More Related Content
What's hot (11)
Viewers also liked (11)
Similar to Մխիթար Սեբաստացու գործունեությունը (20)
More from GayushGayushik2002 (20)
Մխիթար Սեբաստացու գործունեությունը
- 1. Մխիթար Սեբաստացու գործունեությունը Գայանե Օհանյան և Մերի Կարապետյան Միջին դպրոց 8-2 դասարան
- 2. Մխիթար Սեբաստացին ստանալով վարդապետի աստիճան` որպես քարոզիչ հաստատվում է Կոստանդնուպոլսում և զբաղվում է գրական-մշակույթային գործունեությամբ: 1701 թվականին Մխիթար Սեբաստացին հավաքելով ութ աշակերտ` կազմում է միաբանություն և հետագա իր հռչակավոր գրական- գիտական գործունեության սկիզբը դառնում: Նա Կոստանդնուպոլիսի Բեյօլղի թաղամասում վարձում է մի բնակարան, որտեղ բացում է իր դպրոցը և հրատարակում կրոնական բովանդակության` լատիներենից թարգմանված չորս գիրք:
- 3. Սակայն Սեբաստացին կասկածվում է որպես կաթոլիկ, պայքարում ենթարկվում է հալածանքի, որից խուսափելու համար միաբանությունը տեղափոխում է Վենետիկի հանրապետության ներքո գտնվող Հունաստանի Մորեա նահանգի Մեթոն ծովահայաց բերդաքաղաքը, որտեղ եկեղեցի են կառուցում և ապրուստի համար պարտեզ ու ձիթաստան են ձեռք բերում: Սակայն 1715 թվականին Թուրքիան պատերազմ է հայտարարում Վենետիկի Հանրապետությանը և օսմանյան զորքերը շարժվում են Հունաստան: Մխիթարյանները ժամանակին կարողանում են հեռանալ:
- 4. Թուրքերը գրավում են նաև Մեթոն բերդաքաղաքը, թալանում են և Մխիթարյանների 14 տարիների անդուլ աշխատանքի պտուղները ոչնչանում են: Թուրքիայի պատերազմից փախչելով միաբանները նավարկելով հասնում են Վենետիկ: Եվ այնտեղ Վենետիկի լքվաց Սբ Ղազար կղզում ընդմիշտ շնորհեց Մխիթարյան միաբանությունը: Մխիթար Սեբաստացին սերունդ կրթելու բնածին ծարավ ուներ: Նա չի սահմանափակվել միայն կրոնական խնդիրներով, այլ ծավալել է նախադեպը չունեցող գործունեություն, որի արդյունքում կրոնական միաբանությունը, վերածվել է նաև գիտամշակույթային հաստատության:
- 5. Սուրբ Ղազարում նա ոչ միայն կառուցեց եկեղեցի, այլ նաև բացեց այնպիսի մի դպրոց, որը Համալսարան կոչվելու իրավունք ուներ: Ուսումնական ծրագրի հիմքում դրվել է աստվածաբանությունը: Մերժել է օտարազգի աշակերտների մուտքն իր դպրոց, որպեսզի Միաբանությունը մնա զուտ հայկական: 1730 թվականից սկսած Մխիթարյանները սկսում են բեմադրել, այնպիսի ներկայացումներ, որոնք ցուցադրվում էին վենետիկյան երկարատև Բարեկենդանի օրերին:
- 6. Մխիթար Սեբաստացին Սուրբ Ղազարում բացահայտեց թատրոնի կարևորությունը, որն իր շարունակությունը գտավ Կոստանդնուպոլիսի, Հնդկաստանի, Ղրիմի ուսանողության շրջանակներում` որպես կարևոր մի առաքելություն: Այսպիսով Սուրբ Ղազար կղզում բացվեց դպրոց և վարժարան, որոնց դասավանդման ծրագրերը երաշխավորում էին փիլիսոփայության, աստվածաբանության, քերականական խոր գիտելիքներ: Դպրոցն ու վարժարանը պիտի պատրաստեին իսկական առաքյալների, որոնք պիտի կարողանային կրթել ժողովրդին: