ipahayag niya ang kalayaan ng Pilipinas noong Hunyo 12, 1898. Siya rin ang naging unang pangulo ng unang Repubika ng Pilipinas. Nakipaglaban siya sa mga Amerikano hanggang sa tuluyan na isyang mahuli sa Palanan, Isabela. II. Sinisid ko ang dagat Nilibot ko ang mundo Nasa puso ko pala hinahanap kong gulo Ilang beses na akong muntikang mamatay Oh, alam ko ang sikreto kaya't andito pa't buhay Oh sabi nila may anting anting ako pero di nila alam na Diyos ang dahilan ko... Chorus: Hoy, pinoy ako! Buo aking loob, may agimat ang dugo... Hoy, oh pinoy ako! May agimat ang dugo ko... Ohh... ooohh... May agimat ang dugo ko...
- 9. 5 Gregorio del Pilar Si Gregorio del Pilar ay isa sa mga pinakabatang heneral sa kasaysayan ng rebolusyon. Pinamunuan niya ang rebolusyonaryong puwersa sa mga lalawigan ng Nueva Ecija at Bulacan. Nilusob niya ang puwersang Kastila sa Bulacan at di kalaunay nagtagumpay siyang pasukuin ang mga ito sa kaniyang pamamahala. Kasama ng kanyang mga tauhan, pumunta sila sa Kalookan at Maynila upang tulungan ang puwersa ng mga rebolusyonaryo doon. Noong ika-2 ng Disyembre, 1899, nakipaglaban siya, kasama ang kaniyang mga kapwa rebolusyonaryo, sa Pasong Tirad upang makatakas si Aguinaldo. Miguel Malvar Si Miguel Malvar ay tubong Batangas. Pinangunahan niya ang pananalakay sa Talisay, Batangas. Siya ang nanguna sa labanan sa Magallanes, Bailen, Indang, at Alfonso sa lalawigan ng Cavite. Itinalaga siya bilang isang heneral sa Batangas dahil sa pagkakabuo ng rebolusyonaryong pamahalaan ni Aguinaldo. Noong Digmaang Pilipino-Amerikano, naatasan siyang maging sangay na heneral sa mga probinsiya sa may Katimugang Luzon. Noong 1901, siya ang namahala sa puwersa ng mga Pilipino samantalang si Aguinaldo ay sumuko na. Macario Sakay Si Macario Sakay ay ipinanganak noong 1870 sa Tondo, Manila. Kalaunan, siya ang naging pangulo ng sangay sa Dapitan. Nang madakip si Aguinaldo noong 1901, ipinagpatuloy niya ang kaniyang mga ipinaglalaban. Itinatag niya ang Republika ng Katagalugan at hinirang niya ang sarili bilang pangulo nito. Sa panahon ng mga Amerikano, muli niyang binuhay ang Katipunan at nagdagdag siya ng mga bagong kasapi. Gumamit siya ng mga taktikang gerilya at mga biglaang pananalakay sa kaniyang mga paglusob sa mga Amerikano. Nakuha niya ang suporta ng masa at lalo pang dumami ang kaniyang mga tagasunod.
- 10. 6 Pagyamanin Gawain 4. Sino Ba Sila? Panuto: Kilalanin ang mga bayani sa ibaba. Isulat ang kanilang pangalan at ang kanilang nagawang kabayanihan para sa bayan sa iyong sagutang papel. 1. 2. 3. 4. Gawain 5. Matinding Hugot Para sa Matinding Tao Panuto: Gumawa ng limang hugot lines upang maipakita ang pagpapahalaga sa mga bayaning nakipaglaban para sa kalayaan.Isulat sa sagutang papel. Halimbawa: Alam mo bayani, para kang Riverside Empanadaan. Kase, yung kuwento mo, ang sarap balik-balikan! Gawain 6. Pagkilala sa mga Bayani ng Ilocandia Panuto: Magsaliksik o mag-interview sa mga nakatatanda. Ilista ang mga bayaning Pilipino na taga-Ilocos Norte na nakipaglaban din para sa kalayaan ng Pilipinas. Sa tapat ng kanilang pangalan ay isulat ang kabayanihan na kanilang ipinamalas. Isulat ito sa iyong sagutang papel. Isaisip Gawain 7. Pag-isapan Mo! Panuto: Narito ang mga kaisipang nararapat nating tandaan. Punan ang patlang ng tamang sagot. Isulat ito sa iyong sagutang papel. Pagkatapos ay awitin ito sa saliw ng kantang Ang Mga Ibon. May mga (1) __________ na natatangi sa Pilipinas. Emilio (2)_________, Gregorio (3)__________, o Miguel (4)__________, Macario (5)__________, mga huwaran. Dapat silang tularan, huwag kalilimutan.
