![ap6 batas militar [Autosaved].pptx](https://cdn.slidesharecdn.com/ss_thumbnails/ap6batasmilitarautosaved-230503031647-2067f37e-thumbnail.jpg?width=560&fit=bounds)
More Related Content
Similar to pamahalaang militar at sibil------2.pptx (20)
More from Mae Cristian Marie Paminsan (6)
Recently uploaded (18)
pamahalaang militar at sibil------2.pptx
- 1. PATAKARANG IPINATUPAD SA PANAHON NG MGA AMERIKANO A. PATAKARANG PASIPIKASYON (PANUNUPIL)
- 2. Isulat sa sagutang papel ang salitang Tama kung tama ang isinasaad ng pangungusap. Isulat ang Mali kung ito ay mali at palitan ang salitang may salungguhit upang maitama ang pangungusap. 1. Si Heneral Wesley Meritt ang kauna-unahang gobernador-sibil sa bansa. 2. Sa pamahalaang militar, ang pinuno ay ang gobernador militar na kung saan ang kapangyarihan niya ay tagapagpaganap, tagapagpatibay ng batas, at tagapaghukom. 3. Sa ilalim ng pamahalaang sibil, ang mga Pilipino ay nabigyan ng pagkakataon na makalahok sa pamahalaan. 4. Ang mga Pilipino ay hindi pinayagan ng mga Amerikano na mamahala sa sariling bansa kahit sila ay may sapat ng kaalaman. 5. Naunang naitatag ang pamahalaang sibil bago ang pamahalaang militar.
- 3. A. PATAKARANG PASIPIKASYON (PANUNUPIL) - Ito ay mga patakaran at batas upang masupil ang mga diwang makabayan ng mga Pilipino. Nagpatupad din ang mga Amerikano ng mga batas na puspusang tumugis at nagpataw ng mabigat na kaparusahan sa kanila.
- 4. 1. Batas Sedisyon- Ito ay batas na nagpapataw ng parusang kamatayan o habambuhay na pagkabilanggo sa mga taong nagpapahayag ng paglaban at pagpuna sa pamahalaan at pangangasiwa ng mga Amerikano.
- 5. 2. Batas Brigansiya- Ito ay nagpalaganap ng katawagang Bandido o Ladrones (magnanakaw) sa mga Pilipinong rebolusyonaryo. Dahil dito, dinakip ang sinumang mapaghinalaang naghangad ng kanilang sariling pamahalaan. Kabilang sa mga naging biktima ng batas na ito si Macario Sakay, na nagtatag ng Republika ng Katagalugan sa Timog Luzon.
- 6. 3. Batas Rekonsentrasyon- Sa batas na ito, binigyang awtoridad ng Gobernador Heneral ng Amerika ang mga gobernador na ilipat o irekonsentra ang mga residente ng mga bayan at lalawigan. Pinaniniwalaan na pinamumugaran ng mga rebelde o ladrones (magnanakaw) ang malaking bayan ng munisipyo. Ito ang naging mabisang paraan upang dakpin ang mga rebeldeng pinuno at ilayo sa simpatiya at tulong ng mga
- 7. 4. Batas Ukol sa Watawat- Ito ay nauukol sa pagbabawal ng pagwagayway o paglabas ng lahat ng bandila, banderitas, sagisag o anumang ginamit ng mga kilusan laban sa pamahalaang Amerikano. Nagbago ang kaisipan ng mga Amerikano at pinayagang gamitin ng mga Pilipino ang sariling watawat sa anumang okasyon matapos ang pag- amenda sa batas makalipas ang labindalawang taon.
- 8. B. PATAKARANG KOOPTASYON (PILIPINISASYON) Ito ay naglalayong unti-unting sanayin ang mga Pilipino na maging kawani ng pamahalaan. Binuo ang patakarang ito upang higit pang mapatatag ang patakarang pampulitika at pangkabuhayan sa unang dekada ng kanilang pananakop.
- 9. 1. Reorganisayon ng Pamahalaan Iniutos ni Pangulong William McKinley ang paglalagay ng mga Pilipinong kawani sa mga Pamahalaang Munisipal sa pamamagitan ng pagboto. Ang mga Ilustrado ang karaniwang nahalal sa posisyon ng Pamahalaang Munisipal.
- 10. Mga kwalipikasyon ng mga botante : lalaking may edad 20-30 gulang naninirahan ng higit kumulang anim na buwan sa lugar na pagbobotohan nakahawak na ng lokal na posisyon sa bayan may ari-arian na may halagang P500.00 nagbabayad ng taonang buwis na P30.00 higit sa lahat, nakababasa, nakasusulat at nakapagsasalita ng Ingles
- 11. 2. Philippine Organic Act Nilayon nito ang pagkakaroon ng isang lehislatura na bubuuin ng Mababang Kapulungan at mataas na Kapulungan. Ang Mababang Kapulungan ay tatawaging Asembliya ng Pilipinas na inihalal ng mga botanteng Pilipino at tatawaging Komisyon ng Pilipinas ang Mataas na Kapulungan na may pananagutan sa pagpapasa ng mga batas na may relasyon sa Pilipinong Muslim at Katutubo.
- 12. 3. Unang Halalan sa Asembliya Ang pinakaunang halalan sa Asembliya ay nangyari noong Hulyo 1907. Ito ay pinasiyaanan noong Oktubre 22,1907 sa Manila Grand Opera House. Nahalal si Sergio Osmena Sr. bilang Ispiker at si Manuel L. Quezon bilang Lider ng Mayorya.
