More Related Content
What's hot (20)
Similar to ESP 4 - Maging Mahinahon sa Lahat ng Pagkakataon.pdf (20)
More from Jay Cris Miguel (6)
Recently uploaded (20)
ESP 4 - Maging Mahinahon sa Lahat ng Pagkakataon.pdf
- 1. SECOND QUARTER EDUKASYON SA PAGPAPAKATAO JAY CRIS S. MIGUEL
- 3. Suriin ang mga larawan sa mga susunod na slides at sagutin ang mga tanong tungkol sa mga ito.
- 9. Ano ang iyong naramdaman sa mga nakita mong larawan?
- 10. Dapat bang tularan ang iyong mga nakita sa mga larawan?
- 11. Sa iyong palagay, bakit kaya nagkakaroon ng mga ganitong hindi pagkakaunawaan o pagtatalo?
- 12. May naidudulot bang maganda ang mga nakita mo sa mga larawan?
- 13. Maging Mahinahon sa Lahat ng Pagkakataon
- 14. Pagkatapos ng araling ito, ang mga mag-aaral ay inaasahang nakapagpapakita ng pagkamahinahon sa damdamin at kilos ng kapwa tulad ng: • pagtanggap ng sariling pagkakamali at pagtutuwid nang bukal sa loob • pagtanggap ng puna ng kapuwa nang maluwag sa kalooban • pagpili ng mga salitang di- nakasasakit ng damdamin sa pagbibiro
- 15. Minsan may mga pagkakataong masusubok ang ating pagiging mahinahon. Ito ay maituturing na isang hamon sa ating kakayahan na kontrolin ang ating sarili sa galit, kawalan ng pasensiya at pang-unawa.
- 16. Dahil dito, marapat na matutuhan natin ang tamang paraan ng pagtanggap ng ating pagkakamali at ang pagiging bukas ng ating isipan sa mga paraan ng pagtutuwid nito.
- 17. Nararapat na ito ay bukal sa ating kalooban. Ang pagpili ng mga salitang ating gagamitin, lalo na sa ating pagbibiro, ay dapat din nating isaalang- alang. Hindi dapat ito makasasakit sa damdamin ng ating kapuwa.
- 18. Si Ken at ang Nabasag na Plorera Isinulat ni: Agnes D. Nocos
- 19. Papasok na sa paaralan si Ken, at sa kaniyang pagmamadali ay nasagi niya ang malaking plorerang nakalagay malapit sa pintuan ng kanilang bahay.
- 20. At dahil nagmamadali na siya, hindi na niya nakuhang ayusin at damputin ang nabasag na plorera. Ni hindi niya sinagot ang kaniyang nanay kung ano ang nabasag, na noo’y nasa kusina.
- 21. Pag-uwi niya sa bahay, tinanong siyang muli ng kaniyang nanay kung bakit at paanong nabasag ang plorera.
- 22. Sa umpisa, atubili si Ken at medyo takot na umamin sa kaniyang nanay tungkol sa nabasag na plorera.
- 23. Pero sa patuloy na pagtatanong nito, inamin din niya na hindi niya sinadyang masagi at mabasag ang plorera. Iyon ay dahil lamang sa kaniyang pagmamadali.
- 24. Dahil nakatayo pa rin ang nanay sa kaniyang harapan na tila ba may hinihintay pang paliwanag mula sa kaniya, hindi na nagdalawang–isip na humingi ng paumanhin si Ken sa pagkabasag ng plorera.
- 25. Agad namang tinanggap ng kaniyang nanay ang paghingi niya ng paumanhin at pinayuhan siya nito na sa susunod ay gumising nang maaga upang hindi palaging nagmamadali at maiwasan na may masayang na gamit.
- 26. Napayakap na lamang siya sa kaniyang nanay, tanda na tinatanggap niya ang kaniyang pagkakamali at ng pagsunod sa payo ng nanay na maiwasan ang palaging pagmamadali.
- 27. MGA KATANUNGAN: 1. Kung ikaw si Ken iiwanan mo na lang ba ang nabasag na plorera? Bakit? 2. Gaya ni Ken, aaminin mo ba ang nagawa mong pagkakamali? 3. Ano sa palagay mo ang dahilan bakit matagal bago inamin ni Ken ang kanyang pagkakamali?
- 28. 4. Anong magandang katangian ang ipinakita ni Ken sa kuwento? 5. Anong magandang-aral ang natutuhan mo mula sa kwento?