- 11. 7 Isagawa Gawain 8. Alay sa Iyo, Bayani! Panuto: Gumawa ng islogan para sa mga bagong bayani na nakikipaglaban sa pandemyang kinakaharap natin sa ngayon- ang mga frontliners. Ipakita ang pagpapahalaga sa kanilang katangi-tanging mga kontribusyon para mapalaya tayo sa panganib na dala ng COVID-19. Isaalang alang ang rubrics sa nasabing gawain. Ilagay ito sa isang bond paper. Pamantayan Deskripsyon Puntos Orihinalidad at Kalinawan ng Mensahe (Clarity) Orihinal at malinaw ang mensahe 4 Orihinal at medyo malinaw ang mensahe. 3 Hindi orihinal ngunit malinaw ang mensahe. 2 Hindi orihinal at hindi rin malinaw ang mensahe. 1 Kalinisan (Cleanliness) Napakalinis ng pagkakagawa. 3 Medyo malinis ang pagkakagawa. 2 Hindi malinis ang pagkakagawa. 1 Pagkamalikhain (Creativity) Sobrang kaakit-akit ang ayos at kombinasyon ng mga kulay. 3 Medyo kaakit-akit ang ayos at kombinasyon ng mga kulay. 2 Hindi kaakit-akit ang ayos at kombinasyon ng mga kulay. 1 TOTAL 10 Tayahin Gawain 9. Anong Natutuhan Mo? Panuto: Basahin at unawain ang bawat pangungusap. Isulat sa sagutang papel ang titik ng wastong sagot. 1. Sino ang nakipaglaban noong ika-2 ng Disyembre, 1899, kasama ang kaniyang mga kapwa rebolusyonaryo sa Pasong Tirad upang makatakas si Aguinaldo? A. Emilio Aguinaldo C.Gregorio del Pilar B. Macario Sakay D.Miguel Malvar 2. Sino ang nanguna sa kaniyang mga kawal sa labanan sa Magallanes, Bailen, Indang, at Alfonso sa lalawigan ng Cavite? A. Emilio Aguinaldo C.Gregorio del Pilar B. Macario Sakay D.Miguel Malvar 3. Sino ang nagtatag ng Republika ng Katagalugan at muling nagtatag ng Katipunan? A. Emilio Aguinaldo C.Gregorio del Pilar B. Macario Sakay D.Miguel Malvar
- 12. 8 4. Bakit isa sa mga natatanging bayaning Pilipino si Emilio Aguinaldo? A. Nagtatag siya ng Katipunan. B. Bayani siya ng Pasong Tirad. C. Huli siyang sumuko sa mga Amerikano. D. Nanguna siya sa pagpapalaya ng Pilipinas. 5. Bakit isa sa mga natatanging bayaning Pilipino si Gregorio del Pilar? A. Pinamunuan niya ang Katimugang Luzon. B. Ipinanalo niya ang mga labanan sa Cavite. C. Ipinakita niyang hindi hadlang ang edad sa pagtatanggol sa bayan. D. Nakuha niya ang suporta ng masa at mas dumami ang tagasunod. 6. Bakit isa sa mga natatanging bayaning Pilipino si Miguel Malvar? A. Pinangunahan niya ang pagbuo ng kongreso. B. Nilusob niya ang puwersang Kastila sa Bulacan. C. Naging pangulo siya ng sangay sa Dapitan sa Mindanao. D. Patuloy siyang nakipaglaban kahit sumuko na ang pangulo. 7. Bakit isa sa mga natatanging bayaning Pilipino si Macario Sakay? A. Nagtatag siya ng samahang Magdalo. B. Nakiisa siya sa mga katipunero sa Cavite. C. Nagtatag siya ng Republika ng Katagalugan. D. Nilabanan niya hanggang wakas si Peyton March. 