More Related Content
What's hot (20)
Similar to Modyul14-PERSONAL NA PAHAYAG NG MISYON SA BUHAY.pptx (20)
Modyul14-PERSONAL NA PAHAYAG NG MISYON SA BUHAY.pptx
- 1. Aralin 14 PERSONAL NA PAHAYAG NG MISYON SA BUHAY Inihandani: ARNELO.RIVERA AngGRADESpinaghihirapan HINDIinililimos.
- 2. Balik-aral: Kailangan mong magpasya at pumili para sa iyong sarili kung ano ang nais mong kuning track o kurso. Ang unang hakbang sa pagplaplano sa iyong kukuning kurso ay ang Pagsusuring Pansarili (Self- assessment). Nahuhubog lamang ng tao ang kaniyang pagkakakilanlan sa pakikibahagi sa kaniyang pakikipag-ugnayan sa kapwa. Ang pansariling salik sa pagpili ng tamang karera ay ang Talento, Hilig, Kasanayan, Pagpapahalaga at Mithiin.
- 3. Panimula: Alam mo ba ang direksyon na tinatahak mo sa buhay? Naitanong mo na ba sa iyong sarili kung saan ka patungo?
- 4. Misyon sa Buhay Mahalagang sigurado ang tao sa landas na kaniyang tinatahak. Ito ang susi na makatutulong sa kanya upang makamit ang kaniyang mga layunin sa buhay. Ito ay mahalaga sa pagkakaroon ng makabuluhang buhay at ganap na pagkatao.
- 5. Misyon sa Buhay Sa tuwing magpapasiya, kinakailangang pag- isipan ito ng mabuti upang sigurado at hindi maligaw. Ito ay dapat na makabubuti sa sarili, kapwa at lipunan.
- 6. Personal na Pahayag ng Misyon sa Buhay (PPMB) Isang personal na kredo o motto na nagsasalaysay kung paano mo ninanais na dumaloy ang iyong buhay. Nagsisilbi itong simula ng matatag na pundasyon sa pagkakaroon ng sariling kamalayan at mataas na pagpapahalaga sa iyong layunin sa buhay.
- 7. Personal na Pahayag ng Misyon sa Buhay (PPMB) Ayon kay Stephen Covey sa kaniyang aklat na Seven Habits of Highly Effective People Begin with the end in mind. Nararapat na ngayon pa lamang ay malinaw na sa iyong isip ang isang malaking larawan kung ano ang nais mong mangyari sa iyong buhay. Ang paggawa ng personal na misyon ay nararapat na iugnay sa pag-uugali at paniniwala sa buhay.
- 8. Personal na Pahayag ng Misyon sa Buhay (PPMB) Sa paglikha ng Personal na Misyon sa Buhay, makatutulong na magkaroon ka ng pansariling pagtataya o personal assesment sa iyong kasalukuyang buhay. Ang resulta nito ay magiging kapaki- pakinabang sa iyong mapanagutang pasya at kilos. Narito ang mga dapat mong isaalang-alang sa pansariling pagtataya:
- 9. 1. Suriin ang iyong ugali at katangian. Simulan mo ang paggawa ng iyong personal na misyon sa pamamagitan ng pagtatala ng iyong mga ugali at mga katangian. Ang pangunahin mong katangian ang magpapakilala sa iyo kung sino ka, paano ka naapektuhan ng mundo na iyong ginagalawan, ano ang mahalaga sa iyo at paano ka kumikilos para sa iyong gagawin na pagpapasya.
- 10. 2. Tukuyin ang iyong mga pinahahalagahan. Kailangang maging maliwanag sa iyo kung saan nakabatay ang iyong mga pagpapahalaga. Kung saan nakatuon ang iyong lakas, oras at panahon. Ang iyong mga pinahahalagahan ang magiging pundasyon mo sa pagbuo ng personal na misyon sa buhay.
- 11. 3. Tipunin ang mga impormasyon. Sa iyong mga impormasyon na naitala, laging isaisip na ang layunin ng paggawa ng personal na misyon sa buhay ay mayroong malaking magagawa sa kabuuan ng iyong pagkatao. Ito ang magbibigay sa iyo ng tamang direksiyon sa landas na iyong tatahakin.
- 12. All of us are creators of our own destiny Ibig sabihin, tayo ang lilikha ng ating patutunguhan. Anuman ang iyong hahantungan ay bunga ng iyong mga naging pagpapasya sa iyong buhay. Ang PPMB ay maaaring mabago o mapalitan sapagkat patuloy na nagbabago ang tao sa konteksto ng mga sitwasyon na nangyayari sa kaniyang buhay
- 13. Ano ang Misyon? Ang misyon ay ang hangarin ng isang tao sa buhay na magdadala sa kaniya tungo sa kaganapan. Ang bawat tao ay tinawag ng Diyos na gampanan ang misyon na ipinagkaloob Niya sa atin.
- 14. Pagkakaiba ng Propesyon sa Bokasyon Ang propesyon ay trabaho na ginagawa ng tao upang siya ay mabuhay. Ang bokasyon ay hindi na lamang simpleng trabaho kundi isang misyon. Dito nagkakaroon ang tao ng tunay na pananagutan sapagkat naibabahagi niya ang kaniyang sarili at kumikilos siya para sa kabutihang panlahat.
- 15. Pagbubuod: Napakahalaga para sa isang kabataan na bumuo ng personal na pahayag ng misyon sa buhay (PPMB). Ito ang makapagbibigay ng direksiyon patungo sa iyong bokasyon. Ang tunay na misyon ay ang MAGLINGKOD. Ang paglilingkod sa Diyos at sa kapwa ang magbibigay sa tao ng tunay na kaligayahan - Fr. Jerry Orbos.
- 16. Bakit mahalagang makabuo ng Personal na Pahayag ng Misyon sa Buhay (PPMB)? Ano ang kabuluhan ng PPMB sa aking pag-unlad bilang tao? PAGPAPAHALAGA TAKDA:
- 17. References: Edukasyon sa Pagpapakatao 9 Modyul para sa Mag-aaral Unang Edisyon 2015 , DepEd esp_9_lm_draft_3.31.2014-2 https://www.pinterest.com/pin/29203097562220845/ https://www.dreamstime.com/royalty-free-stock- photo-vision-mission-goal-arrows-text-d-red-blue- green-business-concept-words-image31119855
- 18. Tama o Mali: Tukuyin kung ang mga sumusunod na pangungusap ay nagsasaad ng wastong diwa. NO ERASURES. 1. Mahalagang sigurado ang tao sa landas na kaniyang tinatahak. 2. Ang misyon sa buhay ay dapat na makabubuti sa sarili lamang. 3. Ang PPMB ay isang personal na kredo na nagsasalaysay kung paano mo ninanais na dumaloy ang iyong buhay.
- 19. Tama o Mali: Tukuyin kung ang mga sumusunod na pangungusap ay nagsasaad ng wastong diwa. NO ERASURES. 4. Walang kaugnayan ang personal na misyon sa pag-uugali at paniniwala sa buhay. 5. Anuman ang iyong hahantungan ay bunga ng iyong mga naging pagpapasya sa iyong buhay.