- 29. Ano ang nadarama mo kapag sinasabihan ka ng iyong kapuwa na mali ang iyong ginagawa?
- 30. Ikaw ba ay nasasaktan, nagtatampo o nagagalit sa taong nagsabi nito sa iyo?
- 31. Ano ang iyong ginagawa kapag ikaw ay nasasaktan, nagtatampo o nagagalit?
- 32. pagyamanin
- 33. Piliin mula sa kahong nasa susunod na slide ang mga salita o parirala na nangangahulugan ng pagtanggap ng pagkakamali at isulat ito sa loob ng puso na iguguhit mo sa iyong kuwaderno.
- 34. Hindi ko po sinasadya. Patawad po. Wala akong pakialam! Pasensiya na po. Hindi ko na uulitin. Ikaw kasi! Hindi ko kasalanan iyon.
- 35. PICTURE ANALYSIS
- 36. Ano ang ipinapakita ng larawan? Kung ikaw ang nasa sitwasyon ng batang babae, ano ang gagawin mo?
- 37. Ano ang ipinapakita ng larawan? Kung ikaw ang nasa sitwasyon ng batang lalaki, ano ang gagawin mo? Kung ikaw ang nasa sitwasyon ng batang babae, ano ang gagawin mo?
- 38. tandaan
- 39. Ang iyong nadarama ay maaaring makaapekto sa pakikitungo mo sa iyong kapuwa. Maaaring magresulta ito sa hindi magandang ugnayan sa kanila. Sa ganitong sitwasyon masusubukan ang iyong pagiging mahinahon.
- 40. Ang pagiging mahinahon ay tumutukoy sa gawi o ugali ng taong hindi mainitin ang ulo, may mahabang pasensiya at may pagpipigil sa sarili. Hindi siya madaling nagpapadala sa bugso ng kaniyang damdamin.
- 41. Kailangang bukas ang iyong isipan sa pagtanggap ng sariling pagkakamali at ituwid ito; pagtanggap ng puna ng kapuwa at pagpili ng mga salitang di- nakasasakit ng damdamin
- 42. Sa ganitong paraan mapauunlad mo ang iyong sarili. Kailangan mo ito sa isang mabuting pakikipagkapuwa-tao.
- 43. pagtataya
- 44. Suriin ang mga pangungusap sa mga susunod na slides. Lagyan ng tsek ( / ) ang nararapat na gawin at ekis (X) naman sa hindi nararapat gawin. Gawin ito sa iyong kuwaderno o sagutang papel.
- 45. 1. Marunong akong tumanggap ng aking pagkakamali at handa akong harapin ang anumang magiging kahihinatnan nito. 2. Hindi ako sanay na humingi ng paumanhin sa tuwing may nagagawa akong pagkakamali sa aking kapuwa. 3. Ayaw kong makasakit ng damdamin ng aking kapuwa, kaya pinipili ko ang mga salitang hindi nakasasakit sa tuwing sila ay aking binibiro.
- 46. 4. Kahit may maling nagawa ang aking kaibigan, gaya ng dati, patuloy ko pa rin siyang kinakausap. 5. Kahit hindi ko sinasadyang mabuhusan ng juice ang aklat ni Almira, humingi pa rin ako ng paumanhin sa kanya. 6. Sa tuwing may nagagawa akong pagkakamali ay agad akong humihingi ng tawad.
- 47. 7. Minsan, kahit hindi ko sinasadyang magkamali nagagawa ko pa ring humingi ng sorry. 8. Kahit minsan hindi pa ako nagpatawad ng sinumang nakagawa ng mali sa akin. 9. Hindi mahirap sa akin ang pagsasabi ng sorry sa tuwing ako'y nagkakamali. 10. Ganyan kami ka-close ng aking bestfriend, hindi ko pinatatagal ang aming alitan. Inaayos namin ito kaagad.
- 49. Sumulat ng isang maikling tula tungkol sa pagiging mahinahon na binubuo ng dalawa hanggang tatlong saknong na mayroong apat na taludturan. Lagyan ito ng pamagat. Gamitin ang alinman sa mga templates na nasa susunod na slides.
- 52. SANGGUNIANG MATERYALES Edukasyon sa Pagpapakatao – Ikaapat na Baitang Alternative Delivery Mode Ikalawang Markahan –Modyul 1: Maging Mahinahon sa Lahat ng Pagkakataon Unang Edisyon, 2019 Edukasyon sa Pagpapakatao Curriculum Guide