More Related Content
What's hot (20)
Similar to ,,ბოშები” გაკვეთლის ანგარიში (20)
More from mziaegiashvili (20)
,,ბოშები” გაკვეთლის ანგარიში
- 1. ახალციხის 1-ლი საჯარო სკოლის ქართული ენისა და ლიტერატურის მასწავლებლის მზია ეგიაშვილის ანგარიში შემაჯამებელი გაკვეთილის ჩატარების შესახებ ქართულ ლიტერატურაში გაკვეთილის ჩატარების თარიღი: 27. 04. 2013წ. სკოლა: ახალციხის 1-ლი საჯარო კლასი: VIII-ბ ძირითადი თემა: ნოდარ დუმბაძის ,,ბოშები” მისაღწევი შედეგები თავდაპირველი გეგმის მიხედვით: მიმართულება: ზეპირმეტყველება ქართ. VIII. 1. მოსწავლეს შეუძლია კონკრეტულ საკითხებზე მსჯელობის მოსმენა და საკუთარი თვალსაზრისის წარმოდგენა აუდიტორიის წინაშე. მსჯელობს სათანადო არგუმენტაციის მოხმობით და თანამიმდევრულად ავითარებს თავის მოსაზრებას; ქართ. VIII. 2. მოსწავლეს შეუძლია ორატორის გამოსვლის მოსმენა და მისი შეფასება საკომუნიკაციო ამოცანისა და აუდიტორიის გათვალისწინებით. მიმართულება: კითხვა ქართ. VIII. 9. მოსწავლეს შეუძლია კითხვის მიზნის შესაბამისი სტრატეგიების გამოყენება. აზუსტებს ტექსტებში მოწოდებული ინფორმაციის სანდოობას (გადაამოწმებს ინფორმაციას ენციკლოპედიაში, ლექსიკონებში); მიმართულება: წერა ქართ. VIII. 10. მოსწავლეს შეუძლია წერილობით გადმოსცეს საკუთარი თვალსაზრისი, იმსჯელოს კონკრეტულ საკითხზე სათანადო არგუმენტების მოხმობით. ფაქტებზე, სტატისტიკურ მონაცემებზე, სხვადასხვა წყაროზე (ენციკლოპედია, ლექსიკონები, ბეჭდვითი და ელექტრონული საინფორმაციო საშუალებები) დაყრდნობით განსაზღვრავს პრობლემას, წერილობით აყალიბებს მოსაზრებას, შეარჩევს ამ მოსაზრების განმამტკიცებელ არგუმენტებს; საკვანძო მეთოდები/სტრატეგიები:
- 2. კითხვა-პასუხის მეთოდი ( მოსწავლეების მოტივაციის ამაღლება, განწყობის შექმნა); სწავლების დიდაქტიკური მეთოდი- ვიზუალიზაცია, თვალსაჩინოების გამოყენება (მოსწავლეები აჩვენებენ სლაიდ-შოუს ბოშათა ცხოვრების შესახებ); სასწავლო კვლევა (რეფერატების შედგენა და გამოკვლეული მასალის განთავსება; წინასწარ ჩატარებული კვლევის შედეგების პრეზენტაცია ბოშათა ცხოვრებასთან დაკავშირებით); ჯგუფური მუშაობის შეფასების, ურთიერთშეფასებისა და თვითშეფასების მეთოდი (მოსწავლეები აკეთებენ განმსაზღვრელ შეფასებებს წინასწარ დარიგებული რუბრიკების საშუალებით). ძირითადი სასწავლო რესურსები: ტექნიკა- ინსტრუმენტები: კომპიუტერი, პროექტორი, ციფრული ფოტოაპარატი,ციფრული ვიდეოკამერა, DVD დისკი; გამოყენებული მასალა: ცარცი, დაფა; ინფორმაციული წყაროები: მშობლიური ლიტერატურა VIII კლასის სახელმძღვანელო. ავტორ-შემადგენელნი: ვახტანგ როდონაია (ჯგუფის ხელმძღვანელი), ნინო ნაკუდაშვილი, ავთანდილ არაბული, მარინე ხუციშვილი. (გამომცემლობა ,,სწავლანი” 2008წ.) გაკვეთილის შედეგები გაკვეთილი ძალიან შინაარსიანად წარიმართა და შედეგიც სახარბიელო მივიღეთ. გაკვეთილი იყო სამფაზიანი. A ფაზაში (გამოწვევა) მოსწავლეთა გაკვეთილში ჩასართავად და მოტივაციის