геометрийн зөвлөмж Iii анги.
- 1. 12 жилийн сургалттай 3 ангид “геометр” - ийн дүрс таниулах арга зүйн зөвлөмж. Геометрийн агуулгыг эзэмшүүлэх явцад суралцагчид зарим хялбар дүрс ба биетийн үндсэн чанар, хэмжээс, тэдгээрийг зурж байгуулах арга, хэмжих хэрэгслийн талаар практик мэдлэгтэй болно. Дараа нь ахуй амьдралд тохиолдох геометрийн агуулгатай асуудлыг шийдвэрлэхдээ дүрсээр загварчлан тооцоолох чадвартай болно. Эцэг эхчүүд сурагчид та бүхэн геометрийн агуулгыг ойлгуулахдаа дараах алхмуудыг баримталбал зоистой. Үүнд: 1. Орчин тойронд нь тохиолдох тухайн дүрсийн талаарх суралцагчдын ерөнхий төсөөллийг сэргээнэ. Үүний тулд хүүхэдтэйгээ чөлөөт ярилцлага хийж хялбар дадлага ажил хийлгэж болно. 2. Дадлага ажлын дараа дүгнэлт хийх, тодорхойлолт хамтран гаргах үйл хийлгэнэ. Тодорхойлолтыг гаргаж чадаагүй тохиолдолд тусална. 3. Ажиглах, хартьцуулан жиших дадлага ажил хангалттай хийлгэсний дүнд уг дүрсийн үндсэн чанаруудыг гаргахыг оролдоно. 4. Аливаа дүрс ба биет нь тодорхой байдгийг ярилцан ухааруулах, урт, талбай, хүнд, эүэлхүүнийг хэмжих нэгжүүд, тэдгээрийн харилцан холбоог ойлгуулна. 5. Дүрсийн талаарх мэдлэгээ ашиглан ахуйн хялбар тооцоо хийх, амьдралдаа хэрэглэх чадвартай болно. 6. Дараа нь хэмжих багаж хэрэгсэлтэй танилцаж, ашиглах аргыг нь мэдэх болно. Янз бүрийн хэмжилт хийсний дүнд өгсөн асуудлыг шийдвэрлэх чадварыг эзэмшүүлнэ. Хичээл дээр гарын доорх материал, ялангуяа өнгийн цаас, савх, гуурс, резин ашиглан дүрс байгуулах, хайчлах, наах, эвлүүлэх, нугалах, дэлгэх, эвхэх, задлах, салгах, зэрэг үйл ажиллагаа хийх нь дүрсийн янз бүрийн элементүүдийг ялган таних, тэдгээрийн чанарыг гүнзгий ухаарахад чухал түлхэц болдог. Бага ангийн сурагчдын мэдлэг бүтээх дадлага ажлаар геометрийн ихэнх агуулга гол ухагдахууныг эзэмшин дараа нь математик хэлбэрт шилжүүлэн дүрслэх, нэрлэх, бичих8 томьёолох, тайлбарлах, аргад суралцана. Нийлмэл дүрс дэх жижиг дүрсүүдийг ялган таних, өгсөн салангид дүрсүүдээр шинэ дүрс бүтээх агуулгатай бодлого дасгалыг байнга гүйцэтгэснээр суралцагчдын орон зайн төсөөлөл хөгжинө. Жишээлбэл тэгш өнцөгтийг 2 гурвалжин болгон хуваах, квадратыг 2 тэнцүү тэгш өнцөгт болгон хуваах гэх мэт. Тэгш өнцөгт квадрат