- 13. 4. Pagbili ng mga Lupain ng mga Prayle Binili ng mga Amerikano ang naglalakihang lupain na pag-aari ng mga prayleng Kastila. Ang mga nabiling lupain ay naipagbili sa mga Pilipinong kasama sa bukid ngunit mas malaking bahagi ang naipagbili sa mga maykaya at dati ng may maraming lupa. Kasama rin sa kasunduan na unti-unting mapalitan ng mga Pilipino ang mga Kastilang pari sa praylokasya.
- 14. 5. Pagbabago sa Sistema ng Edukasyon Sa Patakarang Kooptasyon, kaagad na itinatag ng mga Amerikano ang sistema ng edukasyon noong nasiguro na nila na nasakop na ang bansang Pilipinas. Pinalawak ng mga Amerikano ang libreng edukasyon at paggamit ng Wikang Ingles bilang midyum sa pakikipagtalakayan.
- 15. URI NG PAMAHALAANG IPINATUPAD SA PANAHON NG MGA AMERIKANO
- 16. Pamahalaang Militar Itinatag ng mga Amerikano ang Pamahalaang Militar noong Agosto 14,1898. Ito ay pinamunuan ng gobernador militar na may kapangyarihang tagapagbatas, tagapagpaganap, at tagapaghukom.Ipinatupad ang patakarang pasipikasyon.Walang karapatan o kapangyarihan ang mga tao kung idineklara ito sa isang lugar.Pinatawan ng mabigat na kaparusahan ang sino mang Pilipinong nagkasala.Nang nagkaroon ng kapayapaan at katiwasayan ang bansa inilipat sa pamahalaang sibil ang pamahalaang militar at ang kapangyarihang ehekutibo ay inilipat sa gobernador sibil.
- 17. Itinatag ang pamahalaang ito upang tuluyang wakasan ang panganib na dulot ng mga Pilipinong patuloy na nakikipaglaban at makapagdala ng kaayusan at kapayapaan sa Pilipinas. Ang kautusang pagbuo ng pamahalaang militar ay nagmula kay Pangulong William McKinley. Si Heneral Wesley Meritt ang kauna-unahang goberndaor-militar na sinundan nina Heneral Elwell Otis at Heneral Arthur McArthur.Tatlong taon lamang ang itinagal ng pamahalaang ito.
- 18. Pamahalaang Sibil Pinamunuan ito ng gobernador sibil na may kapangyarihang ehekutibo o tagapagpaganap na lamang dahil sa ang kapangyarihang lehislatibo ay saklaw ng tungkulin ng Komisyong Pilipino at ang hudisyal ay saklaw ng kapangyarihan ng hukuman. Naibigan ito ng ilang mga Pilipino dahil binigyan sila ng pagkakatong makibahagi sa pamumuno sa pamahalaan at umasang matamo ang kasarinlan.
- 19. Ang Susog Spooner na ipinanukala noong 1901 ni Sendaor John Spooner ang nagbigay-daan upang palitan ang pamahalaang militar sa pamahalaang sibil. Ito ay pinasinayaan noong Hulyo 4, 1901 at itinalaga si William Howard Taft bilang gobernador-sibil. Sa pamahalaang ito, nabigyan ng pagkakataon ang mga Pilipino na makalahok sa pamahalaan.
- 20. Sagutan ang mga sumusunod na katanungan. Isulat ang makabuluhang sagot sa sagutang papel. 1. Bakit nauna ang pagtatatag ng pamahalaang militar bago ang pamahalaang sibil? 2. Ano-ano ang dalawang patakarang ipinatupad ng mga Amerikano sa bansa? Ano ang pagkakaiba nila sa isat isa? 3.Sa panahon ng pandemya ng Covid-19,anong batas ang ipinatupad ng pamahalaan upang mapababa ang bilang ng mga pasyente na nakakapitan ng bayrus?
- 21. Isulat ang konsepto na inilalarawan sa bawat bilang. Isulat ang tamang sagot sa sagutang papel. 1. Itinatag ang pamahalaang ito upang supilin ang mga Pilipinong patuloy na nakikipaglaban sa bansa. 2. Ipinatupad ang batas na ito upang masukol ang mga gerilyang nagtatago sa mga liblib na pook o pamayanan. 3. Ipinatupad ito upang pumayag ang mga Pilipino na manumpa ng katapatan sa mga Amerikano. 4. Ipinanukala ang susog na ito na nagbigay-daan upang palitan ang pamahalaang militar sa pamahalaang sibil. 5. Kaparusahang kamatayan o mahabang pagkabilanggo ang sinumang lumabag sa batas na ito.
- 22. Isa-isahin ang hinihingi ng mga sumusunod. Isulat ang tamang sagot sa sagutang papel. 1-2. Uri ng pamahalaan 3-5. Mga naging gobernador-militar sa bansa 6-7. Dalawang patakaran na ipinatupad sa bansa 8-10. Mga batas na ipinatupad sa patakarang pasipikasyon
- 23. Punan ng sagot ang patlang. Isulat ang tamang sagot sa sagutang papel. 1. Ang kautusang pagbuo ng pamahalaang militar ay nagmula kay _____________________. 2. Si ____________________ ang itinalagang gobernador sibil sa pamahalaang sibil. 3. Sa _______________ ipinagbawal ang pagwawagayway ng bandilang Pilipino sa anumang pagkakataon o saan mang lugar sa bansa. 4. ___________ taon lamang ang itinagal ng pamahalaang militar. 5. Ipinatupad ang _______________ na may layuning supilin ang damdaming nasyonalismo ng nakararaming Pilipinong patuloy na nakikipaglaban para makamit ang ganap na kalayaan sa bansa.