ასამაღლებლად გამოვიყენე კითხვა- პასუხის მეთოდი, განმსაზღვრელი შეფასებისთვის დავურიგე შეფასების რუბრიკები, რომლებიც გამოიყენეს გაკვეთილის დასასრულს. მოსწავლეებმა წარმოადგინეს ბოშათა ცხოვრების შესახებ წინა გაკვეთილზე შევსებული სქემა: ,,ვიცი, მინდა ვიცოდე, გავიგე”, (მათ მხოლოდ 2 გრაფა: ,,ვიცი და მინდა ვიცოდე” ჰქონდათ შევსებული.) ჯგუფები მოემზადნენ, გააკეთონ თავიანთი მოძიებული მასალების პრეზენტაციები ბოშების შესახებ. B ფაზაში (ცოდნის კონსტრუირება) - გამოვიყენეთ სწავლების დიდაქტიკური მეთოდი- ვიზუალიზაცია, თვალსაჩინოების გამოყენება. მოსწავლეებმა აჩვენეს სლაიდშოუ ბოშათა ცხოვრების შესახებ Power Point-ის გამოყენებით. 1-ლი ჯგუფი: ბოშათა ისტორია; მე-2 ჯგუფი: ბოშების საცხოვრებელი გარემო, საქმიანობა და მათი უცხოური სახელწოდებები; მე-3 ჯგუფი: ფოლკლორი,ენა და ენის წარმოშობა; მე-4 ჯგუფი: ტრადიციები, ქორწილი, რელიგია და რწმენა- წარმოდგენები; მე-5 ჯგუფი: ნაციონალური სიმბოლოები, ჩაცმულობა, ბოშების წარსულის გადმონაშთები, ბოშათა ცხოვრება დღეს.
- 3. სასწავლო კვლევის მეთოდის მიხედვით, მოსწავლეებმა წარმოადგინეს რეფერატები, რომლებშიც მათ მიერ გამოკვლეული მასალები იყო განთავსებული ბოშათა ცხოვრების შესახებ, თან დაურთეს ფოტო-გალერეა. მოსწავლეებმა დაამუშავეს ის საკითხები, რომლებიც აინტერესებდათ მათ. მოსწავლეებმა ძირითადად მასალები მოიძიეს ინტერნეტიდან, ასევე გადაიკითხეს პუშკინის პოემა ,,ბოშები”, ბოშური ზღაპრები: როგორ გაიფანტნენ ბოშები დედამიწის ზურგზე, როგორ ირჩევდნენ ბოშები საცოლეებს, და ა. შ. მოსწავლეებმა თავიანთი გამოკვლეული მასალის შესახებ გააკეთეს პრეზენტაციები, რომლებიც შექმნილი იყო Power-Point-ში. ერთმანეთს გააცნეს მოპოვებული საინტერესო საკითხები ბოშების შესახებ და თავდაჯერებით შეავსეს ცხრილის დარჩენილი მესამე გრაფა- ,,გავიგე” და წარმოადგენენ; C ფაზაში (გამთლიანება)-კლასში ჯგუფებმა წინასწარ დარიგებული რუბრიკების საშუალებით და მოახდინეს თვითშეფასება და ჯგუფების მუშაობის შეფასება. მე კმაყოფილი დავრჩი მიღწეულით, განსაკუთრებით მომეწონა ის, რომ ჯგუფებმა მუშაობაში ჩართეს ყველა წევრი, ისინიც კი, ვისაც სხვა დროს თავი არ გამოუჩენია აქტიურობით. მოსწავლეებმა გამოამჟღავნეს მოსმენის კულტურა, პატივს სცემდნენ ერთმანეთის აზრს, მოსწავლეები გაეცნენ ბოშათა ცხოვრებას მოძიებული მასალის მიხედვით; აუდიტორიის წინაშე წარმოადგინეს თავიანთი თვალსაზრისი; მსჯელობას განამტკიცებდნენ არგუმენტებით; შეძლეს საკუთარი აზრის გამოხატვა; გაკვეთილზე მოსწავლეებს განუვითარდათ შემდეგი უნარ-ჩვევები: ინფორმაციის მოპოვება და ორგანიზება; კვლევის ჩატარება; შემოქმედებითი უნარი; თვალსაჩინოებების შექმნა და გამოყენება; სლაიდ-შოუს მომზადება და ჩვენება Power Point-ის გამოყენებით; ჯგუფში მუშაობა- თანამშრომლობა; პრეზენტაციისას- ორატორობის უნარ-ჩვევები; განმსაზღვრელი ჯგუფური მუშაობის შეფასების უნარ-ჩვევები. 30 ნოემბერი, 2013 წელი.