8. Sa panahon ng mga Amerikano, muling binuhay ni Macario Sakay ang Katipunan at nagdagdag siya ng mga bagong kasapi. Anong diwa o pagpapahalaga ang ipinakita rito ni Macario Sakay? A. kalinisan B. katapangan C. pagtanaw ng utang na loob D. pagpapatuloy ng paniniwala 9. Paano masasabing natatangi ang isang bayaning Pilipino? A. kung marami siyang napatay na kalaban B. kung matagal siyang nakipaglaban para sa bayan C. kung nagpakita siya ng katapangan sa pakikipaglaban D. kung may nagawa siyang kahanga-hanga para sa bayan 10. Paano mo maipakikita ang pagpapahalaga sa mga bayaning Pilipino? A. Mangolekta ng mga larawan nila. B. Makipaglaban din sa mga dayuhan. C. Sambahin silang parang mga santo. D. Isabuhay ang mabubuting katangian nila.
- 13. 9 Karagdagang Gawain Gawain 10. Bayani ng Buhay Ko Panuto: Pumili ng isang bayani na iniidolo mo. Idikit mo ang kanyang larawan sa isang bondpaper. Ipakilala siya at ipaliwanag kung bakit mo siya itinuturing na isang bayani. Ibigay ang mga katangi-tanging nagawa niya. Pamantayan Deskripsyon Puntos Kawastuan ng mga Impormasyon (Conciseness) Lahat ng mga impormasyong inilagay ay tama. 4 May 1-2 impormasyong inilagay na hindi tama. 3 May 3-4 impormasyong inilagay na hindi tama. 2 May 5 o mas marami pang impormasyong inilagay na hindi tama. 1 Kaayusan (Cohesion) Konektado lahat ang mga pangungusap sa bawat talata. 3 May 1 - 3 pangugusap na hindi konektado 2 May 4 o mas marami pang pangungusap na hindi konektado. 1 Kalinawan ng Mensahe (Clarity) Napakalinaw ng mensahe. 3 Medyo malinaw ang mensahe. 2 Hindi malinaw ang mensahe. 1 TOTAL 10
- 15. 11 Sanggunian Aklat Agno, Lydia, Tadena, Rosita, Balonso, Celinia, dela Cruz, Marvie. 2016.Kultura,Kasaysayan, at Kabuhayan 6. Philippines: Vibal Group, Inc Conde-Bebis, Kristine. & Luczon, Tristan ALbert. 2016. Linangan ng Diwa 6. Philippines: PLL Publishing House Tuico, Amelia. 2017. Yaman ng Lahi 6. Quezon City: JFC Publishing House, Inc Online video PolyEast Records. 2016 .Bamboo - Noypi withLyrics, 2016. Youtube video,4:24. From As the Music Plays Band. Posted October 11, 2016. https://www.youtube.com/watch?v=a9chWuTWN-s Webpage Quipper. n.d. Mga Natatanging Pilipino sa Panahon ng Digmaan. Accessed July 25, 2020. https://tinyurl.com/y255dd8.
- 16. 12 Para sa mga katanungan o puna, sumulat o tumawag sa: Department of Education Schools Division of the City of Batac #16-S Quiling Sur, City of Batac, Ilocos Norte 2906 Telefax: (077) 677 1993 Email Address: batac.city@deped.gov.ph